Lögreglustjórinn á höfuðborgarsvæðinu (
Sonja Wiium saksóknarfulltrúi)
gegn
Breka Þór Frímannssyni (
Þorgils Þorgilsson lögmaður)
Ákærði sem játaði sök var dæmdur til að sæta fangelsi í 8 mánuði fyrir m.a. sérstaklega hættulega líkamsárás og rán. Var um að ræða hegningarauka við refsingu í fyrri dómi.
Lögreglustjórinn á höfuðborgarsvæðinu (
Eva Lind Ingadóttir saksóknarfulltrúi)
gegn
Degi Sóloni Valgerðarsyni (
Þuríður B. Sigurjónsdóttir lögmaður)
Ákærði var sakfelldur fyrir líkamsárás og vopnalagabrot.
Ákæruvaldið (
Dagmar Ösp Vésteinsdóttir saksóknari)
gegn
Svavari Óla Ólafssyni (
Andrés Már Magnússon lögmaður)
S var sakfelldur í héraði fyrir fíkniefna- og vopnalagabrot. Eldri skilorðsdómur var tekinn upp og S gerð refsing í einu lagi. Var refsing S ákveðin fangelsi í níu mánuði, en fullnustu sex mánaða frestað skilorðsbundið í tvö ár. Jafnframt voru gerð upptæk nánar tilgreind fíkniefni, fíknilyf og vopn. S áfrýjaði héraðsdómi í því skyni að fá refsinguna mildaða og bundna skilorði að öllu leyti. Með dómi Landsréttar var hinn áfrýjaði dómur staðfestur.
Ákærði sakfelldur fyrir m.a. nauðgun og sifskaparbrot og dæmdur í þriggja ára fangelsi og til greiðslu miskabóta.
Lögreglustjórinn á höfuðborgarsvæðinu (
Auðbjörg Lísa Gústafsdóttir aðstoðarsaksóknari)
gegn
Óðni Þór Ingólfssyni (
Stefán Karl Kristjánsson lögmaður)
Ákærði sem játaði sök var sakfelldur fyrir ýmis hegningarlagabrot og dæmdur til að sæta fangelsi í 6 mánuði.
Ákærðu voru sakfelld fyrir brot gegn ákvæðum laga um ávana- og fíkniefni, auk þess sem annar ákærðu var sakfelldur fyrir vopnalagabrot og brot gegn umferðarlögum.
Lögreglustjórinn á höfuðborgarsvæðinu (
Sonja Wiium saksóknarfulltrúi)
gegn
Ástþóri Tómassyni (
Guðmundur St. Ragnarsson lögmaður)
Ákærði var sakfelldur fyrir þjófnaðar-, vopna- og umferðarlagabrot. Var honum gert að sæta fangelsi í 75 daga ásamt því að áréttuð varævilöng svipting ökuréttar ákærða.
Lögreglustjórinn á höfuðborgarsvæðinu (
Sonja Wiium saksóknarfulltrúi)
gegn
Vigni Blæ Sigurðarsyni (
Guðmundur St. Ragnarsson lögmaður)
Ákærði, sem játaði sök, dæmdur í 30 daga skilorðsbundið fangelsi fyrir vopnalagabrot.
Ákærði sakfelldur fyrir líkamsárás samkvæmt 217. gr. almennra hegningarlaga og vopnalagabrot en sýknaður af broti gegn 2. mgr. 218. gr. sömu laga vegna neyðarvarnar. Var ákvörðun refsingar ákærða frestað skilorðsbundið.
