Reglugerð um varnir gegn mengun vatns.
I. KAFLI Markmið, gildissvið o.fl.
1. gr. Markmið.
Markmið reglugerðar þessarar er:
| - | að koma í veg fyrir og draga úr mengun vatns og umhverfis þess af mannavöldum, | |
| - | takmarka afleiðingar mengunar sem þegar hefur orðið á vatni og að flokkun vatns lúti tilteknum reglum, sbr. ákvæði reglugerðarinnar, | |
| - | tryggja að losun forgangsefna í vatn verði hætt og að styrkur þeirra í vatni hækki ekki frá því sem verið hefur og | |
| - | að stuðla að almennri verndun vatns. |
2. gr. Gildissvið.
2.1 Reglugerð þessi gildir um varnir gegn mengun vatns, flokkun vatns, gæðamarkmið og umhverfismörk fyrir vatn. Einnig gildir hún um losunarmörk vegna losunar ýmissa hættulegra og óæskilegra efna og efnasambanda í vatn. Reglugerðin tekur til hvers konar atvinnurekstrar hér á landi og í mengunarlögsögunni. Reglugerðin tekur til athafna einstaklinga eftir því sem við á.
3. gr. Skilgreiningar.
3.1 Atvinnurekstur er hvers konar starfsemi og framkvæmdir.
3.2 Besta fáanlega tækni er framleiðsluaðferð og tækjakostur sem beitt er til að lágmarka mengun og myndun úrgangs. Tækni nær til framleiðsluaðferðar, tækjakosts, hönnunar mannvirkja, eftirlits og viðhalds búnaðarins og starfrækslu hans. Með fáanlegri tækni er átt við aðgengilega framleiðsluaðferð og tækjakost (tækni) sem þróaður hefur verið til að beita í viðkomandi atvinnurekstri og skal tekið mið af tæknilegum og efnahagslegum aðstæðum. Með bestu er átt við virkustu aðferðina til að vernda alla þætti umhverfisins.
3.3 Eftirlit er athugun á ferli eða starfsemi til að ákvarða samræmi þeirra við tilteknar kröfur.
3.4 Eftirlitsaðilar eru viðkomandi heilbrigðisnefnd og Umhverfisstofnun og faggiltir skoðunaraðilar sem starfa samkvæmt reglugerð þessari með takmarkaðar heimildir í samræmi við 24. gr. laga nr. 7/1998 um hollustuhætti og mengunarvarnir.
3.5 Ferskvatn (ósalt vatn) er vatn sem kemur fyrir á náttúrulegan hátt, hefur lítinn saltstyrk og er yfirleitt nýtanlegt til töku og vinnslu sem neysluvatn.
3.6 Flokkun vatns er kerfisbundin flokkun vatns, m.t.t. mengunar og annarra þátta sem skipta máli fyrir ástand þess. Markmið flokkunar er að segja til um ástand vatns og miðast við tilteknar forsendur.
3.7 Grunnvatn er vatn, kalt eða heitt, sem er neðan jarðar í samfelldu lagi, kyrrstætt eða rennandi, og fyllir að jafnaði allt samtengt holrúm í viðkomandi jarðlagi.
3.8Gæðamarkmið eru mörk tiltekinnar mengunar í umhverfi (lofti, vatni, jarðvegi, seti eða lífverum) og/eða lýsing á ástandi sem ákveðið er að gildi fyrir svæði í því skyni að draga enn frekar úr áhrifum mengunar, umfram umhverfismörk, og til að styðja tiltekna notkun og/eða viðhalda tiltekinni notkun umhverfisins til lengri tíma.
3.9 Losun er þegar efnum og efnasamböndum er veitt í fráveitur og viðtaka. Bein losun er losun efna í vatn, oftast frá stakri uppsprettu, án þess að þau síist í gegnum jarðveg, þéttan jarðgrunn eða berggrunn.
Óbein losun er þegar efni eða gerlar berast frá dreifðum uppsprettum, eða er hætt við að geti borist, í vatn eftir síun í gegnum jarðveg, þéttan jarðgrunn eða berggrunn.
3.10 Losunarmörk eru mörk fyrir leyfilega losun sem óheimilt er að fara yfir á einu eða fleiri tímabilum. Mörkin geta verið tilgreind sem massi, rúmmál, styrkur eða aðrar breytur.
