Íslenska ríkið var talið bera bótaábyrgð á grundvelli hlutlægrar bótareglu 246. gr. laga nr. 88/2008 vegna handtöku og blóðsýnatöku sem stefnandi gekkst undir. Ekki var fallist á að hann hefði sjálfur valdið eða stuðlað að aðgerðum lögreglu þannig að rök stæðu til þess að fella niður eða lækka bætur til hans.
Lögregla stöðvaði stefnanda við reglubundið umferðareftirlit skv. umferðarlögum þar eð hann ók á ofsahraða. Fallist var á það að mál á hendur stefnanda hefði verið fellt niður í skilningi 1. mgr. 246. gr. laga nr. 88/2008 þegar fíkniefnapróf sýndi að ekki mældust fíkniefni í þvagi hans. Einnig var fallist á að þegar stefnandi fylgdi lögreglunni á lögreglustöð til þess að gefa sýni vegna gruns um akstur undir áhrifum fíkniefna hefði hann verið handtekinn í skilningi 1. mgr. 90. gr. laga nr. 88/2008, sbr. dóm Landsréttar í máli nr. 363/2024. Það var einnig skilgreint sem líkamsrannsókn í skilningi 77. gr. sömu laga þegar stefnandi gaf lögreglu þvagsýni. Því var hins vegar hafnað að bifreið stefnanda hefði verið haldlögð enda voru ökuréttindi hans runnin út þegar lögregla stöðvaði hann. Stefnanda voru dæmdar miskabætur.
Stefnanda voru dæmdar miskabætur á grundvelli hlutlægrar reglu 246. gr. laga nr. 88/2008 vegna handtöku og blóðsýnistöku sem hann var látinn sæta er akstur hans var stöðvaður vegna hraðaksturs. Hann fékk sekt vegna hraðasktursins en lögreglumálið var að öðru leyti fellt niður. Í málinu reyndi á það hvort stefnandi hefði valdið eða stuðlað að þeim aðgerðum sem hann byggði kröfu sína á, m.a. með því að skýra aðspurður á vettvangi frá neyslu sem átt hefði sér stað „síðast fyrir löngu síðan“.
A var stöðvaður af lögreglu við akstur bifreiðar 15. nóvember 2018. Í lögregluskýrslu kom fram að grunur hefði vaknað um akstur undir áhrifum fíkniefna og var A handtekinn og færður á lögreglustöð. A var gert að sæta blóð- og þvagrannsókn og greindist umbrotsefni THC sem er í kannabis í þvagi hans. Seinna var rannsókn á máli A hætt. Höfðaði A málið til heimtu bóta vegna þvingunaraðgerða sem hann hafði verið beittur, bæði handtöku og líkamsrannsókn. Í dómi Landsréttar var rakið að með hliðsjón af 5. mgr. 67. gr. stjórnarskrárinnar stæðu efnisrök til að beita bótareglu 246. gr. laga nr. 88/2008 um meðferð sakamála með lögjöfnun um handtöku A og jafnframt stæðu efnisrök til að beita bótareglunni og þá blóð- og þvagrannsókn sem A varð að sæta meðan hann var sviptur frelsi á grundvelli 2. mgr. 47. gr. umferðarlaga nr. 50/1987. Landsréttur vísaði til þess að skilyrðum 1. mgr. 246. gr. laga nr. 88/2008 fyrir bótaábyrgð Í væri fullnægt. Aftur á móti komst Landsréttur að þeirri niðurstöðu að A hefði valdið eða stuðlað sjálfur að þeim aðgerðum lögreglu sem hann reisti kröfu sína á. Samkvæmt niðurlagi 2. mgr. 246. gr. laga nr. 88/2008 þótti rétt að fella að öllu leyti niður bætur til A. Var því fallist á kröfu Í um sýknu af kröfu A.
Stefnanda voru dæmdar miskabætur vegna handtöku við rannsókn lögreglu á máli hans, sem síðar var fellt niður.
Stefndi íslenska ríkið sýknað af bótakröfum stefnanda vegna lögregluafskipta, þar sem stefnandi lét í té munnvatnssýni, og kröfum stefnanda um ómerkingu ummæla vegna skráningar í gagnagrunn lögreglu.
