Dómstólaleit

Dómur Landsréttar

Mál þetta dæma landsréttardómararnir Eyvindur G. Gunnarsson, Ingibjörg Þorsteinsdóttir og Kristbjörg Stephensen.

Málsmeðferð og dómkröfur aðila

1. Áfrýjandi skaut málinu til Landsréttar 7. apríl 2025. Áfrýjað er dómi Héraðsdóms Reykjavíkur 10. mars 2025 í málinu nr. E-7397/2023.
2. Áfrýjandi krefst þess að stefndi greiði honum 8.123.597 krónur með vöxtum samkvæmt 8. gr. laga nr. 38/2001 um vexti og verðtryggingu af 1.038.360 krónum frá 1. desember 2021 til 13. desember 2021, af 1.097.960 krónum frá þeim degi til 15. desember 2021, af 2.265.573 krónum frá þeim degi til 3. febrúar 2022, af 2.436.581 krónu frá þeim degi til 13. mars 2022, af 3.108.203 krónum frá þeim degi til 25. apríl 2022, af 3.246.963 krónum frá þeim degi til 6. maí 2022, af 3.269.985 krónum frá þeim degi til 18. maí 2022, af 3.530.751 krónu frá þeim degi til 23. maí 2022, af 4.533.603 krónum frá þeim degi til 28. júní 2022, af 4.783.603 krónum frá þeim degi til 19. júlí 2022, af 4.983.603 krónum frá þeim degi til 26. júlí 2022, af 5.087.471 krónu frá þeim degi til 12. ágúst 2022, af 5.160.449 krónum frá þeim degi til 6. september 2022, af 5.360.449 krónum frá þeim degi til 8. september 2022, af 5.370.681 krónu frá þeim degi til 9. september 2022, af 5.401.877 krónum frá þeim degi til 12. september 2022, af 5.651.877 krónum frá þeim degi til 13. september 2022, af 5.877.115 krónum frá þeim degi til 15. september 2022, af 6.022.115 krónum frá þeim degi til 17. september 2022, af 6.043.332 krónum frá þeim degi til 26. september 2022, af 6.293.332 krónum frá þeim degi til 30. september 2022, af 6.543.332 krónum frá þeim degi til 3. nóvember 2022, af 7.221.205 krónum frá þeim degi til 18. nóvember 2022, af 7.421.205 krónum frá þeim degi til 2. desember 2022, af 7.674.523 krónum frá þeim degi til 21. febrúar 2023, af 7.748.843 krónum frá þeim degi til 10. mars 2023, af 7.798.616 krónum frá þeim degi til 18. mars 2023, af 7.838.516 krónum frá þeim degi til 5. apríl 2023, af 8.052.708 krónum frá þeim degi til 5. maí 2023, af 8.098.356 krónum frá þeim degi til 12. september 2023, af 8.123.597 krónum frá þeim degi til 1. nóvember 2023, en með dráttarvöxtum samkvæmt 1. mgr. 6. gr. sömu laga frá þeim degi til greiðsludags. Til vara krefst áfrýjandi þess að hinn áfrýjaði dómur verði staðfestur um annað en málskostnað. Þá krefst áfrýjandi málskostnaðar í héraði og fyrir Landsrétti.
3. Stefndi krefst sýknu af kröfum áfrýjanda en til vara að kröfur áfrýjanda verði lækkaðar verulega. Þá krefst stefndi málskostnaðar fyrir Landsrétti.
4. Fyrir Landsrétt hafa verið lögð nokkur ný gögn, þar á meðal afrit bréfs 4. febrúar 2023 með fyrirsögnina: „Riftun á vinnusamningi“ og samskipti stefnda og fyrrum framkvæmdastjóra áfrýjanda í gegnum Messenger á tímabilinu 18. desember 2022 til 3. mars 2023.

Niðurstaða

1. Málsatvik og málsástæður aðila eru rakin í hinum áfrýjaða dómi. Eins og þar er nánar lýst er mál þetta að rekja til nánar tilgreindra úttekta stefnda á vörum og þjónustu, ýmist í eigin nafni eða fyrir hönd áfrýjanda. Með hinum áfrýjaða dómi var fallist á nánar tilgreindar kröfur áfrýjanda sem stefndi hafði viðurkennt. Á hinn bóginn sýknaði héraðsdómur, eins og í dóminum greinir, stefnda af kröfulið 2 er lýtur að úttekt á stálfelgum að fjárhæð 59.600 krónur og kröfulið 18 er lýtur að úttekt á verkfærum í nafni áfrýjanda að fjárhæð 21.217 krónur. Þá féllst héraðsdómur aðeins að hluta á kröfulið 1 er lýtur að úttekt á fjórum hjólbörðum að fjárhæð 1.038.360 krónur og dæmdi stefnda til greiðslu 600.000 króna eins og þar er nánar rakið. Jafnframt féllst héraðsdómur einvörðungu á hluta kröfuliðar 3 er lýtur að úttekt á þjónustu og varahlutum af verkstæði áfrýjanda að fjárhæð 1.167.613 krónur og dæmdi stefnda til greiðslu 633.640 króna. Einnig dæmdi héraðsdómur stefnda til greiðslu á 754.850 krónum vegna kröfuliðar 9 en hafnaði kröfunni, samtals að fjárhæð 1.002.852 krónur, að öðru leyti. Þessu til viðbótar féllst héraðsdómur á að krafa stefnda vegna launa í nóvember og desember 2022, að fjárhæð 2.015.454 krónur, kæmi til skuldajafnaðar á móti samþykktum kröfum áfrýjanda.
2. Með áfrýjun sinni leitast áfrýjandi eftir endurskoðun á framangreindri niðurstöðu um sýknu stefnda af framangreindum kröfuliðum eða hluta kröfuliða ásamt því að krafa stefnda vegna launa í nóvember og desember 2022 kæmi til frádráttar kröfum áfrýjanda.
3. Stefndi áfrýjaði ekki héraðsdómi fyrir sitt leyti og sætir niðurstaða héraðsdóms því ekki endurskoðun að öðru leyti en að framan greinir auk niðurstöðu héraðsdóms um að fella málskostnað á milli aðila niður.
4. Varðandi kröfu áfrýjanda um greiðslu á 1.038.360 krónum vegna úttektar stefnda á hjólbörðum þá segir í héraðsstefnu að stefndi hafi í september 2022 án heimildar tekið út fjóra hjólbarða sem hann hafi ekki greitt fyrir. Um þá úttekt vísar áfrýjandi til „útskriftar úr sölu- og bókhaldskerfi“ sínu en það skjal er dagsett 13. september 2023 og kemur þar fram að afhending á hjólbörðunum hafi farið fram þann sama dag. Samkvæmt framansögðu er ekki um samtímagagn að ræða sem byggt verður á.
5. Varðandi kröfu áfrýjanda um greiðslu á kröfulið 3 að fullu, samtals að fjárhæð 1.167.613 krónur, byggir áfrýjandi á því að stefndi eigi ekki að njóta afsláttarkjara vegna vinnu við bifreið hans. Stefndi hefur viðurkennt tvo liði kröfunnar er lúta að vinnu við bifreiðina að fjárhæð samtals 480.000 krónur auk 31.000 króna úttektar á varahlut. Þessir vinnuliðir kröfunnar eru augljóslega settir fram miðað við þá forsendu að tímagjaldið sé 10.000 krónur, það er á því tímagjaldi sem stefndi kveður starfsmenn áfrýjanda hafa notið. Kemur af þeim sökum ekki til skoðunar að miða við annað tímagjald. Hvað varðar aðra liði kröfunnar er lúta að vinnu við bifreið stefnda kemur ekkert fram í hverju sú vinna hafi falist og þá fylgja kröfunni engir vinnuseðlar eða annað sem staðfestir vinnu við bifreiðina.
6. Varðandi kröfu áfrýjanda um greiðslu á kröfulið 9 að fullu, samtals að fjárhæð 1.002.852 krónur, þá fylgja kröfunni ekki frekar en gildir um kröfulið 3 vinnuseðlar eða annað sem byggt getur undir kröfu áfrýjanda. Kemur af þeim sökum ekki til greina að fallast á aðra þætti kröfunnar en stefndi hefur þegar viðurkennt.
7. Að öllu framangreindu gættu en að öðru leyti með vísan til forsendna hins áfrýjaða dóms verður staðfest sú niðurstaða héraðsdóms að sýkna stefnda af kröfuliðum 2 og 18 og sömuleiðis að sýkna hann að hluta af kröfuliðum 1, 3 og 9 eins og þar greinir nánar. Að því gættu nema samþykktar kröfur áfrýjanda 6.822.445 krónum en héraðsdómur kveður þær ranglega nema 6.750.637 krónum.
8. Eins og fram er komið krefst áfrýjandi þess að hafnað verði kröfu stefnda um að laun í nóvember og desember 2022, samtals að fjárhæð 2.015.454 krónur, komi til skuldajafnaðar á móti samþykktum kröfum áfrýjanda. Kveður áfrýjandi stefnda hafa hætt í lok október 2022 og beri honum því ekki laun í nóvember og desember sama ár. Vísar áfrýjandi um þessa kröfu sína meðal annars til bréfs fyrrverandi framkvæmdastjóra áfrýjanda, Guðfinns Þórs Pálssonar, 4. febrúar 2023, sem lagt hefur verið fyrir Landsrétt en áfrýjandi kveður bréfið staðfesta riftun á ráðningarsamningi stefnda í október 2022.
9. Tilvitnað bréf fyrrverandi framkvæmdastjóra áfrýjanda ber fyrirsögnina: „Riftun á vinnusamningi“. Segir þar meðal annars:

   Í haust varst þú kallaður fyrir á fund sem framkvæmdastjóri félagsins sat ásamt fjármálastjóra. Þar var farið yfir þessi mál og alvarleikin[n] útskýrður fyrir þér. Jafnframt var þér tilkynnt að þú ættir ekki rétt til launa og fyrirtækið ætti rétt [á] að segja þér upp á staðnum og halda eftir launum.

   Í framhaldi af þessu þá var farið að skoða þessi mál en[n] frekar og þú ert ekki við störf á meðan. Þú hefur ekki fengið greidd laun síðan. […] Með vísan til þessara alvarleg[u] brota í starfi er hér með staðfest uppsögn sem fór fram munnlega í síma í viðurvist vitundarvotts þann 18. desember 2022.

10. Framangreind fullyrðing áfrýjanda um að stefndi hafi ekki starfað hjá honum í nóvember og desember 2022, sem stoð fái í tilvitnuðu bréfi fyrrum framkvæmdastjóra áfrýjanda 4. febrúar 2023, fer ekki saman við framburð framkvæmdastjórans í héraði en hann bar þar ítrekað að stefndi hefði unnið út desember 2022. Hefði hann þessa lokamánuði ársins falið stefnda, sem væri öflugur sölumaður, að selja bíla í eigu áfrýjanda sem áfrýjandi þurfti að losa sig við. Þá bar hann að stefndi hefði átt inni laun fyrir nóvember en hann vissi ekki hvort hann hefði fengið laun fyrir desember.
11. Framkvæmdastjórinn var ekki leiddur fyrir Landsrétt í því skyni að staðfesta efni bréfs síns 4. febrúar 2023, skýra það ósamræmi sem er milli þess sem þar kemur fram og þess sem hann bar um í héraði og jafnframt hvenær hann hafi litið svo á að stefnda hafi verið sagt upp störfum eða ráðningarsamningi slitið við hann. Um það er meðal annars til þess að líta að bréfið er alls óskýrt um hvenær vinnusambandi áfrýjanda og stefnda lauk. Samkvæmt fyrirsögn þess var um að ræða riftun á vinnusamningi sem dagsett var 4. febrúar 2023 eða rúmum þremur mánuðum eftir að áfrýjandi kveður stefnda hafa lokið störfum. Í bréfinu segir á hinn bóginn að stefndi hafi ekki verið við störf frá hausti 2022. Þrátt fyrir það er í bréfinu jafnframt vísað til þess að með því sé verið að staðfesta uppsögn sem hafi farið fram munnlega 18. desember 2022.
12. Þá er til þess að líta að framburður vitnisins um að hann hefði falið stefnda að selja bifreiðar í eigu áfrýjanda, þessa lokamánuði ársins 2022, er í samræmi við framburð stefnda. Jafnframt bar fjármálastjóri áfrýjanda að greidd hefði verið staðgreiðsla af reiknuðum launum stefnda fyrir nóvember 2022 sem er þá einnig í samræmi við framburð fyrrum framkvæmdastjóra áfrýjanda í héraði um að stefndi hafi átt inni laun fyrir nóvembermánuð. Jafnframt styðja samskipti stefnda og fyrrum framkvæmdastjóra áfrýjanda í desember 2022 í gegnum Messenger, sem lögð hafa verið fyrir Landsrétt, að stefndi hafi verið að vinna fyrir áfrýjanda í desember 2022.
13. Að framangreindu gættu fær framlagt bréf fyrrum framkvæmdastjóra áfrýjanda 4. febrúar 2023 ekki breytt niðurstöðu hins áfrýjaða dóms um að stefndi eigi rétt á launum fyrir nóvember og desember 2022.
14. Samkvæmt öllu því sem að framan er rakið og að öðru leyti með vísan til forsendna hins áfrýjaða dóms verður hann staðfestur með þeim hætti sem greinir í dómsorði.
15. Með hliðsjón af atvikum og niðurstöðu máls er rétt að stefnda verði gert að greiða áfrýjanda málskostnað í héraði og fyrir Landsrétti sem verður ákveðinn í einu lagi eins og segir í dómsorði.