X, Y og Z voru sakfelldir fyrir stórfellt fíkniefnalagabrot samkvæmt 173. gr. a almennra hegningarlaga nr. 19/1940 með því að hafa haft í vörslum sínum í sölu- og dreifingarskyni 2943,38 grömm af MDMA-kristöllum. Z var til viðbótar sakfelldur fyrir brot gegn sama ákvæði með því að hafa haft í vörslum sínum í sölu- og dreifingarskyni 1.781 töflu af MDMA, fyrir fíkniefnalagabrot með því að hafa haft í vörslum sínum ýmis önnur fíkniefni í sölu- og dreifingarskyni sem og fyrir umferðarlagabrot. Þá var Y einnig sakfelldur fyrir fíkniefnalagabrot með því að hafa haft í vörslum sínum nánar tilgreind fíkniefni og vopnalagabrot. Í málinu var annars vegar deilt um sýknukröfu Y vegna fyrrgreinds brots gegn 173. gr. a almennra hegningarlaga og hins vegar ákvörðun refsingar. Með nánar tilgreindum athugasemdum staðfesti Hæstiréttur niðurstöðu hins áfrýjaða dóms um sakfellingu Y. Við ákvörðun refsingar leit Hæstiréttur meðal annars til þess að úr MDMA-kristöllunum hefði mátt framleiða ríflega 23.000 MDMA-töflur og því um að ræða verulegt magn efnis sem og til nýlegra dóma réttarins í sambærilegum málum. Með hliðsjón af því var refsing allra ákærðu þyngd frá því sem ákveðið hefði verið í hinum áfrýjaða dómi og refsing ákærðu X og Y ákveðin fangelsi í þrjú ár en Z fangelsi í þrjú og hálft ár.
S og Í voru ákærðir fyrir stórfelld brot gegn vopnalögum. Þá var S einnig ákærður fyrir tilraun til hryðjuverka og Í fyrir hlutdeild í því broti. Með dómi Landsréttar var héraðsdómur staðfestur meðal annars um sakfellingu ákærðu fyrir stórfelld brot gegn vopnalögum. Jafnframt staðfesti Landsréttur niðurstöðu héraðdóms um sýknu ákærðu af sakargiftum um tilraun til hryðjuverks og hlutdeild í því broti. Hæstiréttur staðfesti niðurstöðu Landsréttar um að hafna kröfu um frávísun málsins frá héraðsdómi. Rétturinn taldi á hinn bóginn að ágallar höfðu verið á túlkun Landsréttar á sönnunarkröfum 1. mgr. 20. gr. almennra hegningarlaga nr. 19/1940 svo og á aðferð við sönnunarmat og samningu hins áfrýjaða dóms sem voru til þess fallnir að hafa veruleg áhrif á niðurstöðu málsins. Þar sem Hæstiréttur gæti ekki endurmetið niðurstöðu hins áfrýjaða dóms um sönnunargildi munnlegs framburðar var óhjákvæmilegt vegna framangreindra annmarka að ómerkja hinn áfrýjaða dóm í heild sinni og vísa málinu aftur til Landsréttar til löglegrar meðferðar og dómsálagningar á ný.
Lögreglustjórinn á höfuðborgarsvæðinu (
Kamilla Kjerúlf aðstoðarsaksóknari)
gegn
Guðmundi Árnasyni (
Stefán Karl Kristjánsson lögmaður)
Ákærði var sakfelldur fyrir brot gegn almennum hegningarlögum, umferðarlögum og vopnalögum og dæmdur til að sæta fangelsi í 22 mánuði.
Lögreglustjórinn á höfuðborgarsvæðinu (
Böðvar Einarsson saksóknarfulltrúi)
gegn
Óskari Mána Atlasyni (
Áslaug Lára Lárusdóttir lögmaður)
Ákærði var sakfelldur fyrir þjófnaðar, umferðar-, fíkniefnalaga-, og vopnalagabrot. Rauf ákærði skilorð og var honum dæmdur hegningarauki. Var honum gert að sæta fangelsi í 2 ár ásamt því að vera sviptur ökuréttindum ævilangt ásamt upptöku fíkniefna og vopna.
Ákærði X var sakfelldur fyrir tvö rán framin annars vegar í félagi við meðákærða Gabríel og hins vegar í félagi við meðákærða Y, tvær sérstaklega hættulegar líkamsárásir, aðra framda í félagi við meðákærða Gabríel, auk sérrefsilagabrota. Ákærði Gabríel var sakfelldur fyrir sérstaklega hættulega líkamsárás og hlutdeild í ráni, framið í félagi við meðákærða X. Ákærði Y var sakfelldur fyrir rán framið í félagi með X. Var ákærði X dæmdur í tveggja og hálfs árs óskilorðsbundið fangelsi, Gabríel var dæmdur í 12 mánaða óskilorðsbundið fangelsi og Y var dæmdur í 6 mánaða skilorðsbundið fangelsi. Ákærði X var jafnframt sviptur ökurétti í 18 mánuði og gert að sæta upptöku fíkniefna og vopna.