A krafði Í um miskabætur, bæði persónulega og fyrir hönd barna sinna B og C, og D, vegna aðgerða lögreglu í tengslum við handtöku E og aðgerða í og við heimili þeirra 22. nóvember 2018 vegna rannsóknar á fíkniefnalagabroti sem E var síðar dæmdur til refsingar fyrir. E var þáverandi maki A og faðir B, C og D. Byggðu A, B, C og D á því að þau ættu rétt til bóta vegna húsleitar á heimili þeirra auk þess sem þau hefðu verið handtekin meðan á húsleitinni stóð. D byggði til viðbótar á því að hann ætti rétt til bóta þar sem hann hefði verið handtekinn og sætt líkamsrannsókn eða líkamsleit er hann kom akandi að heimili þeirra. Í dómi Landsréttar kom fram að húsleit fæli óhjákvæmilega í sér röskun á friðhelgi einkalífs, bæði húsráðenda og annarra heimilismanna. Var talið að A, B, C og D hefðu öll þolað húsleit á heimili sínu umrætt sinn og hefðu þegar af þeirri ástæðu orðið fyrir miskatjóni sem Í bæri hlutlæga bótaábyrgð á samkvæmt 3. mgr., sbr. 2. mgr. 246. gr. laga nr. 88/2008 um meðferð sakamála. Ekkert væri upplýst í málinu um að A, B, C og D hefðu sjálf valdið eða stuðlað að húsleitinni. Því var hins vegar hafnað að A, B, C og D hefðu verið handtekin við húsleitina og að D hefði verið handtekinn og sætt líkamsrannsókn eða líkamsleit er hann kom akandi að heimili þeirra. Var Í dæmt til að greiða A, B, C og D hverju fyrir sig 50.000 krónur í miskabætur.
Karlmaður á þrítugsaldri var dæmdur í 12 mánaða fangelsi fyrir peningaþvætti, hylmingu, fjölda umferðarlagabrota, brot gegn vopnalögum, fíkniefnalögum o.fl. Refsing var skilorðsbundin, ekki síst í ljósi þess að ákærði hafði ekki áður hlotið refsidóm. Þá var ákærði sviptur ökurétti í fimm ár. Synjað var um upptöku á tveimur bifreiðum í eigu ákærða, en fjöldi annarra verðmæta gerður upptækur til ríkissjóðs.
Íslenska ríkinu var gert að greiða stefnendum miskabætur vegna húsleitar sem fram fór við rannsókn lögreglu á afbroti annars heimilismanns. Einum stefnenda voru að auki dæmdar miskabætur vegna handtöku og líkamsrannsóknar.
Ákæruvaldið (
Arndís Bára Ingimarsdóttir saksóknarfulltrúi)
gegn
Kamil Bruszkiewicz (
Helgi Bragason lögmaður)
Ákærði dæmdur fyrir fíkniefnabrot og umferðarlagabrot, þ.m.t. ölvunarakstur.Sýknaður af því að hafa neitað að veita atbeina sinn við rannsókn máls.
A höfðaði mál gegn Í og krafðist skaðabóta í kjölfar aðgerða lögreglu þegar hann var handtekinn og sviptur ökuréttindum til bráðabirgða. Í kjölfar sviptingarinnar var A vikið tímabundið úr starfi sínu sem ökumaður hópbifreiða á meðan málið væri til rannsóknar en málið var síðar fellt niður hjá lögreglu og bráðabirgðasviptingin felld úr gildi. Í dómi Landsréttar var vísað til þess að A hefði starfað við akstur fólksflutningabifreiða í umrætt sinn og fíkniefnapróf sem tekið hefði verið af honum á vettvangi hefði gefið jákvæða niðurstöðu. Því hefði lögreglustjóri haft réttmæta ástæðu til að ætla að skilyrði ökuréttarsviptingar væru fyrir hendi, sbr. 103. gr. umferðarlaga nr. 50/1987. Þá var ekki talið að aðgerðir lögreglu hefðu falið í sér ólögmæta meingerð gegn frelsi, friði, æru eða persónu A, sem virða bæri honum til miskabóta á grundvelli b-liðar 1. mgr. 26. gr. skaðabótalaga nr. 50/1993. Var Í því sýknað af kröfu A.
Stefndi sýknaður af bótakröfu stefnanda vegna lögregluaðgerða.