3.11 Mengun er þegar örverur, efni og efnasambönd og eðlisfræðilegir þættir valda óæskilegum og skaðlegum áhrifum á heilsufar almennings, röskun lífríkis eða óhreinkun lofts, láðs eða lagar. Mengun tekur einnig til ólyktar, hávaða, titrings, geislunar og varmaflæðis og ýmissa óæskilegra eðlisfræðilegra þátta.
3.12 Mengunarvarnaeftirlit er eftirlit með þeim þáttum sem eiga að fyrirbyggja eða draga úr mengun lofts, láðs eða lagar, eftirlit með eiturefnum og hættulegum efnum og fræðsla um þessi mál. Vöktun umhverfisins telst til mengunarvarnaeftirlits.
3.13 Mæling á umhverfisgæðum er mæling og skráning á tilteknum þáttum í umhverfinu, óháð einstökum atvinnurekstri og starfsleyfum, venjulega framkvæmd í stuttan tíma.
3.14 Strandsjór er yfirborðsvatn landmegin við línu sem dregin er einni sjómílu utan grunnlínu landhelginnar og nær inn að ytri mörkum árósavatns.
3.15 Umhverfismörk eru mörk sem óheimilt er að fara yfir í tilteknu umhverfi á tilteknum tíma og sett eru til að takmarka mengun umhverfis á grundvelli vísindalegrar þekkingar í því skyni að koma í veg fyrir eða draga úr skaðlegum áhrifum á heilsu manna og/eða umhverfið. Umhverfismörk geta verið sett til að vernda umhverfið í heild eða tiltekna þætti þess.
3.16 Úttektarrannsókn er viðamikil rannsókn eða mæling til að kanna breytileika þátta yfir tiltekið tímabil, venjulega bundin við stærra svæði, svo sem landsvæði, þéttbýli eða hluta af þéttbýli, eða rannsókn á yfirgripsmiklum þáttum mengunar, svo sem frá farartækjum, eða rannsókn á mengun er berst frá öðrum löndum.
3.17 Vatn er grunnvatn og yfirborðsvatn.
3.18 Vatnasvið eru aðrennslissvæði straumvatna, stöðuvatna, grunnvatnsstrauma eða vatnsbóla.
3.19 Viðkvæm vatnasvæði eru vatnasvæði sem gætu orðið fyrir áhrifum vegna mengunar sé ekki gripið til verndaraðgerða eða svæði hafa orðið fyrir áhrifum vegna mengunar og svæði sem hafa verið flokkuð samkvæmt 3. og 4. mgr. 10. gr.
3.20 Viðtaki er svæði sem tekur við mengun og þynnir hana eða eyðir.
3.21 Vöktun merkir kerfisbundna og síendurtekna skráningu einstakra breytilegra þátta í umhverfinu.
3.22 Yfirborðsvatn er kyrrstætt eða rennandi vatn, straumvötn, stöðuvötn, lón, árósavatn og strandsjór, auk jökla.
3.23 Þynningarsvæði er sá hluti viðtaka þar sem þynning mengunar á sér stað og ákvæði starfsleyfis kveða á um að mengun megi vera yfir umhverfismörkum eða gæðamarkmiðum.
Árósavatn er vatn í nágrenni ármynnis, ísalt vegna nálægðar við strandsjó en undir verulegum áhrifum af aðstreymi ferskvatns.
Forgangsefni eru hættuleg og þrávirk efni sem valda alvarlegri mengun eða eitrun í vatni eða út frá því og raðað er í forgangsröð eftir hættu sem af þeim stafar.
Vatnasvæði er landsvæði með einu eða fleiri vatnasviðum.
Vatnaumdæmi er stjórnsýslueining sem nær til íslenskra vatnasvæða ásamt árósavatni og strandsjó sem þeim tengjast.
Yfirlitsvöktun er vöktun kerfisbundinna og síendurtekinna breytilegra þátta í umhverfinu og skráning þeirra.
Fylki er hólf í vatnaumhverfinu, þ.e. vatn, set eða lífríki.
Flokkunareining lífvera er tiltekin flokkunareining fyrir lagarlífverur innan "undirfylkingar", "flokks" eða samsvarandi flokkunareininga.
