Dómstólaleit

A var sakfelldur fyrir brot gegn valdstjórninni með því að hafa lokað dyrum íbúðar á lögreglumenn og leitast þannig við að hindra framkvæmd starfa lögreglumannanna, sem voru við skyldustörf, og haldið því áfram eftir að búið var að sparka upp dyrnar með því að hindra lögreglumenn við að fara inn í íbúðina. Með því tálmaði hann að handhafi lögregluvalds gæti gegnt skyldustörfum sínum. Kröfu A um frávísun málsins frá héraðsdómi, sem byggði á því að málið hefði verið rannsakað af lögreglustjóranum á höfuðborgarsvæðinu í stað héraðssaksóknara og að rannsóknargögn væru ekki í samræmi við ákæru, var hafnað. Refsing A var ákveðin sem hegningarauki við tvo fyrri dóma héraðsdóms en honum ekki gerð frekari refsing.