Dómstólaleit

Eftir dóm Landsréttar um viðurkenningu á bótaskyldu stefndu vegna slyss stefnanda náðu aðilar málsins sáttum um bætur vegna tímabundins atvinnutjóns, þjáningarbætur og bætur vegna varanlegs miska og varanlegrar örorku. Í máli þessu var fallist á kröfu stefndu um frádrátt af bótum vegna varanlegrar örorku og upphafsdag vaxta og dráttarvaxta.

Hið stefnda vátryggingafélag var dæmt til að greiða stefnanda frekari bætur vegna tímabundins atvinnutjóns í kjölfar vinnuslyss um borð í togara. Taldist uppgjör bóta vegna þess þáttar ekki hafa farið réttilega fram þegar litið væri til ákvæða sjómannalaga. Sýknað var hins vegar af kröfu stefnanda um frekari bætur vegna varanlegs miska, varanlegrar örorku og tapaðra lífeyrisréttinda og þótti tjón stefnanda að þessu leyti að fullu bætt. Var því og hafnað að ranglega hefði verið staðið að frádrætti við bótauppgjör aðila.