Umhverfisgæðakrafa er ákveðin styrkur tiltekins mengunarefnis eða hóps mengunarefna í vatni, seti eða lífríki sem ekki ætti að fara yfir í því skyni að vernda heilbrigði manna og umhverfið.
II. KAFLI Umsjón.
4. gr. Hlutverk Umhverfisstofnunar og heilbrigðisnefnda.
4.1 Heilbrigðisnefndum, undir yfirumsjón Umhverfisstofnun, ber að sjá um að ákvæðum reglugerðarinnar sé framfylgt.
III. KAFLI Meginreglur.
5. gr. Verndun vatns.
5.1 Mengun vatns er óheimil. Losun efna og úrgangs í vatn, þ.m.t. efni á listum I, II og III og IV í viðauka með reglugerðinni, er óheimil nema í samræmi við ákvæði reglugerðar þessarar, viðaukum með henni og starfsleyfa.
5.2 Aðilum í atvinnurekstri sem hafa undir höndum, meðhöndla eða nota efni sem getið er á lista I, II eða III og IV í viðauka með reglugerð þessari eða eru á lista I eða II í viðauka með reglugerð um grunnvatn, ber einnig að fara eftir skilyrðum sem Umhverfisstofnun setur um rannsóknir og mat á áhrifum losunar og miða að því að draga úr mengun af völdum þessara efna í vatni.
5.3 Sérstakar reglur gilda um losun í grunnvatn, sbr. reglugerð þar að lútandi.
5.4 Miða skal við umhverfismörk sem sett eru í lista III í viðauka með reglugerðinni við mat á ástandi yfirborðsvatns og strandsjávar með tilliti til styrks mengunarefna.
5.5 Miða skal við umhverfismörk sem sett eru í lista IV í viðauka með reglugerðinni við mat á ástandi sets og lífríkis í vatni með tilliti til styrks mengunarefna.
6. gr. Efni á lista I.
6.1 Losun efna í vatn sem talin eru upp á lista I í viðauka með reglugerðinni er óheimil nema í samræmi við ákvæði hennar og starfsleyfa.
7. gr. Efni á lista II.
7.1 Með aðgerðum skal draga úr losun annarra efna, sbr. lista II í viðauka með reglugerðinni.
7.2 Öll losun úrgangs í vatn, hvort sem um er að ræða beina eða óbeina losun, sem kann að innihalda þau efni sem eru á lista II er háð starfsleyfi. Í þeim skulu vera losunarmörk sem byggjast á þeim markmiðum sem stefnt er að, sbr. ákvæði 12. gr.
IV. KAFLI Flokkun vatns o.fl.
8. gr. Skylda sveitarstjórna.
8.1 Til þess að viðhalda náttúrulegu ástandi vatns og til þess að vernda það gegn mengun frá mannlegri starfsemi skulu heilbrigðisnefndir flokka vatn í samræmi við 9. og 10. gr. og með hliðsjón af fylgiskjali með reglugerðinni. Heilbrigðisnefndir skulu skilgreina langtímamarkmið fyrir vatn og miða þau við flokka A og B, sbr. 9. gr.
8.2 Flokkun vatns gildir um yfirborðsvatn og grunnvatn hvarvetna á landinu. Á skipulagsuppdrætti svæðis- og aðalskipulags skulu koma fram langtímamarkmið, sbr. 1. mgr. Við deiliskipulagsgerð skal gera skýringaruppdrátt sem sýnir ástand vatns, sbr. 9. gr.
8.3 Sveitarstjórnir og heilbrigðisnefndir skulu grípa til aðgerða sem miða að því að viðhalda náttúrulegu ástandi vatns. Jafnframt skal grípa til úrbóta ef ástand vatns hrakar eða ef það er lakara en ástandsflokkun, sbr. 1. mgr. 9. gr. gerir ráð fyrir.
9. gr. Flokkar vatns.
9.1 Flokkun vatns skal vera sem hér segir:
| Flokkur | Ástand | Litamerking á skýringar uppdráttum | |
| Flokkur A | Ósnortið vatn | Blátt | |
| Flokkur B | Lítið snortið vatn | Grænt | |
| Flokkur C | Nokkuð snortið vatn | Gult | |
| Flokkur D | Verulega snortið vatn | Appelsínugult | |
| Flokkur E | Ófullnægjandi vatn | Rautt |
10. gr. Forsendur flokkunar.