Dómsorð:

Stefndi, Haukur Einarsson, greiði áfrýjanda, Arctic Trucks Ísland ehf., 6.822.445 krónur með vöxtum samkvæmt 8. gr. laga nr. 38/2001 um vexti og verðtryggingu af 600.000 krónum frá 1. desember 2021 til 15. desember 2021, af 1.233.640 krónum frá þeim degi til 3. febrúar 2022, af 1.404.648 krónum frá þeim degi til 13. mars 2022, af 2.076.270 krónum frá þeim degi til 25. apríl 2022, af 2.215.030 krónum frá þeim degi til 6. maí 2022, af 2.238.052 krónum frá þeim degi til 18. maí 2022, af 2.498.818 krónum frá þeim degi til 23. maí 2022, af 3.253.668 krónum frá þeim degi til 28. júní 2022, af 3.503.668 krónum frá þeim degi til 19. júlí 2022, af 3.703.668 krónum frá þeim degi til 26. júlí 2022, af 3.807.536 krónum frá þeim degi til 12. ágúst 2022, af 3.880.514 krónum frá þeim degi til 6. september 2022, af 4.080.514 krónum frá þeim degi til 8. september 2022, af 4.090.746 krónum frá þeim degi til 9. september 2022, af 4.121.942 krónum frá þeim degi til 12. september 2022, af 4.371.942 krónum frá þeim degi til 13. september 2022, af 4.607.180 krónum frá þeim degi til 15. september 2022, af 4.742.180 krónum frá þeim degi til 26. september 2022, af 4.992.180 krónum frá þeim degi til 30. september 2022, af 5.242.180 krónum frá þeim degi til 3. nóvember 2022, af 5.920.053 krónum frá þeim degi til 18. nóvember 2022, af 6.120.053 krónum frá þeim degi til 2. desember 2022, af 6.373.371 krónu frá þeim degi til 21. febrúar 2023, af 6.447.691 krónu frá þeim degi til 10. mars 2023, af 6.497.464 krónum frá þeim degi til 18. mars 2023, af 6.537.364 krónum frá þeim degi til 5. apríl 2023, af 6.751.556 krónum frá þeim degi til 5. maí 2023, af 6.797.204 krónum frá þeim degi til 12. september 2023 og af 6.822.445 krónum frá þeim degi til 1. nóvember 2023, en með dráttarvöxtum samkvæmt 6. gr. sömu laga frá þeim degi til greiðsludags, allt að frádregnum 1.007.727 krónum 1. desember 2022 og 1.007.727 krónum 1. janúar 2023.

Stefndi greiði áfrýjanda 1.300.000 krónur í málskostnað í héraði og fyrir Landsrétti.

Dómur Héraðsdóms Reykjavíkur 10. mars 2025

Mál þetta, sem dómtekið var 13. febrúar 2025, er höfðað 30. nóvember 2023. Stefnandi er Arctic Trucks Ísland ehf., […], en stefndi er Haukur Einarsson, […].

Stefnandi krefst þess aðallega að stefndi greiði stefnanda 8.123.597 kr. með vöxtum samkvæmt 8. gr. laga nr. 38/2001 um vexti á verðtryggingu, af 1.038.360 kr. frá 01.12.2021 til 13.12.2021, af 1.097.960 kr. frá 13.12.2021 til 15.12.2021, af 2.265.573 kr. frá 15.12.2021 til 03.02.2022, af 2.436.581 kr. frá 03.02.2022 til 13.03.2022, af 3.108.203 kr. frá 13.03.2022 til 25.04.2022, af 3.246.963 kr. frá 25.04.2022 til 06.05.2022, af 3.269.985 kr. frá 06.05.2022 til 18.05.2022, af 3.530.751 kr. frá 18.05.2022 til 23.05.2022, af 4.533.603 kr. frá 23.05.2022 til 28.06.2022, af 4.783.603 kr. frá 28.06.2022 til 19.07.2022, af 4.983.603 kr. frá 19.07.2022 til 26.07.2022, af 5.087.471 kr. frá 26.07.2022 til 12.08.2022, af 5.160.449 kr. frá 12.08.2022 til 06.09.2022, af 5.360.449 kr. frá 06.09.2022 til 08.09.2022, af 5.370.681 kr. frá 08.09.2022 til 09.09.2022, af 5.401.877 kr. frá 09.09.2022 til 12.09.2022, af 5.651.877 kr. frá 12.09.2022 til 13.09.2022, af 5.877.115 kr. frá 13.09.2022 til 15.09.2022, af 6.022.115 kr. frá 15.09.2022 til 17.09.2022, af 6.043.332 kr. frá 17.09.2022 til 26.09.2022, af 6.293.332 kr. frá 26.09.2022 til 30.09.2022, af 6.543.332 kr. frá 30.09.2022 til 03.11.2022, af 7.221.205 kr. frá 03.11.2022 til 18.11.2022, af 7.421.205 kr. frá 18.11.2022 til 02.12.2022, af 7.674.523 kr. frá 02.12.2022 til 21.02.2023, af 7.748.843 kr. frá 21.02.2023 til 10.03.2023, af 7.798.616 kr. frá 10.03.2023 til 18.03.2023, af 7.838.516 kr. frá 18.03.2023 til 05.04.2023, af 8.052.708 kr. frá 05.04.2023 til 05.05.2023, af 8.098.356 kr. frá 05.05.2023 til 12.09.2023, af 8.123.597 kr. frá 12.09.2023 til 01.11.2023, en með dráttarvöxtum samkvæmt 6. gr. sömu laga frá þeim degi til greiðsludags.

Til vara krefst stefnandi þess að stefndi greiði stefnanda 6.172.408 kr. með vöxtum samkvæmt 8. gr. laga nr. 38/2001 um vexti á verðtryggingu, af 600.000 kr. frá 01.12.2021 til 15.12.2021, af 1.233.640 kr. frá 15.12.2021 til 03.02.2022, af 1.332.840 kr. frá 03.02.2022 til 13.03.2022, af 2.004.462 kr. frá 13.03.2022 til 25.04.2022, af 2.143.222 kr. frá 25.04.2022 til 06.05.2022, af 2.166.244 kr. frá 06.05.2022 til 18.05.2022, af 2.427.010 kr. frá 18.05.2022 til 23.05.2022, af 3.181.860 kr. frá 23.05.2022 til 28.06.2022, af 3.431.860 kr. frá 28.06.2022 til 19.07.2022, af 3.631.860 kr. frá 19.07.2022 til 26.07.2022, af 3.735.728 kr. frá 26.07.2022 til 12.08.2022, af 4.008.706 kr. frá 12.08.2022 til 06.09.2022, af 4.008.706 kr. frá 06.09.2022 til 08.09.2022, af 4.018.938 kr. frá 08.09.2022 til 09.09.2022, af 4.050.134 kr. frá 09.09.2022 til 12.09.2022, af 4.300.134 kr. frá 12.09.2022 til 15.09.2022, af 4.435.134 kr. frá 15.09.2022 til 26.09.2022, af 4.685.134 kr. frá 26.09.2022 til 30.09.2022, af 4.935.134 kr. frá 30.09.2022 til 03.11.2022, af 5.613.007 kr. frá 03.11.2022 til 18.11.2022, af 5.813.007 kr. frá 18.11.2022 til 21.02.2023, af 5.887.327 kr. frá 21.02.2023 til 05.04.2023, af 6.120.464 kr. frá 05.04.2023 til 05.05.2023, af 6.147.167 kr. frá 05.05.2023 til 12.09.2023, af 6.172.408 kr. frá 12.09.2023 til 01.11.2023, en með dráttarvöxtum samkvæmt 6. gr. sömu laga frá þeim degi til greiðsludags. Í báðum tilvikum er gerð krafa um málskostnað úr hendi stefnda.

Stefndi krefst þess aðallega að hann verði sýknaður af kröfu stefnanda gegn greiðslu á 347.817 kr., en til vara að kröfur stefnanda verði lækkaðar verulega. Þá krefst stefndi í öllum tilvikum málskostnaðar úr hendi stefnanda.

