Dómstólaleit

Stefnendur kærðu skipulagsákvarðanir Akureyrarbæjar þrívegis til úrskurðarnefndar skipulags- og byggingarmála, sem felldi ákvarðanir bæjarins úr gildi. Þeir höfðuðu mál gegn bænum og kröfðust skaðabóta sem næmu lögfræðikostnaði sínum. Talið var að með málsmeðferð sinni hefði Akureyrarbær brotið gegn rétti stefnenda svo að bótaskyldu varðaði og var skaðabótakrafa þeirra tekin til greina að nær öllu leyti. Miskabótakrafa náði hins vegar ekki fram að ganga.