Ákærðu sakfelldir vegna tveggja líkamsárása en einn ákærðu sýknaður af annarri þeirra. Einn ákærðu sakfelldur samkvæmt játningu vegna fíkniefna- og vopnalagabrota.
X var ákærður fyrir stórfellt brot í nánu sambandi gegn fyrrverandi sambýliskonu sinni og barnsmóður, A, með því að hafa endurtekið og á alvarlegan hátt ógnað lífi, heilsu og velferð hennar með líkamlegu og kynferðislegu ofbeldi. Annars vegar var X gefin að sök kynferðisleg áreitni og húsbrot með því að hafa 13. október 2024 farið í heimildarleysi inn í hús og síðan svefnherbergi A og áreitt hana með tilgreindum hætti og eftir það neitað að yfirgefa heimilið, þrátt fyrir ítrekaðar beiðnir A þess efnis. Hins vegar um tilraun til manndráps með því að hafa þremur dögum síðar veist að A með tilgreindum hætti með þeim afleiðingum að hún hætti að geta andað og meðvitund hennar skertist og hún hlaut tilgreinda áverka. Einnig var X ákærður fyrir líkamsárás gegn B sem olli honum tilgreindum áverkum. Loks var X gefið að sök vopnalagabrot með því að hafa haft í fórum sínum á heimili sínu 14 skotvopn, auk fjölda skotfæra, án þess að hafa gilt skotvopnaleyfi, án þess að skotvopnin væru skráð á hann og án þess að tryggja viðeigandi geymslu þeirra. Með dómi héraðsdóms var X sakfelldur fyrir þá háttsemi sem honum var gefin að sök. Var því hafnað að X hafi verið alls ófær um að stjórna gerðum sínum eða geðrænu ástandi hans þannig háttað að refsing gæti ekki borið árangur, sbr. 15. og 16. gr. almennra hegningarlaga nr. 19/1940. Var X gert að sæta fangelsi í sex ár, auk þess sem honum var gert að greiða A skaða- og miskabætur og sæta upptöku á fyrrgreindum skotvopnum og skotfærum. Með dómi Landsréttar var talið hafið yfir skynsamlegan vafa að beinn ásetningur X hafi staðið til þess að svipta A lífi 16. október 2024. Staðfesti Landsréttur niðurstöðu héraðsdóms um sakfellingu X og ákvað refsingu hans fangelsi í sjö ár en til frádráttar skyldi koma vist hans í gæsluvarðhaldi og á sjúkrastofnun. Niðurstaða héraðsdóms um skaða- og miskabætur til handa A og um upptöku skotvopna og skotfæra var loks staðfest.
Lögreglustjórinn á höfuðborgarsvæðinu (
Auðbjörg Lísa Gústafsdóttir aðstoðarsaksóknari)
gegn
Eimantas Dumcius (
Vilhjálmur Hans Vilhjálmsson lögmaður)
Maður, sem játaði sök fyrir dómi, sakfelldur fyrir sjö þjófnaðarbrot og brot gegn vopnalögum. Eldri dómur tekinn upp þar sem um skilorðsrof var að ræða að hluta til. Dæmdur til að sæta fangelsi í sex mánuði en fullnustu þriggja mánaða af þessum sex frestað skilorðsbundið í tvö ár. Ísexi gerð upptæk.
Lögreglustjórinn á Norðurlandi vestra (
Sigurður Hólmar Kristjánsson lögreglustjóri)
gegn
X og Y (
Pétur Kristinsson lögmaður)
Ákærða X banaði hundi af nærliggjandi bæ þegar hann hljóp í átt að æðarvarpi í eigu ákærðu. Við það verk notaði hún byssu í eigu ákærða Y, en gildistími skotvopnaleyfa þeirra beggja var þá útrunninn. Vegna þessa voru ákærðu X gefin að sök eignarspjöll og vopnalagabrot og þess krafist að skotvopnið yrði gert upptækt. Talið var sannað að ákærða hefði skotið hundinn í þeim eina tilgangi að verja æðarvarpið gegn yfirvofandi tjóni sem hundurinn hefði getað valdið og að ekki hefði verið kostur á að beita öðrum og vægari úrræðum í því skyni. Jafnframt var talið sannað að eigendur varpsins hefðu áður verið búnir að brýna fyrir eigendum hundsins að gæta hans sérstaklega á varptímanum og að ákærða X hefði reynt að reka hundinn frá varpinu áður en hún greip til þess örþrifaráðs að skjóta hann. Enn fremur var talið sannað að þeir hagsmunir sem ákærðu verndaði með verkinu hefðu verið miklum mun meiri en þeir hagsmunir sem hún fórnaði með því að aflífa hundinn. Því var talið að uppfyllt væru skilyrði neyðarréttar, samkvæmt 13. gr. almennra hegningarlaga nr. 19/1940, og ákærðu voru sýknuð af kröfum ákæruvaldsins.