I

Málsatvik

Stefndi var starfsmaður stefnanda í rúmlega eitt ár eða frá 15. september 2021 til loka árs 2022. Stefndi starfaði í móttöku á þjónustuverkstæði stefnanda. Í því starfi fólst einkum að taka á móti viðskiptavinum, skrá bifreiðir inn á verkstæði og afgreiða út af verkstæði að lokinni viðgerð. Þá var honum einnig falið afmarkað hlutverk við pöntun á sérgreindum varahlutum fyrir verkstæði stefnanda.

Að sögn stefnanda vaknaði árið 2022, skömmu eftir að stefndi hóf störf, grunur á meðal starfsmanna stefnanda um að stefndi misfæri með stöðu sína innan fyrirtækisins. Komu fram reikningar vegna vöru- og þjónustukaupa sem stefndi stóð fyrir í nafni stefnanda en var talinn nýta í eigin þágu. Var hann þá grunaður um að hafa nýtt sér stöðu sína sem starfsmaður stefnanda til að taka út vörur og þjónustu á kostnað stefnanda hjá hinum ýmsu fyrirtækjum án þess að hafa til þess heimild. Að sögn stefnanda nýtti hann sér umræddar vörur og þjónustu í eigin þágu, persónulega og í gegnum einkahlutafélag í sinni eigu, HVE Lausnir, sem og í þágu annarra sem honum tengdust. Var hann einnig grunaður um að hafa tekið út vörur og þjónustu hjá stefnanda án greiðslu eða heimildar. Stefnda var í kjölfarið að sögn stefnanda vikið frá störfum og hann krafinn um endurgreiðslu.

Stefndi hefur ekki mótmælt því að hafa dregið sér fjármuni með því móti sem að framan greinir, þótt hann mótmæli sumum kröfum stefnanda. Hann hefur hins vegar borið því við að frá kröfu stefnanda eigi að draga styrki frá stefnda til þátttöku í torfærukeppni auk þess sem hann kveðst eiga inni ógreidd laun í uppsagnarfresti. Þá beri að draga frá kröfur er varði einkahlutafélag hans sem ekki sé stefnt í málinu.

Hinn 21. september 2023 sendi stefnandi sýslumanninum á höfuðborgarsvæðinu beiðni um kyrrsetningu í eignum stefnda til að tryggja rétt sinn. Þegar leið að fyrirtöku beiðninnar óskaði stefndi eftir svigrúmi til að gera hreint fyrir sínum dyrum. Málsaðilar náðu hins vegar ekki sátt um uppgjör og því var mál þetta höfðað. Undir rekstri málsins héldu málsaðilar áfram tilraunum til sátta en náðu sem fyrr ekki saman.

Við aðalmeðferð málsins gaf stefndi aðilaskýrslu. Þá gáfu vitnaskýrslu Jóhanna Kristín Guðmundsdóttir, fjármálastjóri stefnanda, Guðfinnur Þór Pálsson, fyrrum framkvæmdastjóri stefnanda og Jóhannes Birkir Bjarnason, innkaupa- og lagerstjóri hjá stefnanda.

II

Málsástæður stefnanda

Stefnandi kveðst byggja á því að hann eigi kröfu á hendur stefnda vegna óheimilla úttekta stefnda á vörum og þjónustu. Úttektirnar hafi falist í því að stefndi hafi tekið út vörur og þjónustu í eigin þágu, einkahlutafélags síns, Hve lausna, og annarra tengdra aðila, án nokkurrar heimildar eða umboðs af hálfu stefnanda. Stefndi hafi tekið út vörur og þjónustu hjá stefnanda sem og í nafni stefnanda hjá tilgreindum fyrirtækjum. Enn fremur hafi stefndi heimildarlaust notað greiðslukort á vegum stefnanda til úttekta í eigin þágu og annarra.

Stefnandi kveðst byggja á því að umræddar ráðstafanir stefnda hafi verið ólögmætar og refsiverðar. Á grundvelli hinnar almennu sakarreglu beri stefnda að endurgreiða stefnanda sem nemi hinum óheimilu úttektum.

Stefnandi kveðst hafna því að stefndi eigi nokkra gagnkröfu sem komi til lækkunar á dómkröfum stefnanda. Styrkur til handa stefnda til þátttöku í torfærukeppni að fjárhæð 1.500.000 kr. hafi verið nýttur að fullu. Þá hafni stefnandi því að stefndi eigi inni ógreidd laun í uppsagnarfresti. Annars vegar hafi stefndi sjálfur tilkynnt um uppsögn og hafi starfslok miðast við 31. október 2022, sbr. tilkynningu hans þar að lútandi um uppsögn. Hins vegar hafi stefnda verið vikið fyrirvaralaust frá störfum þegar upp hafi komist um hinar óheimilu úttektir. Hafi úttektir stefnda og heimildarlaus notkun á greiðslukorti haldið áfram eftir starfslok. Ásetningur stefnda til að draga sér og tengdum aðilum fjármuni hafi verið beinn og haft þær óhjákvæmilegu afleiðingar að stefnandi hafi orðið fyrir tjóni.

Stefnandi kveðst reisa kröfu sína á því að stefndi hafi dregið sér fjármuni með óheimilum úttektum og heimildarlausri notkun greiðslukorts. Með því að láta stefnanda greiða heimildarlaust fyrir vörur eða þjónustu í þágu stefnda hafi stefndi valdið stefnanda fjártjóni sem nemi fjárhæð úttektanna. Hafi úttektirnar átt sér stað frá byrjun desember 2021 og fram í maí 2023.

Undir rekstri málsins leiðrétti stefnandi kröfur sínar til lækkunar. Verður því hér, til einföldunar, vikið að einstökum kröfum í tímaröð en ekki með þeim hætti sem þær eru raktar í stefnu.

