Dómstólaleit

A var með dómi Hæstaréttar árið 1998 dæmdur í tveggja ára og þriggja mánaða fangelsi fyrir aðild að alvarlegri líkamsárás sem varð manni að bana. Hann leitaði í kjölfarið til Mannréttindadómstóls Evrópu sem taldi að meðferð Hæstaréttar á máli hans hefði ekki samrýmst 1. mgr. 6. gr. mannréttindasáttmála Evrópu um réttláta málsmeðferð, þar sem Hæstiréttur hefði lagt mat á skýrslur ákærða og annarra vitna án þess að hafa hlýtt á þær milliliðalaust. Hæstiréttur féllst í kjölfarið á endurupptöku máls A. Með dómi Hæstaréttar í desember 2012 var A sýknaður af sök í málinu. A stefndi íslenska ríkinu og krafðist bóta fyrir að hafa afplánað refsidóm í fangelsi að ósekju. Héraðsdómur taldi A eiga rétt á bótum og voru honum dæmdar bætur sem námu alls 18.710.000 kr.

Ákæruefni vegna brota á skattalögum að stærstum hluta vísað frá dómi á þeim forsendum að ákærðu hafi þegar verið gerð refsing fyrir brot á skattalögum.

Sakfellt fyrir brot gegn almennum hegningarlögum, skattalagabrot og bókhaldsbrot. Refsing ákveðin skilorðsbundið fangelsi í fjóra mánuði og 11.211.000 krónur í sekt.

Ákæru var vísað frá að hluta þar sem áður hafði gengið dómur um sömu háttsemi ákærða.