Lögreglustjórinn á höfuðborgarsvæðinu (
Júlí Karlsson aðstoðarsaksóknari)
gegn
Smára Óskari Hólmarssyni (
Snorri Sturluson lögmaður)
Ákærða var gerð refsing fyrir þjófnað og vopnalagabrot. Jafnframt var honum gert að sæta upptöku að hluta á vopnum.
Ákærði sakfelldur fyrir tilraun til manndráps og nokkur minniháttar brot.
Lögreglustjórinn á höfuðborgarsvæðinu (
Gunnhildur Anna Alfonsdóttir aðstoðarsaksóknari)
gegn
Davíð Þór Stefnissyni (
Hilmar Garðars Þorsteinsson lögmaður)
Ákvörðun refsingar frestað skilorðsbundið í tvö ár enda gangist ákærði undir sérhæfða lyfja- og geðræna meðferð hjá yfirlækni á réttargeðdeild.
Lögreglustjórinn á höfuðborgarsvæðinu (
Elín Hrafnsdóttir aðstoðarsaksóknari)
gegn
Ottó Frey Aðalsteinssyni (
Ingi Freyr Ágústsson lögmaður)
Ákærði var sakfelldur fyrir brot gegn umferðarlögum, lögum um ávana- og fíkniefni, lögreglulögum og vopnalögum. Var honum gert að sæta fangelsi í 10 mánuði og ævilöng ökuréttarsvipting hans áréttuð. Þá var ákærða gert að sæta upptöku haldlagðra fíkniefna og reiðufjár, auk annarra haldlagðra muna.
Allir ákærðu sakfelldir fyrir fjárkúgun, rán og brot á barnaverndarlögum eða fyrir hlutdeild í þeim brotum. Einnig sakfellt fyrir minniháttar líkamsárás, eignaspjöll, þjófnað o.fl.
Ákærði A sakfelldur fyrir hlutdeild í stórfelldum þjófnaði, peningaþvætti, umferðar-, fíkniefna- og vopnalagabrot, þjófnaði, þ.m.t. stórfelldan þjófnað, nytjastuld og fjársvik, en hluti brotanna var framinn í félagi við aðra, þ.m.t. ákærða B. Ákærði B sakfelldur fyrir hlutdeild í nytjastuldi og stórfelldum þjófnaði ákærða A. Ákærði A dæmdur til að greiða skaðabætur en ákærði B sýknaður af þeirri kröfu. Báðir ákærðu dæmdir til refsingar og ákærði A að auki til sviptingar ökuréttar.
Ákærðu báðir sakfelldir fyrir húsbrot og annar þeirra að auki fyrir gripdeild og vopnalagabrot
Lögreglustjórinn á höfuðborgarsvæðinu (
Jakob Steinn Stefánsson saksóknarfulltrúi)
gegn
Ólafi Darra Sturlusyni (
Snorri Sturluson lögmaður) og
og Andreu Rán Jóhannsdóttur (
Leifur Runólfsson lögmaður)
Ákærðu voru sakfelld fyrir ýmis brot gegn almennum hegningarlögum, vopnalögum, umferðarlögum og lögum um ávana- og fikniefni. Var ákærði Ólafur dæmdur í tíu mánaða skilorðsbundið fangelsi og ævilöng ökuréttarsvipting hans áréttuð. Ákærða Andrea var dæmd í þriggja mánaða skilorðsbundið fangelsi og svipt ökurétti í þrjú ár. Þá var báðum ákærðu gert að sæta upptöku haldlagðra fíkniefna og reiðufjár, auk annarra haldlagðra muna.