1. Stefnandi byggir á því að stefndi hafi tekið, án heimildar, út fjögur 44“ dekk hjá stefnanda án þess að greiða fyrir þau. Samkvæmt útskrift úr sölu- og bókhaldskerfi stefnanda á þeim tíma sem úttektin hafi farið fram hafi verðmæti þeirra verið 1.038.360 kr. Úttektin hafi verið án heimildar stefnanda og stefndi hafi ekki greitt fyrir dekkin.
2. Stefnandi byggir á reikningi, dags. 13. desember 2021, að fjárhæð 59.600 kr. frá N1 ehf., vegna óheimillar úttektar stefnda á stálfelgum í eigin þágu en í nafni stefnanda. Hafi stefndi slegið eign sinni á felgurnar á kostnað stefnanda en hann hafi tekið þær út í desember 2021.
3. Stefnandi byggir á upplýsingum úr sölu- og bókhaldskerfi stefnanda um óheimila úttekt stefnda á þjónustu og varahlutum af verkstæði stefnanda vegna torfærubifreiðar sinnar frá 15. desember 2021. Um sé að ræða verk og efni alls að fjárhæð 1.167.613 kr.
4. Stefnandi byggir á útskrift úr sölu- og bókhaldskerfi stefnanda frá 3. febrúar 2022. Þar megi sjá að bifreið með skráningarnúmerið […] hafi fengið þar tilgreinda viðgerðarþjónustu hjá stefnanda að fjárhæð 171.008 kr. í febrúar 2022. Stefndi hafi verið skráður verkkaupi og tilgreindur greiðslumáti hafi verið staðgreiðsla. Eigandi hafi verið Anna Kristín Guðnadóttir, sem muni vera fyrrum unnusta stefnda.
5. Stefnandi byggir á færsluyfirliti vegna greiðslukorts í eigu stefnanda, dags. 13. mars 2022, samtals að fjárhæð 671.622 kr. Hafi stefndi nýtt sér kortið í eigin þágu til ýmiss konar einkaneyslu, m.a. til kaupa á mat, áfengi, eldsneyti og fatnaði.
6. Stefnandi byggir á útskrift úr sölu- og bókhaldskerfi stefnanda, dags. 25. apríl 2022. Þar megi sjá að bifreiðin […] hafi fengið þar tilgreinda viðgerðarþjónustu hjá stefnanda að fjárhæð 138.760 kr. í apríl 2022. Eigandi hafi verið skráður Grace McDonald Þorkelsdóttir. Stefndi hafi verið skráður fyrir verkinu og jafnframt sem verkkaupi. Umrædd þjónusta hafi verið veitt en greiðsla hafi ekki skilað sér til stefnanda.
7. Stefnandi byggir á reikningi frá Orku ehf., dags. 6. maí 2022, að fjárhæð 23.022 kr. Stefndi hafi skráð innkaupin á verknúmer, að því er virðist af handahófi, og merkt auk þess reikninginn „v/verkst“ að því er virðist til að villa um fyrir stefnanda og fela brot stefnda. Stefnandi hafi hvorki óskað eftir né tekið við vörum úr hendi Orku ehf. samkvæmt umræddum reikningi.
8. Stefnandi byggir á reikningi frá Heklu, dags. 18. maí 2022. Um sé að ræða óheimila úttekt stefnda í nafni stefnanda að fjárhæð 260.766 kr. Vörurnar hafi stefndi notað í eigin þágu.
9. Stefnandi byggir á upplýsingum úr sölu- og bókhaldskerfi stefnanda um óheimila úttekt stefnda á þjónustu og varahlutum af verkstæði stefnanda vegna torfærubifreiðar sinnar frá 23. maí 2022. Um sé að ræða verk og efni alls að fjárhæð 1.002.852 kr.
10. Stefnandi byggir á reikningi frá Pústþjónustu Bjarkars, dags. 28. júní 2022, að fjárhæð 250.000

200.000 kr. Á reikningunum sé vísað til Heklu sem muni vera torfærubifreið stefnda.

1. Stefnandi byggir á reikningum frá Orku ehf., dags. 8. september og 9. september 2022. Er sá fyrri að fjárhæð 10.232 kr. en sá síðari 31.196 kr. Stefndi hafi skráð innkaupin á verknúmer, að því er virðist af handahófi, og auk þess merkt reikninga v/verkst, að því er virðist til að villa um fyrir stefnanda og fela brot stefnda. Stefnandi hafi hvorki óskað eftir né tekið við vörum úr hendi Orku ehf. samkvæmt umræddum reikningum.
2. Stefnandi byggir á reikningi frá Pústþjónustu Bjarkars, dags. 12. september 2022 að fjárhæð 250.000 kr. Á reikningunum sé vísað til Heklu sem muni vera torfærubifreið stefnda.
3. Stefndi byggir á upplýsingum úr sölu- og bókhaldskerfi, dags. 13. september 2022, þar sem fram komi að stefndi hafi tekið út þjónustu vegna bifreiðarinnar […], sem sé í eigu einkahlutafélags hans, Hve lausna, án þess að greiða fyrir hana. Andvirði þjónustunnar hafi verið 235.238 kr.
4. Stefnandi byggir á reikningi frá Bílapörtum ehf., dags. 15. september 2022, að fjárhæð 211.500 kr. Sé hluti reikningsins vegna óheimilla kaupa stefnda á hjöruliðsklossum í eigin þágu, eða 135.000 kr. Reikningurinn hafi verið greiddur með greiðslukorti stefnanda.
5. Stefnandi byggir á reikningi, dags. 17. september 2022, að fjárhæð 21.217 kr. frá AB varahlutum ehf. vegna úttektar stefnda á verkfærum í nafni stefnanda. Verkfærin hafi stefndi tekið sjálfur og slegið eign sinni á þau.
6. Stefnandi byggir á reikningum frá Pústþjónustu Bjarkars, dags. 26. og 30. september 2022, og er hvor um sig að fjárhæð 250.000 kr. Á reikningunum sé vísað til Heklu sem muni vera torfærubifreið stefnda.
7. Stefnandi byggir á færsluyfirliti vegna greiðslukorts í eigu stefnanda, dags. 3. nóvember 2022, samtals að fjárhæð 677.873 kr. Hafi stefndi nýtt sér kortið í eigin þágu til ýmiss konar einkaneyslu, m.a. til kaupa á mat, áfengi, eldsneyti og fatnaði.
8. Stefnandi byggir á reikningi frá Pústþjónustu Bjarkars, dags. 18. nóvember 2022, að fjárhæð 200.000 kr. Á reikningunum sé vísað til Heklu sem muni vera torfærubifreið stefnda.
9. Stefnandi byggir á yfirliti viðskiptamannareiknings einkahlutafélags stefnda, Hve lausna, dags. 2. desember 2022, þar sem skuld stefnanda er skráð 253.318 kr. Stefndi hafi ekki haft heimild til að stofna til reikningsviðskipta f.h. stefnanda við sjálfan sig og hafi þannig misnotað aðstöðu sína sjálfum sér til hagsbóta.
10. Stefnandi byggir á yfirliti viðskiptamannareiknings stefnda sjálfs, dags. 21. febrúar 2023, þar sem skuld stefnanda er skráð 74.320 kr. Stefndi hafi ekki haft heimild til að stofna til reikningsviðskipta f.h. stefnanda við sjálfan sig og hafi þannig misnotað aðstöðu sína sjálfum sér til hagsbóta.
11. Stefnandi byggir á yfirliti frá VISA vegna greiðslukorts stefnanda, þar sem fram komi að 10. mars 2023 hafi stefndi nýtt sér kortanúmerið til að greiða 49.773 kr. fyrir veitingar hjá Lux veitingum.
12. Stefnandi byggir á yfirliti frá VISA vegna greiðslukorts stefnanda, þar sem fram komi að 18. mars 2023 hafi stefndi nýtt sér kortanúmerið til að greiða 39.900 kr. fyrir veitingar hjá Hereford steikhúsi.
13. Stefnandi byggir á útskrift úr sölu- og bókhaldskerfi stefnanda, dags. 5. apríl 2023. Þar megi sjá að bifreið með skráningarnúmerið […] hafi fengið þar tilgreinda viðgerðarþjónustu hjá stefnanda að fjárhæð 214.192 kr. Stefndi hafi verið skráður viðskiptamaður og tilgreindur greiðslumáti staðgreiðsla. Eigandi bifreiðarinnar hafi verið Gunnhildur Rut Kristinsdóttir sem muni tengjast stefnda en greiðsla hafi ekki skilað sér til stefnanda.
14. Stefnandi byggir á reikningi frá GA smíðajárni – Guðmundi Arasyni ehf., dags. 5. maí 2023, vegna vöruúttekta að fjárhæð 18.945 kr. Samkvæmt upplýsingum frá fyrirtækinu hafi stefndi staðið að vörukaupum í nafni stefnanda. Stefndi hafi enga heimild haft til kaupanna og hafi nýtt vörurnar í eigin þágu.
15. Stefnandi byggir á reikningi frá Barka ehf., dags. 5. maí 2023, að fjárhæð 26.703 kr., vegna vöruúttekta. Samkvæmt upplýsingum frá fyrirtækinu hafi stefndi staðið að vörukaupunum í nafni stefnanda. Stefndi hafi enga heimild haft til kaupanna og hafi nýtt vörurnar í eigin þágu.
16. Stefnandi byggir á upplýsingum úr sölu- og bókhaldskerfi um óheimila úttekt stefnda á vörum að fjárhæð 25.241 kr. í september 2023. Samkvæmt starfsmanni stefnanda, Birni Ingvari Einarssyni, hafi úttektin verið á vegum stefnda og engin greiðsla hafi borist stefnanda.

