Leita í öllum dómstólum...
Niðurstöður fyrir "reglugerð nr. 933/1999"
5 dómar fundust
B höfðaði mál gegn A og krafðist meðal annars viðurkenningar á skaðabótaábyrgð A vegna vanefnda á lóðarleigusamningi um lóð undir iðnaðarhúsnæði. Byggði málsókn B á því að í kjölfar skipulagsbreytinga hafi honum orðið ókleift að stunda ákveðinn hluta starfsemi sinnar á lóðinni. Í dómi Landsréttar kom meðal annars fram að í lóðarleigusamningnum hafi ekki verið kveðið á um takmarkanir á nýtingarrétti B á lóðinni. Á hinn bóginn hafi sá réttur lotið almennum takmörkunum sem leiða mætti af lögum, almennum stjórnvaldsfyrirmælum og óskráðum meginreglum nábýlisréttar. B hafi ekki getað vænst þess að lóðarleigusamningurinn, sem átti að gilda til langs tíma, hafi veitt honum meiri rétt eða legði ríkari skyldur á A fram yfir þær almennu takmarkanir sem giltu á hverjum tíma. Leggja yrði til grundvallar að dregið gæti úr nýtingarmöguleikum lóðarinnar með breytingum á slíkum takmörkunum, án þess að það raskaði þeim meginskyldum og -réttindum sem stofnað hefði verið til með lóðarleigusamningnum. Ganga yrði út frá því að það hafi gerst þegar íbúðarbyggð hafi risið á lóð rétt við athafnasvæði B, í skjóli lögmætra skipulagsáætlana A, með þeim afleiðingum að strangari reglur um hávaðamörk áttu við. Þótt það hafi sett rekstri B slíkar skorður, að hann hafi ekki séð sér fært að halda honum áfram á umræddri lóð, yrði ekki á það fallist að með því hafi A vanefnt samningsskyldu sína við B samkvæmt lóðarleigusamningnum, enda hafi B áfram átt afnotarétt að hinni leigðu lóð undir iðnaðarhúsnæði. Var hinn áfrýjaði dómur því staðfestur um sýknu A.
...Frá og með þeim tíma hafi gilt hinar sömu hávaðatakmarkanir sem kveðið hafi verið á um í reglugerð nr. 933/1999 og nú sé kveðið á um í reglugerð 724...
Sýknað af bóta- og viðurkenningarkröfu iðnfyrirtækis sem byggðist annars vegar á áhrifum skipulags á starfsemi félagsins og hins vegar meintum brotum stefnda á leigusamningi við félagið undir starfsemina.
...Frá og með þeim tíma hafi gilt hinar sömu hávaðatakmarkanir sem kveðið hafi verið á um í reglugerð nr. 933/1999 og nú sé kveðið á um í reglugerð 724...
Aðilar deildu um efni samnings sem þeir gerðu sín í milli vegna gatnagerðarframkvæmda í Hafnarfirði. Stefndi féllst á þriðju varakröfu stefnenda í málinu og taldi dómurinn að þau ættu ekki rétt til frekari greiðslu úr hendi bæjarins á grundvelli samkomulagsins.
...og reglugerð nr. 933/1999 um hávaða, sbr. reglugerð nr. 478/2003. Framkvæmdum í skilningi samkomulags aðila geti ekki talist „að fullu lokið“ fyrr en gengið hafi verið löglega frá...
Þrír íbúar við Garðhús í Reykjavík, kröfðust þess að úrskurður umhverfisráðuneytisins, þar sem staðfestur var úrskurður Skipulagsstofnunar um mat á umhverfisáhrifum vegna fyrirhugaðrar lagningar framhalds Hallsvegar, tveggja akreina vegar frá Fjallkonuvegi að Víkurvegi og framhjá húsum íbúanna, yrði felldur úr gildi sökum efnislegra annmarka. Héldu þeir því einkum fram að áhrif heildarframkvæmdarinnar hefðu ekki verið metin, þar sem meta hefði átt fjögurra akreina veg í stað tveggja, matið gæfi ekki nægilega til kynna líkleg áhrif framkvæmdarinnar á umhverfið auk þess sem arðsemismat hennar væri ábótavant. Fallist var á að lagning tveggja akreina frá Fjallkonuvegi að Víkurvegi stæðist sem sjálfstæð framkvæmd og væri eðlileg með tilliti til umferðar um hverfið enda hefði hún verið fyrirhuguð frá upphafi og tekið tillit til hennar við hönnun hverfisins. Var því staðfest sú úrlausn héraðsdóms að sjálfstætt mat á umhverfisáhrifum þeirrar framkvæmdar hefði mátt fara fram. Kæmi hins vegar til frekari framkvæmda við Hallsveg og tengingar við aðrar umferðaræðar yrði að fara fram nýtt mat vegna þeirra og yrði þá að taka fullt tillit til byggðarinnar við Garðhús. Þá hefði með lækkun vegarins og fyrirhuguðum mótvægisaðgerðum í samráði við húseigendur verið uppfyllt ákvæði reglugerðar nr. 933/1999 um hávaða auk þess sem ekki væri annað komið fram en að útreikningar á arðsemi framkvæmdarinnar hefðu verið gerðir með fullnægjandi hætti. Voru V og R því sýknaðar af kröfum íbúanna.
...Stefnendur telja einnig að úrskurður ráðuneytisins fari gegn reglugerð nr. 933/1999 um hávaða, þar sem hvorki sé uppfyllt né reynt að uppfylla leiðbeiningargildi reglugerðarinnar, sbr. gr. 2.5. í...
G, Á og J höfðuðu mál á hendur íslenska ríkinu, Vegagerðinni og Reykjavíkurborg og kröfðust þess að felldur yrði úr gildi úrskurður umhverfisráðherra þar sem úrskurður Skipulagsstofnunar um mat á umhverfisáhrifum Hallsvegar í Reykjavík var staðfestur með einu skilyrði. Kröfum þeirra á hendur íslenska ríkinu var vísað frá héraðsdómi á þeirri forsendu að umhverfisráðherra hefði ekki lögvarða hagsmuni af úrlausn málsins sem geti leitt til aðildar hans að því.
...5) Stefnendur byggja einnig á því að úrskurður ráðuneytisins fari gegn reglugerð nr. 933/1999 um hávaða, þar sem hvorki sé uppfyllt né reynt að uppfylla leiðbeiningargildi reglugerðarinnar, sbr. gr...