Ákæruvaldið (
Agnes Björk Blöndal aðstoðarsaksóknari)
gegn
Svavari Óla Ólafssyni (
Andrés Már Magnússon lögmaður)
Ákærði sakfelldur fyrir vörslur fíkniefna, fíknilyfja og vopna.
Lögreglustjórinn á höfuðborgarsvæðinu (Sonja Wiium saksóknarfulltrúi) gegn
Ousmane Hawa Camara
Ákærði var sakfelldur fyrir þjófnað, gripdeild, brot gegn lögreglulögum, lögreglusamþykkt, lögum um ávana- og fíkniefni og vopnalögum og dæmdur í 90 daga skilorðsbundið fangelsi og gert að sæta upptöku á fíkniefnum og hníf.
Ákæruvaldið (
Eyþór Þorbergsson aðstoðarsaksóknari)
gegn
Alexander Svani Guðmundssyni (
Páll Kristjánsson lögmaður)
Ákærði sakfelldur fyrir vörslur fíkniefna í söluskyni, vopnalagabrot og peningaþvætti. Hegningarauki. Skilorðsdómur dæmdur upp.
Lögreglustjórinn á höfuðborgarsvæðinu (Anna Guðbjörg Hólm Bjarnadóttir saksóknarfulltrúi) gegn
Remigijus Uzkuraitis
Ákærði var sakfelldur fyrir umferðarlagabrot, skjalafals og vopnalagabrot. Var honum gert að sæta fangelsi í 30 daga, en fullnustu refsingarinnar var frestað í tvö ár. Var ákærða einnig gert að greiða sekt til ríkissjóðs, sviptingu ökuréttinda í 2 ár og 3 mánuði ásamt upptöku vopns.
Lögreglustjórinn á höfuðborgarsvæðinu (
Auðbjörg Lísa Gústafsdóttir aðstoðarsaksóknari)
gegn
Grzegorz Zbigniew Kobylecki (
Þórður Már Jónsson lögmaður) og
Tomasz Niescier (
Ingi Freyr Ágústsson lögmaður)
Ákærði G var sakfelldur fyrir þjófnaðarbrot, vopnalagabrot og umferðarlagabrot og dæmdur í 60 daga skilorðsbundið fangelsi, til greiðslu sektar og sviptingu ökuréttar. Ákærði T var sakfelldur fyrir þjófnaðarbrot og dæmdur í fjögurra mánaða fangelsi en hann var talinn hafa rofið skilorð eldri dóms sem var tekinn upp.
Ákærði var dæmdur í sex mánaða fangelsi, skilorðsbundið í tvö ár, fyrir líkamsárásir, fíkniefnabrot og vopnalagabrot. Einnig var ákærði dæmdur til að greiða brotaþolum bætur.
Ákærði sakfelldur fyrir rán, vörslur fíkniefna og vopnalagabrot. Hegningarauki.
Lögreglustjórinn á höfuðborgarsvæðinu (
Anna Guðbjörg Hólm Bjarnadóttir saksóknarfulltrúi)
gegn
Jóhannesi Bjarka Birkissyni (
Þorgils Þorgilsson lögmaður)
Ákærði var sakfelldur fyrir umferðar-, lögreglu, vopna- og fíkniefnalagabrot.
Lögreglustjórinn á Suðurlandi (Margrét Harpa Garðarsdóttir fulltrúi) gegn
Steinunni Dúu Grímsdóttur (enginn)
Ákærða var fundin sek um fíkniefnalagabrot og vopnalagabrot og henni gert að sæta fangelsi í 30 daga, en fullnustu refsingarinnar var frestað skilorðsbundið. Þá var ákærðu gert að sæta upptöku á fíkniefnum, munum og vopni.
Ákærðu voru báðir sakfelldir fyrir rán og annar þeirra að auki fyrir að aka bifreið undir áhrifum sviptur ökurétti, vörslur fíkniefna og vopnalagabrot. Ákæru vegna peningaþvættis vísað frá dómi.
Ákærði sakfelldur fyrir hótanir í garð tveggja einstaklinga, líkamsárás sem varðar við 1. mgr. 217. gr. almennra hegningarlaga, aðra líkamsárás sem varðar við 1. mgr. 218. gr. sömu laga og vopnalagabrot. Dæmdur til greiðslu miskabóta.