    Samkvæmt þessu nemur krafa stefnanda samtals 8.123.597 kr.

    Stefnandi kveður grundvöll kröfu sinnar vera sakarregluna. Stefndi hafi valdið stefnanda tjóni, sem nemi óheimilum úttektum, með saknæmum og ólögmætum hætti. Að því er varði ólögmæti vísi stefnandi til XXVI. kafla almennra hegningarlaga nr. 19/1944, einkum 244. gr., 246. gr. og 249. gr. laganna. Stefnandi byggi á því að einu megi gilda þótt aðrir en stefndi kunni í einhverjum tilvikum að hafa notið vöru og eða þjónustu á kostnað stefnanda. Ábyrgð stefnda sé allt að einu óskipt þar sem stefndi hafi farið vísvitandi út fyrir umboð sitt og valdið stefnanda tjóni af ásetningi.

    Stefnandi kveðst einnig byggja á því að með hinum óheimilu úttektum hafi stefndi brotið alvarlega gegn trúnaðar-, heiðarleika- og hollustuskyldu gagnvart stefnanda. Burtséð frá tilkynningu stefnda um uppsögn hafi stefnandi þegar af þeirri ástæðu mátt víkja stefnda úr starfi án uppsagnarfrests og óháð því hvort brot hans teldust vera refsiverð eða ekki.

    Stefnandi kveðst byggja á því, verði talið að stefnda hafi í einhverjum tilvikum verið heimilt að taka út vörur eða þjónustu í eigin þágu en á kostnað stefnanda, að myndast hafi skuld stefnda við stefnanda sem stefnda beri að endurgreiða stefnanda á grundvelli meginreglna kröfuréttar um efndir fjárskuldbindinga.

    Varakröfu sína, 6.172.408 krónur, kveðst stefnandi byggja á þeim kröfum sem stefndi hafi samþykkt. Stefnandi kveðst krefjast vaxta samkvæmt 8. gr. laga nr. 38/2001 um vexti og verðtryggingu frá hverri hinna ólögmætu úttekta en bótaskyld atvik í skilningi ákvæðisins miðist við úttektirnar. Stefnandi krefjist dráttarvaxta frá 1. nóvember 2023, sbr. 1. mgr. 6. gr. laga nr. 38/2001 um vexti og verðtryggingu, en óumdeilt sé að meira en mánuður hafi þá verið liðinn frá því að stefndi fékk upplýsingar um kröfu stefnanda, sbr. 9. gr. laganna, í ljósi framkominnar beiðni um kyrrsetningu. Auk þess hafi stefnda mátt vera ljós krafa stefnanda frá hverri úttekt þar sem stefndi hafi vitað eða mátt vita að hann hefði enga heimild til þeirra.

Málsástæður stefnda

Stefndi kveðst styðja kröfu um sýknu á þeim grunni að til staðar sé réttur til skuldajöfnunar á rétti stefnanda til launa á tímabilinu nóvember og desember 2022 auk launaréttar í uppsagnarfresti janúar og febrúar 2023, en stefnandi hafi hafið störf hjá öðrum aðila í mars 2023. Launakrafa stefnda sé því 4.030.908 kr. Laun 805.000 x 4 = 3.220.000 x 11,5% = 370.000. Þá sé reiknað orlof á heildarlaun 10,64% 342.608 kr., alls 3.932.908 kr. Þá skuli leggja við þessa fjárhæð desemberuppbót, 98.000 kr. Sé því fjárhæð launakröfunnar samtals 4.030.908 kr. Stefndi kveður kröfu um rétt til launa á þriggja mánaða uppsagnarfresti í samræmi við kjarasamning Eflingar við SA, þar sem hann hafi greitt félagsgjöld til Eflingar á meðan hann hafi starfað hjá stefnda.

Stefndi kveðst einnig styðja kröfu um sýknu með því að hann hafi hlotið styrk frá stefnanda vegna torfærubifreiðar sinnar árið 2022, 1.500.00 kr. auk vsk., 360.000 kr., eða alls 1.860.000 kr. Byggi stefndi á því að loforð um styrk frá stefnanda skuli koma til skuldajafnaðar og lækkunar á kröfum stefnanda sem við rök eigi að styðjast. Kveðst stefndi krefjast þess að viðkomandi styrkur komi til skuldajöfnunar gegn kröfu stefnanda. Þá hafi framkvæmdastjóri stefnanda samþykkt að greiða fyrir flutningskostnað á mótor torfærubíls til viðbótar við áður samþykktan styrk. Með vísan til þessa kveður stefndi skuldajafnaðarkröfu sína vera 6.200.908 krónur.

Stefndi mótmælti í greinargerð sinni tvítekningu á úttektum frá Pústþjónustu Bjarkars. Féllst stefnandi á rök stefnda og féll frá kröfum sínum að því leyti. Hefur stefndi viðurkennt kröfur varðandi Pústþjónustuna í töluliðum 10, 13, 15, 19 og 21 hér að framan, þannig breyttar.

Stefndi viðurkennir kröfur stefnanda vegna reikninga frá Orku ehf., sbr. liði 7, 11 og 14 hér að framan. Stefndi viðurkennir kröfur vegna notkunar greiðslukorts, sbr. liði 5 og 20. Stefndi viðurkennir kröfur byggðar á útskriftum úr sölu- og bókhaldskerfi stefnanda sem sýna að veitt hafi verið þjónusta sem skráð hafi verið á stefnda en ekki var greitt fyrir, sbr. liði 4, 6, 12, 26. Stefndi viðurkennir kröfu sem byggð er á reikningi frá Heklu dags. 18. maí 2022, sbr. lið 8. Stefndi viðurkennir kröfu byggða á reikningi frá Bílapörtum ehf., dags. 15. september 2022, sbr. lið 17. Stefndi viðurkennir kröfu byggða á skuld á viðskiptamannareikningi hans, sbr. lið 23.

Stefndi viðurkennir kröfur byggðar á yfirliti frá VISA vegna greiðslukorts stefnanda, þar sem fram kemur að 10. og 18. mars 2023 hafi stefndi nýtt sér kortanúmerið til að greiða fyrir veitingar á Lux veitingum og Hereford steikhúsi, sbr. liði 24 og 25. Stefndi viðurkennir kröfu byggða á reikningi frá GA smíðajárni ehf., dags. 5. maí 2023, sbr. lið Stefndi viðurkennir kröfu byggða á reikningi frá Barka ehf., dags. 5. maí 2023, sbr. lið 28. Stefndi viðurkennir loks kröfu byggða á upplýsingum úr sölu- og bókhaldskerfi um óheimila úttekt stefnda á vörum í september 2023, sbr. lið 29.

