Leita í öllum dómstólum...
Niðurstöður
5 dómar fundust
Lagagrein: 55. gr. laga nr. 45/1998 — Sveitarstjórnarlög
Deilt var um mörk eignarlands og þjóðlendu á tilteknu landsvæði í Skötufirði á Vestfjörðum. Fallist var á kröfu um ógildingu hluta úrskurðar óbyggðanefndar. Þá var viðurkenndur beinn eignarréttur eiganda jarðarinnar Kleifa í Skötufirði að hinu umþrætta landsvæði.
Sveitarfélagið R var sýknað af kröfu G um skaðabætur, sem reist var á því að samið hafi verið um ráðningu hans sem sveitarstjóra tilgreindan dag og þannig komist á ráðningarsamband milli aðila sem síðar hafi verið rift með ólögmætum hætti ellegar ráðningin ólöglega afturkölluð. Talið var að ákvæði þágildandi 2. mgr. 54. gr. sveitarstjórnarlaga nr. 45/1998 og og 2. mgr. 54. gr. sveitarstjórnarlaga nr. 138/2011, áskildu að samningur um ráðningu framkvæmdastjóra sveitarfélags skyldi vera skriflegur, væru augljóslega sett til verndar hagsmunum, allsherjarréttar eðlis, og gætu því aðeins skuldbundið sveitarfélagið að gengið væri frá samningnum í samræmi við þau fyrirmæli. Þegar af þeirri ástæðu var fallist á með R að ekki hefði stofnast samningur milli aðila um ráðningu G svo skuldbindandi væri fyrir R.
Stefndi sýknaður af skaðabótakröfu. Ekki talið að á hafi verið komið ráðningarsamband milli aðila.
Málsaðilar deildu um hvort R hefði efnt skyldu sína gagnvart F til greiðslu á lögbundnu fjárframlagi til stjórnmálasamtaka frá sveitarfélögum vegna ársins 2008, en framlagið hafði að beiðni oddvita F í borgarstjórn, Ó, verið greitt inn á bankareikning B. Hvorki var fallist á með R að Ó hefði haft stöðuumboð til að ráðstafa greiðslunni né heldur að R hefði verið grandlaus um að Ó skorti heimild rétthafa greiðslunnar til að ákveða hvert henni yrði ráðstafað. Var R því gert að greiða F fjárframlagið.
Fallist var á kröfu stefnanda, Frjálslynda flokksins, um að stefnda, Reykjavíkurborg, greiddi flokknum fjárframlag samkvæmt 5. gr. laga nr. 162/2006 fyrir árið 2008.