Lögreglustjórinn á Vesturlandi (Emil Sigurðsson aðstoðarsaksóknari) gegn
X
Maður sakfelldur fyrir umferðarlagabrot, fíkniefnalagabrot og vopnalagabrot. Eignaupptaka. Svipting ökuréttar í 18 mánuði. Fangelsi 3 mánuðir skilorðsbundið í tvö ár.
Lögreglustjórinn á höfuðborgarsvæðinu (
Böðvar Einarsson saksóknarfulltrúi)
gegn
Daniel Bondarow (
Ingi Freyr Ágústsson lögmaður)
Ákærði var sakfelldur fyrir umferðar-, vopna- og fíkniefnalagabrot. Var honum gert að sæta fangelsi í 90 daga skilorðsbundið til tveggja ára ásamt því að vera sviptur ökuréttindum í 18 mánuði.
Lögreglustjórinn á Norðurlandi vestra (
Sigurður Hólmar Kristjánsson lögreglustjóri)
gegn
X (
Gunnar Gíslason lögmaður)
Ákærði var sakfelldur fyrir hótanir og vopnalagabrot. Hann var dæmdur til að sæta fangelsi í 60 daga, skilorðsbundið í tvö ár.
Lögreglustjórinn á höfuðborgarsvæðinu (Elín Hrafnsdóttir aðstoðarsaksóknari) gegn
Rafal Ryszard Kottlewski
Ákærði var sakfelldur fyrir ýmis þjófnaðar-, skjala-, umferðar-, vopna- og fíkniefnalagabrot. Var honum gert að sæta fangelsi í 4 mánuði, skilorðsbundið til tveggja ára ásamt því að vera sviptur ökuréttindum í 5 ár.
Ákærðu sem játuðu brot sín dæmdir til fangelsisrefsingar fyrir stórfelld fíkniefnalagabrot og auðgunarbrot. Var um að ræða hegningarauka við fyrra dóma.
Á, B og H voru ákærðir í tengslum við skotárás á heimili brotaþolanna C, A og B þar sem þeir voru staddir ásamt brotaþolanum D. Á var gefin að sök tilraun til manndráps, húsbrot, hættubrot og vopnalagabrot með því að hafa umrætt sinn ásamt B, ruðst grímuklæddur og í heimildarleysi inn á heimilið, þar sem fjórir brotaþolar voru staddir og skotið án viðvörunar samtals sex skotum úr skammbyssu í átt að D og C. B var gefin að sök hlutdeild í brotum Á með því að hafa liðsinnt honum við undirbúning og framkvæmd brotsins með nánar tilgreindum hætti. Ákærða H var gefin að sök hlutdeild í broti Á með því að hafa ekið Á og B umrætt sinn gegn greiðslu. Í dómi Landsréttar kom meðal annars fram að fallist væri á með héraðsdómi að það hefði verið hending ein að skotin lentu ekki í C og D, sem þá voru inni í barnaherbergi, og einnig að Á hafi hlotið að vera ljóst að það sé lífshættulegt að skjóta sex skotum úr skammbyssu í átt að fólki af stuttu færi, án neinnar vissu um hvar skotin lendi, og því hafi Á hlotið að gera sér grein fyrir því að bani gæti hlotist af háttsemi hans. Staðfest var niðurstaða héraðsdóms um sakfellingu Á fyrir tilraun til manndráps gagnvart brotaþolunum D og C og hættubrot gagnvart brotaþolunum A og B sem og vopnalagabrot. Var refsing hans ákveðin fangelsi í sex ár. Þá var staðfest niðurstaða héraðsdóms um að ekki yrði fullyrt að ásetningur B og H hefði staðið til að bana brotaþolunum D og C og yrðu þeir því ekki sakfelldir fyrir hlutdeild í tilraun til manndráps. Þeir voru aftur á móti sakfelldir fyrir hlutdeild í hættubroti Á og B jafnframt sakfelldir fyrir hlutdeild í vopnalagabroti Á. Niðurstaða héraðsdóms um refsingu B og H var staðfest og B gert að sæta fangelsi í 30 mánuði og H gert að sæta skilorðsbundnu fangelsi í eitt ár. Þeim ákæruliðum er vörðuðu húsbrot var vísað frá héraðsdómi. Staðfest voru ákvæði héraðsdóms um upptöku á skammbyssu. Loks var Á og B gert að greiða brotaþolum miskabætur.