Samkvæmt framansögðu fellst stefndi á kröfur stefnanda, sbr. liði hér að framan nr. 4, 5, 6, 7, 8, 10, 11, 12, 13, 14, 15, 17, 19, 20, 21, 23, 24, 25, 26, 27, 28, 29.

Hvað varðar lið 1 kveðst stefndi viðurkenna að hann hafi fengið umrædd dekk, en hann fallist ekki á fjárhæð kröfu stefnanda vegna þeirra. Taka beri tillit til starfsmannaafsláttar auk þess sem um hafi verið að ræða notuð dekk sem hafði verið skilað þar sem þau hafi verið ójöfn. Hafi verið umsamið að söluverð þeirra yrði ekki hærra en 600.000 kr. Hvað varðar lið 2 kveðst stefndi ekki kannast við að hafa fengið umræddar felgur.

Hvað varðar lið 3 kveðst stefndi mótmæla fjárhæð kröfunnar, en umrædd útskriftarnóta hafi verið vegna torfærubifreiðar stefnda. Séu tímaskráningar algjörlega úr samhengi við það sem gert hafi verið í umrætt skipti. Samið hafi verið um það á sínum tíma að skrifa ætti út 8 klst. á verkið sem geri 80.000 auk skatts, 19.200, alls 96.200 kr. Þá sé rukkað fyrir lið sem kallaður sé málning sem ekki eigi við rök að styðjast. Unnið hafi verið við kúplingu og dælu. Byggir stefndi á því að starfsmenn stefnanda hafi allir átt að njóta afsláttarkjara og greiða að hámarki 10.000 kr. á klst. án vsk. fyrir unninn tíma. Réttmæt fjárhæð úttekta þessara að teknu tilliti til leiðréttingar stefnda sé 511.000 kr. auk vsk., 122.640 kr., eða alls 633.640 kr.

Hvað varðar lið 9 kveðst stefndi fallast á kröfu að fjárhæð 754.850 kr. en hafna kröfunni að öðru leyti.

Hvað varðar lið 16 kveðst stefndi hafna kröfu stefnanda þar sem um sé að ræða óútskrifað verk á bifreið í eigu einkahlutafélags stefnda. Stefndi kannist ekki við að þetta verk hafi verið klárað. Þá byggi stefndi á því að vísa beri þessari kröfu frá ex officio þar sem hún sé á hendur öðrum aðila en stefnda. Sama eigi við um lið 22 sem varði viðskiptamannareikning einkahlutafélags stefnda.

Hvað varðar lið 18 kveðst stefndi ekki kannast við að hafa fengið umrædd verkfæri og kveðst telja að þau hafi verið keypt fyrir verkstæðið.

III

Niðurstaða

Eins og að framan greinir hefur stefndi viðurkennt kröfu stefnanda að verulegu leyti og verður hér ekki fjalla um þá kröfuliði sem svo háttar til um. Verður hér hins vegar fjallað um þá liði þar sem svo háttar að stefndi viðurkennir ekki kröfur stefnanda og síðan kröfu hans um skuldajöfnuð, annars vegar vegna launakröfu og hins vegar styrks frá stefnanda vegna torfærubifreiðar stefnda.

Hvað varðar hjólbarða sem stefnandi kveður stefnda hafa tekið án heimildar, sbr. lið 1 hér að framan, og gerir kröfu um 1.038.360 kr. fyrir, hefur stefndi viðurkennt að hafa fengið umrædda hjólbarða, en neitað að hafa átt að greiða þá fjárhæð sem stefnandi krefst. Hafi verið um að ræða notaða hjólbarða auk þess sem stefndi hafi átt að njóta starfsmannaafsláttar. Sagði stefndi í skýrslu sinni fyrir dómi að sér hefði verið boðið að kaupa umrædda hjólbarða á 600.000 kr. með virðisaukaskatti. Fær þessi framburður hans stoð í framburði vitnisins Guðfinns Þórs Pálssonar, fyrrum framkvæmdastjóra stefnanda, fyrir dómi, en hann kvað söluverð hjólbarðanna hafa átt að vera talsvert lægra en stefnandi byggir á auk þess sem stefndi hafi átt rétt á starfsmannaafslætti. Með vísan til þessa er það niðurstaða dómsins að miða verði við að umsamið verð hafi verið það sem stefndi byggir á og er fallist á kröfu stefnanda að því leyti, þ.e. að stefndi skuli greiða stefnanda 600.000 kr. vegna hjólbarðanna.

Hvað varðar felgur sem stefnandi byggir á í lið 2 að stefndi hafi tileinkað sér hefur stefndi mótmælt því að það eigi við rök að styðjast. Fær framburður hans að þessu leyti stoð í framburði vitnisins Guðfinns Þórs fyrir dómi. Kvaðst hann hafa sent stefnda til að kaupa þær fyrir hönd stefnanda vegna þess að hann hefði verið að hugsa um þær sem framtíðar söluvöru í verslun stefnanda. Hefur stefnandi ekki sýnt fram á að stefndi hafi tileinkað sér umræddar felgur eftir kaupin. Er stefndi með vísan til þessa sýknaður af þessari kröfu stefnanda.

Hvað varðar vinnu við torfærubifreið stefnda hefur stefnandi m.a. mótmælt því að stefndi eigi rétt á starfsmannaafslætti þar sem um hafi verið að ræða fjárdrátt hans og komi því starfsmannaafsláttur ekki til greina. Óumdeilt er að stefndi átti rétt á slíkum afslætti. Er það mat dómsins að stefnanda verði ekki dæmdar hærri skaðabætur en sem nemi þeim skaða sem stefnandi varð raunverulega fyrir. Verði því að taka tillit til þess að stefndi hefði átt rétt á starfsmannaafslætti þar sem um slíkt er að ræða.

Stefndi hefur viðurkennt að hann skuldi stefnanda 754.850 kr. vegna umræddrar vinnu við torfærubifreiðina. Er fallist á það með stefnda að stefnandi hafi ekki sýnt fram á að honum beri hærri fjárhæð vegna umræddrar vinnu. Er það niðurstaða dómsins, með vísan til framangreinds, að fallast á kröfu að fjárhæð 754.850 kr.

Stefndi hefur mótmælt kröfum stefnanda vegna vinnu í þágu einkahlutafélags hans, Hve lausna. Er annars vegar um að ræða þjónustu vegna bifreiðarinnar […], sem er í eigu einkahlutafélagsins, og hins vegar skuld á viðskiptamannareikningi félagsins. Byggir stefndi á því að vísa eigi umræddum kröfum frá ex officio þar sem einkahlutafélagið sé ekki aðili að máli þessu.

Fyrir liggur og er óumdeilt að stefndi tók að þessu leyti út þjónustu fyrir einkahlutafélag sitt án þess að greiða fyrir, sbr. liði 16 og 22. Eru þessi tilvik þannig sambærileg tilvikum sem lýst er í liðum 4, 6, 12 og 26, og stefndi hefur fallist á. Er það mat dómsins að umræddum kröfum sé réttilega beint að stefnda enda var það hann sem tók út þjónustuna fyrir hönd félagsins án leyfis. Er því ekki fallist á að vísa beri kröfunum frá og fallist á þær, en fjárhæð þeirra er ekki mótmælt af stefnda.