10.1 Flokkun vatns skal byggjast á eftirfarandi forsendum:
a. engar eða litlar vísbendingar eru um áhrif frá mannlegri starfsemi á lífríki eða á efna- og eðlisfræðilegt umhverfi þess. Lífríki og efna- og eðlisfræðilegar breytur eru í samræmi við náttúrulegt ástand eða skilgreind bakgrunnsgildi.
b. lítil og ekki skaðleg áhrif eru greinanleg á lífríki og efna- og eðlisfræðilegt umhverfi þess vegna mannlegrar starfsemi. Efna- og eðlisfræðilegar breytur víkja lítillega frá skilgreindu bakgrunnsgildi, sbr. umhverfismörk í fylgiskjali með reglugerðinni.
c. marktæk áhrif eru á lífríki og efna- og eðlisfræðilegt umhverfi þess vegna mannlegrar starfsemi. Lífríki víkur nokkuð frá þeirri gerð sem við mætti búast ef umhverfi væri óraskað. Efna- og eðlisfræðilegar breytur víkja nokkuð frá skilgreindu bakgrunnsgildi, sbr. umhverfismörk í fylgiskjali með reglugerðinni.
d. veruleg og skaðleg áhrif á líffræðileg samfélög og efna- og eðlisfræðilegt umhverfi þeirra vegna mannlegrar starfsemi. Efna- og eðlisfræðilegar breytur víkja verulega frá skilgreindu bakgrunnsgildi, sbr. umhverfismörk í fylgiskjali með reglugerðinni.
e. ófullnægjandi ástand vatns utan þynningarsvæða fyrir losun efna frá mengandi starfsemi.
10.2 Meta má náttúrulegt ástand vatns út frá upprunalegri efna- og eðlis- eða vistfræðilegu ástandi þess eða annarra sambærilegra vatna.
10.3 Leiði eftirlit eða mælingar á umhverfisgæðum í ljós að ástand vatns fari hrakandi vegna mannlegrar starfsemi og hætta er á að það falli niður um flokk eða hafi fallið niður um flokk, sbr. 9. gr., skal skilgreina svæðið sem viðkvæmt vatnasvæði.
10.4 Leiði mælingar á umhverfisgæðum í ljós að efni, af náttúrulegum orsökum, séu í eða yfir þeim styrk þar sem áhrifa er að vænta á viðkvæmt lífríki hefur það ekki áhrif á flokkun í flokka A eða B. Hins vegar skal skilgreina viðkomandi vatn sem viðkvæmt fyrir losun þessara tilteknu efna.
11. gr. Viðhald náttúrulegs ástands vatns.
11.1 Aðgerðir sem nauðsynlegar eru til að ná megi markmiðum um að viðhalda náttúrulegu ástandi vatns, sbr. 3. mgr. 8. gr. eru:
| 1. | kortlagning viðkvæmra svæða og mengaðra svæða, | |
| 2. | kortlagning svæða sem skulu njóta sérstakrar verndar vegna sérstöðu eða nytja af ýmsu tagi, svo og vegna lífríkis, jarðmyndana eða útivistar, | |
| 3. | að gera aðgerðaáætlanir fyrir vernduð og viðkvæm svæði og m.a. með því að framfylgja starfsreglum um góða búskaparhætti og góða starfshætti við aðra starfsemi, svo og með almennum takmörkunum í skipulagsáætlunum, | |
| 4. | með því að beita frekari hreinsun skólps og frekari hreinsun við aðra losun í vatn. |
V. kafli Verndun neysluvatns.
12. gr. Verndun neysluvatns.
12.1 Sveitarstjórnir og heilbrigðisnefndir skulu grípa til sérstakra ráðstafana til að koma í veg fyrir að gæði vatns sem tekið er til neyslu og vatns sem kann að verða tekið síðar sem neysluvatn geti hrakað eða spillst. Þessar ráðstafanir felast m.a. í ákvörðun um verndarsvæði og setningu heilbrigðissamþykkta, sbr. 25. gr. laga nr. 7/1998 um hollustuhætti og mengunarvarnir, þar sem gerðar eru takmarkanir viðvíkjandi umferð, landnýtingu og meðferð og geymslu hættulegra efna innan verndarsvæðanna.
13. gr. Flokkun verndarsvæða.