Lögreglustjórinn á höfuðborgarsvæðinu (
Kamilla Kjerúlf aðstoðarsaksóknari)
gegn
Jhon Sebastian A. Sevillano (
Steinbergur Finnbogason lögmaður)
Ákærði, sem játaði brot sín, dæmdur til óskilorðsbundinnar fangelsisrefsinar og sviptingu ökuréttar ævilangt fyrir fíkniefna-, vopna-, umferðar- og lögreglulagabrot.
Ákæruvaldið (
Gunnhildur Anna Alfonsdóttir aðstoðarsaksóknari)
gegn
Jóni Gunnþórssyni (
Gísli M. Auðbergsson lögmaður)
Ákærði sakfelldur fyrir ýmis brot gegn hegningarlögum og sérrefsilögum samkvæmt þremur ákærum. Hann játaði brot sín skýlaust.
Ákærði var fundinn sekur um hegningarlagabrot gegn fyrrverandi sambýliskonu sinni og barnsmóður, auk líkamsárásar gegn öðrum einstaklingi og brot á vopnalögum. Var hann dæmdur í sex ára fangelsi og til greiðslu sakarkostnaðar málsins. Auk þess var hann var dæmdur til að greiða fyrrverandi sambýliskonu sinni og barnsmóður miskabætur og bætur vegna fjártjóns, auk vaxta, og gert að sæta upptöku á vopnum og skotfærum.
Ákæruvaldið (
Kamilla Kjerúlf aðstoðarsaksóknari)
gegn
Valentin Preldakaj (
Ingi Freyr Ágústsson lögmaður)
Ákærði sakfelldur fyrir brot á lögum um ávana- og fíkniefni og vopnalögum. Hann játaði brot sín skýlaust.
Lögreglustjórinn á höfuðborgarsvæðinu (
Kamilla Kjerúlf aðstoðarsaksóknari)
gegn
Vali Hoe Guðmundssyni (
Snorri Sturluson lögmaður)
Ákærði var sakfelldur fyrir umferðar-, fíkniefna- og vopnalagabrot. Var honum gert að sæta fangelsi í 13 mánuði ásmt því að áréttuð var ævilöng svipting ökuréttinda.
Karlmaður var sakfelldur fyrir fjölmög kynferðisbrot gagnvart barnungri frænku sinni, auk annarra kynferðisbrota og dæmdur í 3 ára óskilorðsbundið fangelsi. Horfði til refsilækkunar að ákærði var ekki orðinn 18 ára þegar hann braut gegn stúlkunni. Ákærði var jafnframt dæmdur til að greiða stúlkunni 4.000.000 króna miskabætur.
A var sakfelld fyrir eignaspjöll, brot gegn valdstjórninni, vopnalagabrot, brot gegn lögreglulögum og umferðarlagabrot samkvæmt nokkrum ákæruliðum. Við ákvörðun refsingar A var litið til þess að hún hefði gerst sek um fjölmörg afbrot á tæplega átta mánaða tímabili. Skýlaus játning A var virt henni til refsimildunar en á hinn bóginn þótti ekki unnt að horfa fram hjá því að brot hennar væru ítrekuð og bæru vott um einbeittan ásetning sem hefði áhrif til refsihækkunar, sbr. 6. tölulið 1. mgr. 70. gr. almennra hegningarlaga nr. 19/1940. Þá var refsing A ákveðin sem hegningarauki við fyrri dóm. Sá dómur, sem var skilorðsbundinn, var jafnframt tekinn upp og A dæmd refsing í einu lagi. Þá hafði dómurinn ítrekunaráhrif á brot A samkvæmt II. kafla ákæru. Enn fremur var litið til þess að brot A samkvæmt II. kafla ákæru voru framin þegar hún var í gæslu lögreglu. Samkvæmt öllu framangreindu þótti refsing A hæfilega ákveðin fangelsi í 14 mánuði, en fullnustu 11 mánaða af refsingunni var frestað skilorðsbundið í þrjú ár. Þá var henni gert að sæta upptöku á úðavopni og viðurkennd bótaskylda hennar.