Hvað varðar úttekt á verkfærum hjá AB varahlutum hefur stefnandi að mati dómsins ekki sýnt fram á að stefndi hafi móttekið þau og tileinkað sér og er stefndi því sýknaður af þeirri kröfu. Með vísan til framangreinds er fallist á kröfur stefnanda að fjárhæð 6.750.637 krónur.

Í aðilaskýrslu sinni fyrir dómi kvaðst stefndi hafa unnið hjá stefnanda út desember 2022. Hvað varðaði meinta uppsögn hans kvað hann hafa fokið í sig og hann því skrifað umrætt uppsagnarbréf. Sá ágreiningur hefði hins vegar verið jafnaður og hann unnið út árið 2022 og jafnvel einhverja daga í janúar 2023. Þessi framburður stefnda fékk stoð í framburði vitnisins Guðfinns Þórs fyrir dómi. Kvað hann hafa verið ákveðið, eftir að upp komst um þær úttektir stefnda sem mál þetta snýst um, að hann myndi vinna út árið en hætta svo.

Þegar litið er til framburðar vitnisins Guðfinns Þórs er fallist á það með stefnda að hann eigi rétt á launum fyrir nóvember og desember 2022. Á hinn bóginn verður ekki á það fallist að stefndi hafi átt rétt á launum í uppsagnarfresti. Mál þetta snýst um það að stefndi misnotaði gróflega aðstöðu sína hjá stefnanda, eins og lýst hefur verið hér að framan, og olli stefnanda þannig umtalsverðu tjóni. Verður því ekki fallist á gagnkröfu hans hvað varðar laun í uppsagnarfresti í janúar og febrúar 2023.

Hvað varðar fjárhæð gagnkröfu stefnda að þessu leyti hefur stefndi ekki mótmælt því sem fram hefur komið hjá stefnda þar að lútandi. Verður því fallist á að krafa stefnda vegna launa í nóvember og desember 2022 nemi 2.015.454 kr., sem komi til skuldajafnaðar á móti kröfu stefnanda í máli þessu.

Stefndi gerir einnig kröfu um skuldajöfnuð vegna þess að hann hafi hlotið 1.860.000 kr. styrk frá stefnanda vegna torfærubifreiðar sinnar árið 2022. Þá hafi hann fengið styrk vegna kostnaðar við að flytja mótor á milli landa til lagfæringar að fjárhæð 310.00 kr.

Stefnandi hafnar þessum kröfum stefnda. Telur hann að styrkirnir hafi verið fullnýttir auk þess sem um hafi verið að ræða markaðs- eða auglýsingastyrk sem hafi verið allt annars eðlis en þær úttektir sem ákært sé fyrir.

Hvað varðar hærri styrkinn kom fram í skýrslu vitnisins Guðfinns Þórs, fyrrverandi framkvæmdastjóra stefnanda, fyrir dómi, að hann myndi ekki betur en að umræddur styrkur hefði verið fullnýttur. Stefndi hefði hins vegar farið fram úr sér með úttektum sem hefðu verið langt umfram það sem þar hefði átt að falla undir. Þá kom fram í skýrslu vitnisins Jóhönnu Kristínar að styrkurinn hefði átt að vera til markaðsmála og því hefðu úttektir stefnda sem hér eru til umfjöllunar fallið þar utan.

Hvað varðar lægri styrkinn, sem stefndi kveður hafa verið vegna flutnings á mótor milli landa, var hann eyrnamerktur ákveðnu verkefni og verður ekki séð að nokkur krafa stefnanda í máli þessu taki til þess sem umræddur styrkur tók til. Með vísan til framangreinds er það niðurstaða dómsins að umræddir styrkir komi ekki til skuldajafnaðar á móti kröfum stefnanda í máli þessu.

Með vísan til alls framangreinds er það niðurstaða dómsins að stefndi skuli greiða stefnanda 6.750.637 krónur með vöxtum eins og nánar greinir í dómsorði að frádregnum samtals 2.015.454 krónum, sem komi til frádráttar kröfu stefnanda að helmingi 1. desember 2022 og að helmingi 1. janúar 2023. Ekki er ágreiningur um vaxtakröfu.

Með hliðsjón af úrslitum máls, og með vísan til 3. mgr. 130 gr. laga um meðferð einkamála nr. 91/1991, þykir rétt að málskostnaður falli niður. Björn Þorvaldsson héraðsdómari kveður upp dóm þennan.

Dómsorð:

Stefndi, Haukur Einarsson, greiði stefnanda, Arctic Trucks Ísland ehf., 6.750.637 kr. með vöxtum samkvæmt 8. gr. laga nr. 38/2001 um vexti á verðtryggingu, af 600.000 kr. frá 01.12.2021 til 15.12.2021, af 1.233.640 kr. frá 15.12.2021 til 03.02.2022, af 1.332.840 kr. frá 03.02.2022 til 13.03.2022, af 2.004.462 kr. frá 13.03.2022 til 25.04.2022, af 2.143.222 kr. frá 25.04.2022 til 06.05.2022, af 2.166.244 kr. frá 06.05.2022 til 18.05.2022, af 2.427.010 kr. frá 18.05.2022 til 23.05.2022, af 3.181.860 kr. frá 23.05.2022 til 28.06.2022, af 3.431.860 kr. frá 28.06.2022 til 19.07.2022, af 3.631.860 kr. frá 19.07.2022 til 26.07.2022, af 3.735.728 kr. frá 26.07.2022 til 12.08.2022, af 4.008.706 kr. frá 12.08.2022 til 06.09.2022, af 4.008.706 kr. frá 06.09.2022 til 08.09.2022, af 4.018.938 kr. frá 08.09.2022 til 09.09.2022, af 4.050.134 kr. frá 09.09.2022 til 12.09.2022, af 4.300.134 kr. frá 12.09.2022 til 13.09.2022, af 4.535.372 kr. frá 13.09.2022 til 15.09.2022, af 4.670.372 kr. frá 15.09.2022 til 26.09.2022, af 4.920.372 kr. frá 26.09.2022 til 30.09.2022, af 5.170.372 kr. frá 30.09.2022 til 03.11.2022, af 5.848.245 kr. frá 03.11.2022 til 18.11.2022, af 6.048.245 kr. frá 18.11.2022 til 02.12.2022, af 6.301.563 kr. frá 02.12.2022 til 21.02.2023, af 6.375.883 kr. frá 21.02.2023 til 10.03.2023, af 6.425.656 kr. frá 10.03.2023 til 18.03.2023, af 6.465.556 kr. frá 18.03.2023 til 05.04.2023, af 6.679.748 kr. frá 05.04.2023 til 05.05.2023, af 6.725,396 kr. frá 05.05.2023 til 12.09.2023 og af 6.750.637 kr. frá 12.09.2023 til 01.11.2023, en með dráttarvöxtum samkvæmt 6. gr. sömu laga frá þeim degi til greiðsludags, allt að frádregnum 1.007.727 kr. 1. desember 2022 og 1.007.727 kr. 1. janúar 2023 Málskostnaður fellur niður.