13.1 Umhverfis hvert vatnsból skal ákvarða verndarsvæði sem skiptist í brunnsvæði, grannsvæði og fjarsvæði. Við skilgreiningu vatnsverndarflokkana skal taka mið af vatnafræðilegum, jarðfræðilegum og landfræðilegum aðstæðum á vatnasviði vatnsbólsins, mikilvægi þess og mengunarhættu.
I. flokkur. Brunnsvæði.
Brunnsvæði er næsta nágrenni vatnsbólsins. Það skal vera algjörlega friðað fyrir óviðkomandi umferð og framkvæmdum öðrum en þeim, sem nauðsynlegar eru vegna vatnsveitunnar. Heilbrigðisnefnd getur, þar sem þörf krefur, krafist þess að svæðið skuli girt mannheldri girðingu, sem sé minnst 5 metra frá vatnsbóli.
II. flokkur. Grannsvæði.
Utan við brunnsvæðið skal ákvarða grannsvæði vatnsbólsins og við ákvörðun stærðar þess og lögunar skal taka tillit til jarðvegsþekju svæðisins og grunnvatnsstrauma sem stefna að vatnsbólinu. Á þessu svæði skal banna notkun á hættulegum efnum og birgðageymslu slíkra efna. Hér er m.a. átt við olíu, bensín og skyld efni, salt, eiturefni til útrýmingar á skordýrum eða gróðri og önnur efni sem mengað geta grunnvatn, auk efna sem sérstaklega eru tilgreind í reglugerð um neysluvatn. Ekki skal leyfa nýjar byggingar, sumarbústaði eða þess háttar á svæðinu. Vegalagnir, áburðarnotkun og önnur starfsemi innan svæðisins skal vera undir ströngu eftirliti.
III. flokkur. Fjarsvæði.
Fjarsvæði er á vatnasvæði vatnsbólsins en liggur utan þess lands sem telst til I. og II. flokks verndarsvæðanna. Þar sem vitað er um sprungur eða misgengi á þessu svæði, skal fyllstu varúðar gætt í meðferð efna, sem talin eru upp í II. flokki. Stærri geymslur fyrir slík efni eru bannaðar á svæðinu. Heilbrigðisnefnd getur gefið út frekari fyrirmæli varðandi umferð á þessu svæði, svo og um byggingu sumarhúsa og annarra mannvirkja.
14. gr. Ráðstafanir vegna verndarsvæða.
14.1 Ráðstafanir á verndarsvæðum til verndar vatnsgæðum skulu ávallt miðast við ströngustu skilyrði sem gilda til viðhalds náttúrulegu ástandi vatns, sbr. 8.-11. gr., sbr. einnig reglugerð um varnir gegn olíumengun frá starfsemi á landi, reglugerð um varnir gegn mengun grunnvatns, reglugerð um fráveitur og skólp og reglugerð um varnir gegn mengun vatns af völdum köfnunarefnissambanda frá landbúnaði og öðrum atvinnurekstri, ásamt síðari breytingum. Sama á við um meðferð úrgangs.
14.2 Heilbrigðisnefnd er enn fremur heimilt að banna framkvæmdir, geymslu efna og úrgangs, geymslu og notkun tækja og búnaðar auk þess olíu-, efna- og úrgangsflutninga innan verndarsvæða vatnsbóla þar sem hætta er á að slíkt geti spillt vatninu. Verði ekki hjá slíkum flutningum komist skulu þeir fara fram á þeim tíma sólarhrings þegar umferð er minnst og þá með samþykki eftirlitsaðila. Í slíkum tilvikum skal liggja fyrir björgunaráætlun við mengunaróhöppum.
15. gr. Staðsetning og frágangur vatnsbóla.
15.1 Vatnsból skulu vera í öruggri fjarlægð frá mannvirkjum eða hvers konar starfsemi sem ætla má að geti spillt vatninu. Þess skal gætt að slík mannvirki eða starfsemi séu þannig staðsett að grunnvatnsborð halli ætíð frá vatnsbóli. Sama gildir um straumstefnu yfirborðsvatns, sem skal renna frá vatnsbóli.
15.2 Við gerð starfsleyfis fyrir vatnsveitu eða við ákvörðun um framkvæmdir á vatnsverndarsvæði skal umsækjandi starfsleyfis leggja fram mat um hvort hætta sé á að vatnsbólið spillist vegna nálægrar starfsemi eða umferðar. Við matið skal, eftir því sem við á, taka mið af vatnafræðilegum, jarðfræðilegum og landfræðilegum aðstæðum á vatnasviði vatnsbólsins, líklegum uppsprettum mengunar, mengunarálagi og mikilvægi vatnsbólsins.