Stefndi íslenska ríkið var sýknað af kröfu stefnanda
Í var sakfelldur í héraði fyrir tólf þjófnaðarbrot, hylmingu, fíkniefnalagabrot og umferðarlagabrot. Fyrir Landsrétti var meðal annars deilt um það hvort Í hefði brotið gegn 47. gr. umferðarlaga nr. 50/1987 með því að hafa neitað að gefa þvagsýni við rannsókn málsins hjá lögreglu. Þá krafðist hann sýknu af þjófnaði á reiðhjóli sem hann hafði verið sakfelldur fyrir í héraði. Í dómi Landsréttar kom fram að ákærði losnaði ekki undan refsiábyrgð vegna synjunar sinnar af þeirri ástæðu að honum hafi ekki verið veittar leiðbeiningar um hvaða viðurlögum það kynni að varða ef hann léti ekki í té þvagsýni til rannsóknar, samanber dóm Hæstaréttar í máli nr. 304/2009. Enn fremur þótti sannað að Í hefði gerst sekur um að hafa stolið reiðhjólinu. Var héraðsdómur því staðfestur um sakfellingu Í. Við ákvörðun refsingar Í var litið til sakarferils hans auk þess sem tekið var tillit til 77. gr. almennra hegningarlaga nr. 19/1940. Var refsing Í ákveðin fangelsi í tólf mánuði auk þess sem áréttuð var ævilöng ökuréttarsvipting hans.
Í skaðabótamáli vegna umferðarslyss var fallist á með vátryggingarfélagi að heimilt væri að skerða bætur til ökumanns bifreiðar um 2/3 hluta þar sem orsök umferðarslyssins var rakin til þess að ökumaðurinn var að senda smáskilaboð úr farsíma, en við það fór bifreiðin yfir á öfugan vegarhelming og rakst framan á bifreið sem kom úr gagnstæðri átt.
Karlmaður sakfelldur fyrir þjófnaðarbrot og hylmingarbrot, en einnig fyrir umferðarlagabrot. Sýknaður að hluta
Ríkissjóði Íslands gert að greiða stefnanda 250.000 krónur í skaðabætur vegna ólögmætrar handtöku.
Ákæruvaldið (Guðmundur Þ. Steinþórsson saksóknarfulltrúi) gegn
X
G var sakfelldur fyrir að hafa ekið bifreið undir áhrifum áfengis og ávana- og fíkniefna og þannig verið óhæfur til að stjórna henni örugglega. Í ljósi sakaferils var G gert að sæta fangelsi í tvo mánuði. Þá var hann sviptur ökurétti ævilangt.
Umferðarlög, fíkniefnaakstur, málskostnaður
X var sakfelldur fyrir líkamsárás gegn A með því að hafa ráðist að A og slegið hana, tekið höndum um háls hennar og sest klofvega ofan á brjóstkassa hennar með þeim afleiðingum að hún hlaut eymsli, marbletti, bólgur og sár víðsvegar um líkamann. Var háttsemin talin varða við 1. mgr. 217. gr. almennra hegningarlaga nr. 19/1940. Þá var X fundinn sekur um að hafa ekið bifreið ófær um að stjórna henni örugglega vegna neyslu ávana- og fíkniefna og brot gegn áfengislögum með því að hafa haft í vörslum sínum heimabrugg. Við ákvörðun refsingar var meðal annars litið til þess að árásin var tilefnislaus og hrottafengin og að A var sambýliskona X, en árásin hafði verið gerð við heimili þeirra og A ítrekað reynt að komast undan. Þá voru brot X tekin upp sem hegningarauki við sektargerð sem hann hafði hlotið vegna fyrri brots gegn áfengislögum. Vegna dráttar á meðferð málsins var refsing X á hinn bóginn ákveðin skilorðsbundið fangelsi í 3 mánuði. Þá var hann sviptur ökurétti í 18 mánuði og gert að greiða 160.000 króna sekt.
Sakfellt fyrir fíkniefnaakstur.
F var sakfelldur fyrir of hraðan akstur samkvæmt 2. mgr. 37. gr. umferðarlaga nr. 50/1987 en þar sem ekki var talin fram komin sönnun um brot hans gegn 2. mgr. 45. gr. laganna um ölvunarakstur, sem ekki yrði vefengd með skynsamlegum rökum, var hann sýknaður af því broti.
Ákærði dæmdur í 30 daga fangelsi fyrir umferðalagabrot.
Stefnandi krafðist skaðabóta vegna ólögmætrar húsleitar og handtöku. Stefndi, íslenska ríkið, var sýknaður af kröfum stefnanda.
Stefndi, íslenska ríkið, sýknað af kröfum stefnanda vegna ætlaðrar ólögmætrar sýnatöku í tengslum við rannsókn sakamáls.
