Dómstólaleit

Stefnendur kröfðust ógildingar ákvarðana sem teknar voru á tveim hluthafafundum í stefnda og lutu að hlutafjárhækkun í hinu stefnda félagi. Dómurinn taldi aðild þess hluthafa sem keypt hefði hina nýju hluti félagsins ekki nauðsynlega til að hægt væri að leysa úr sakarefni málsins og var jafnframt talið að stefnendur hefðu lögvarða hagsmuni af úrlausn málsins. Þó var vísað frá kröfu um ógildingu ákvörðunar hluthafafundar um skráningu á áskriftum og nýjum hlutum í hlutaskrá félagsins enda þótti sýnt að stjórn félagsins hefði tekið þá ákvörðun en ekki hluthafafundurinn. Ákvörðun fyrri hluthafafundar stefnda um breytingu á samþykktum félagsins sem fól í sér hlutafjárhækkun var felld úr gildi þar sem tilskilin gögn vegna hlutafjárhækkunarinnar lágu ekki fyrir. Úr því var bætt fyrir seinni hluthafafund stefnda og var hann sýknaður af kröfu um ógildingu á samþykkt tillögu til sömu hlutafjárhækkunar og áður, sem og af kröfu um ógildingu á staðfestingu samþykkta með sömu breytingum og áður.

Stefndu voru sýknaðir af kröfum stefnanda, en stefnandi taldi sig hafa orðið fyrir tjóni vegna saknæmarar og ólögmætrar háttsemi endurskoðenda í tengslum við tíu hlutafjárhækkanir.

Stefnandi sem er þrotabú krafðist bóta frá stefndu, endurskoðunarfyrirtæki og löggiltum endurskoðanda, vegna mistaka sem talin voru hafa verið gerð í sérfræðistörfum þeirra. Ekki var talið að mistök þeirra hefðu valdið því tjóni sem bóta var krafist fyrir og voru stefndu sýknaðir vegna þess að nauðsynleg orsakatengsl til að bótaskylda stofnist voru ekki fyrir hendi.

Aðila greindi á um hvort stefndu, R og EY ehf., bæru bótaábyrgð á tjóni sem stefnandi, þrotabú S hf., taldi stafa af saknæmri háttsemi við gerð sérfræðiskýrslu sem unnin var 29. desember 2016 í tengslum við hlutafjárhækkun í S hf. Ekki var talið sýnt fram á slíkt og voru stefndu þegar af þeirri ástæðu sýknaðir af kröfum stefnanda.

Stefndu sýknaðir af bótakröfu þrotabús vegna tilkynningar endurskoðanda til fyrirtækjaskrár vegna hlutafjárhækkunar.

Sýkna af skaðabótakröfu vegna hlutabréfakaupa.

Skaðabótamáli vísað frá héraðsdómi. Vanreifun. Kröfu um álag á málskostnað hafnað.

Samþykkt krafa hluthafa í einkahlutafélagi um að félaginu skyldi slitið vegna ótilhlýðilegra ráðstafana annarra hluthafa sem gerðar voru af ásetningi og bitnuðu á hagsmunum viðkomandi hluthafa.

Með dómi var ógilt að kröfu eins hluthafa, ákvörðun aðalfundar einkahlutafélags um hækkun hlutafjár og afnám ákvæða um forkaupsrétt hluthafa úr samþykktum félagsins.

Krafist var slita á einkahlutafélagi. Kröfunni vísað frá þar sem stefnandi var ekki talinn eiga lengur lögvarða hagsmuni í málinu þar sem hann var ekki lengur hluthafi í félaginu vegna innlausnar annars hluthafa.

Krafist var ógildingar á tveimur samþykktum á aðalfundi einkahlutafélags er vörðuðu hækkun hlutafjár og forkaupsrétt. Málinu vísað frá þar sem stefnandi var ekki talinn eiga lögvarða hagsmuni í málinu þar sem hann væri ekki lengur hluthafi.

Ágreiningur um hluthafaskiptingu í einkahlutafélagi.

Hafnað var kröfu stefnenda þess efnis að ómerktar yrðu tilteknar ákvarðanir hluthafafundar sem vörðuðu samruna Ufsabergs-útgerðar ehf. við Vinnslustöðina hf.