15.3 Vanda skal frágang við borholustæði og fóðra borholur starfsleyfisskyldra vatnsveitna tryggilega til þess að hindra að yfirborðsvatn mengi vatnsbólið.
16. gr. Eftirlit með verndarsvæðum fyrir neysluvatn.
16.1 Um eftirlit með gæðum vatns í vatnsbólum og verndarsvæðum þeirra fer skv. reglugerð um neysluvatn. Heilbrigðisnefnd skal halda skrá yfir allar mælingar og fylgjast með þróun á ástandi vatnsgæða í tíma. Tryggja skal að a.m.k. hluti efnagreininga sé fullnægjandi að gæðum til að meta breytingar á styrk efna í tíma. Heilbrigðisnefnd hefur eftirlit með verndarsvæðum vatnsbóla og að farið sé að ráðstöfunum til verndar á vatnsgæðum. Niðurstöðu eftirlits með vatnsverndarsvæðum skal skrá á eftirlitsskýrslu.
VI. KAFLI Leyfisveitingar.
17. gr. Starfsleyfi.
17.1 Öll losun mengandi efna og skólps í vatn er óheimil án starfsleyfis. Í starfsleyfum skal þess krafist að gerðar séu viðeigandi ráðstafanir, m.a. með því að beita bestu fáanlegri tækni, til að koma í veg fyrir vatnsmengun. Jafnframt skal leitast við að nota þau efni sem skaða umhverfið sem minnst.
17.2 Í starfsleyfi skal setja losunarmörk um leyfilegan hámarksstyrk mengandi efna í fráveituvatni og/eða leyfilegt hámarksmagn yfir tilgreind tímabil eða á framleiðslueiningu.
17.3 Í starfsleyfum fyrirtækja sem losa mengandi efni í vatn sem talin eru upp í viðauka skulu losunarmörk vera í samræmi við það sem segir í A-lið í II. viðauka ef þau liggja fyrir. Gæta skal að reglugerðum sem gilda um tiltekinn atvinnurekstur sem losar efni í vatn og losunarmörk fyrir þau. Jafnframt skal miða við flokkun í 9. gr.
17.4 Undir eðlilegum kringumstæðum gilda losunarmörkin á þeim stað þar sem fráveituvatn sem inniheldur efnin er losað frá atvinnurekstrinum. Þó er heimilt í þeim tilvikum þar sem fráveituvatn er meðhöndlað í hreinsivirki á öðrum stað en við atvinnureksturinn að láta losunarmörkin gilda þar.
17.5 Tilvísunaraðferðir við greiningu tiltekinna efna í tengslum við tiltekinn atvinnurekstur eru í C-lið í II. viðauka. Heimilt er að nota aðrar aðferðir svo fremi að greiningarmörk, nákvæmni og hittni slíkra aðferða sé ekki lakari en í C-lið II. viðauka.
17.6 Í undantekningartilvikum er heimilt í stað ákvæða um losunarmörk að setja í starfsleyfi ákvæði um umhverfismörk eða gæðamarkmið í samræmi við ákvæði í B-liðum viðauka I og II og samkvæmt skilyrðum sem Umhverfisstofnun setur.
Fyrirtækjum sem fengið hafa starfsleyfi á grundvelli reglugerðar um starfsleyfi fyrir atvinnurekstur sem getur haft í för með sér mengun, hvort sem starfsleyfi er gefið út af Umhverfisstofnun eða heilbrigðisnefnd, ber að skila til Umhverfisstofnunar yfirliti um losun efna af lista III og IV í viðauka með reglugerðinni í viðkomandi vatnaumdæmi. Fyrirtæki mega skila þessum upplýsingum sem hluta af upplýsingagjöf sem fellur undir reglugerð um útstreymisbókhald ef við á.
18. gr. Þynningarsvæði.
18.1 Þegar stærð þynningarsvæðis er ákvörðuð skal taka mið af landfræðilegum aðstæðum og hæfni viðtaka til þess að þynna mengun.