Ákæruvaldið (
Daði Kristjánsson settur saksóknari)
gegn
Sigurði Ágústi Sigurðssyni (
Ragnar Aðalsteinsson hrl)
S var ákærður fyrir brot gegn 3., sbr. 2. mgr. 47. gr. umferðarlaga nr. 50/1987, með því að hafa neitað að láta lögreglu í té þvagsýni í þágu rannsóknar á ætluðu umferðarlagabroti hans. Í dómi Hæstaréttar kom fram að lögreglu hefði verið rétt við yfirheyrslu að gera ákærða grein fyrir því hvaða viðurlögum það kynni að varða ef hann léti ekki í té þvagsýni til rannsóknar og að þau kynnu að verða þyngri ef slíkt sýni yrði ekki gefið. Á hinn bóginn var ekki talið að ákærði losnaði undan refsiábyrgð á synjun sinni af þeirri ástæðu einni að honum hafi ekki verið veitta leiðbeiningar um þetta. Var S því sakfelldur fyrir ofangreint umferðarlagabrot og sviptur ökurétti samkvæmt 2. mgr. 102. gr. umferðarlaga.
Hæstiréttur staðfesti niðurstöðu héraðsdóms þar sem hafnað var kröfu X um að ákæruvaldinu yrði gert óheimilt að leggja fram í málinu niðurstöður rannsókna á þvag- og blóðsýnum, sem tekin voru við rannsókn málsins.
Ungur karlmaður sakfelldur fyrir þjófnað, eignaspjöll og umferðarlagabrot. Refsing ákveðin tveggja mánaða fangelsi, en fullnustu refsingarinnar frestað skilorðsbundið í tvö ár. Þá var ákærði jafnframt sviptur ökurétti í eitt ár fyrir að neita að veita atbeina sinn við rannsókn máls á ætluðu broti hans fyrir akstur undir árhrifum ávana- og fíkniefna.
M var ákærð fyrir að hafa ekið bifreið undir áhrifum áfengis og fyrir brot gegn valdstjórninni. Fyrir Hæstarétti byggði M aðallega á því að hún hefði ekki notið réttlátrar málsmeðferðar fyrir dómi. Talið var að ekki yrði annað séð en að jafnræðis hefði verið gætt með málsaðilum við meðferð málsins fyrir héraðsdómi en ákærða hafði ekki gert grein fyrir þeim sönnunargögnum sem hún hefði farið á mis við að koma á framfæri, né hefði hún fært viðhlítandi rök fyrir því að héraðsdómari hefði tekið afstöðu gegn henni við meðferð málsins eða úrlausn þess. Í málinu hélt M því fram að hún hefði ekki verið ölvuð við aksturinn heldur drukkið áfengi eftir að hún missti stjórn á bifreið sinni með þeim afleiðingum að hún hafnaði utan vegar. Talið var að unnt væri að skera úr um sakargiftir á hendur M á grundvelli tveggja blóðsýna sem tekin voru úr henni eftir slysið og væri því ekki þörf á að styðjast við mælingu á þvagsýni. Þyrfti því ekki að taka afstöðu til málatilbúnaðar ákærðu að þessu leyti. Í málinu lá fyrir álitsgerð sem benti til þess að etanól í blóði M hefði verið um 1,50 á þeim tíma, sem lögreglu var tilkynnt um umferðaróhappið og hefði styrkur þess þá verið fallandi, sem gæfi til kynna að áfengisneyslu hennar hefði lokið meira en klukkustund fyrr. Með vísan til niðurstöðu álitsgerðarinnar, þess að bifreiðin var enn heit er lögregla kom á staðinn og að ekkert vitni kannaðist við að hafa gefið ákærðu að drekka á vettvangi var niðurstaða héraðsdóms um sakfellingu M staðfest. Þá var niðurstaða héraðsdóms um sakfellingu M fyrir brot gegn valdstjórninni staðfest. Var talið að M hefði ekki getað dulist að lögreglu- og sjúkraflutningamenn hefðu í umrætt sinn verið að gegna skyldustörfum sínum. Með vísan til 60. gr. stjórnarskrárinnar hefði M ekki getað komið sér hjá því að hlýða yfirvaldsboði í bráð þótt hún teldi sig hafa ástæðu til að draga í efa að heimilt væri að ganga svo langt sem raun bar vitni við sýnatökuna, sbr. dóm Hæstaréttar í máli nr. 387/1993. Var niðurstaða héraðsdóms um að M skyldi dæmd til 30 daga skilorðsbundinnar fangelsisrefsingar og henni gerð 160.000 króna fésekt, auk sviptingar ökuréttar í eitt ár, staðfest.