18.2 Gæta skal að því að vistkerfi eða flokkun viðtakans í heild raskist ekki þegar þynningarsvæðið er ákvarðað.
VII. KAFLI Ýmis ákvæði.
19. gr. Áætlanir.
19.1 Með það að markmiði að draga úr mengun vatns af völdum efna á lista II í viðauka skulu heilbrigðisnefndir, í samráði við Umhverfisstofnun, gera tímasettar áætlanir þar að lútandi sem fela í sér tiltekin ákvæði um verndun vatns.
20. gr. Vatnsrannsóknir.
20.1 Umhverfisstofnun skipuleggur, hefur umsjón með og sér um að framkvæmd sé vöktun og úttektarrannsóknir á vatnsmengun, þar með töldum grunnvatnsrannsóknum.
Umhverfisstofnun skal sjá til þess að yfirlitsvöktun fari fram á eftirfarandi efnum í samræmi við ákvæði reglugerðar um flokkun vatnshlota, eiginleika þeirra, álagsgreiningu og vöktun:
- Á styrk þeirra efna í vatni sem losuð eru í yfirborðsvatn eða strandsjó og talin eru upp í lista III í viðauka með reglugerðinni og hafa verið losuð út í vatn á síðustu þremur árum.
- Á styrk þeirra efna í lífríki eða seti sem losuð eru í yfirborðsvatn eða strandsjó og talin eru upp í lista IV í viðauka með reglugerðinni og hafa verið losuð út í vatn á síðustu þremur árum og krafist hefur verið vöktunar á vegna losunar í vatn. Önnur efni í viðaukanum skal vakta á sama hátt á a.m.k. þriggja ára fresti.
21. gr. Yfirlitsskýrsla.
21.1 Umhverfisstofnun gefur á fjögurra ára fresti út yfirlitsskýrslu um stöðu og ástand mála hvað ástand vatns varðar, þ.m.t. næringarefnaauðgun í ferskvatni, árósum og strandsjó. Skýrslur þessar skulu vera samræmdar og m.a. byggðar á spurningareyðublöðum sem notuð eru á EES-svæðinu.
22. gr. Handbók.
22.1 Umhverfisstofnun skal gefa út handbók fyrir sveitarfélög um aðgerðaráætlanir og flokkun vatns, sbr. ákvæði þessarar reglugerðar og aðrar reglugerðir er varða vatn.
"Söfnun upplýsinga og skrá yfir losun efna í vatn" og orðast svo:
22.1 Umhverfisstofnun skal safna upplýsingum um starfsleyfi þar sem fram koma losunarmörk fyrir efni sem talin eru upp í reglugerð þessari.
22.2 Umhverfisstofnun skal halda skrá um losun þeirra efna sem talin eru upp í reglugerð þessari svo og niðurstöður mælinga sem gerðar hafa verið af eftirlitsaðilum til ákvörðunar á magni viðkomandi efna.
22.3 Taka skal mið af skráðri losun sbr. 2. mgr. við ákvörðun á efnum sem vakta skal samkvæmt reglugerð um flokkun vatnshlota, eiginleika þeirra, álagsgreiningu og vöktun.
22.4 Við mat á losun efna skal miða við eins árs tímabil milli áranna 2011 og 2013. Ef um er að ræða efni sem fellur undir reglugerð um notkun eiturefna og hættulegra efna í landbúnaði og garðyrkju og til útrýmingar meindýra má miða við þriggja ára tímabil frá árinu 2011 til ársins 2013.
22.5 Umhverfisstofnun skal með reglubundnum hætti leggja fram og birta endurskoðaðan lista yfir efni á vöktunaráætlun skv. reglugerð um flokkun vatnshlota, eiginleika þeirra, álagsgreiningu og vöktun. Endurskoðunin skal taka mið af listum yfir forgangsefni.
VIII. KAFLI Aðgangur að upplýsingum, þvingunarúrræði, viðurlög o.fl.
23. gr. Aðgangur að upplýsingum.
23.1 Um aðgang að upplýsingum fer samkvæmt lögum um upplýsingamiðlun og aðgang að upplýsingum um umhverfismál nr. 21/1993, upplýsingalögum nr. 50/1996 og lögum um hollustuhætti og mengunarvarnir nr. 7/1998.
24. gr. Þagnarskylda eftirlitsaðila.
24.1 Eftirlitsaðilar og aðrir sem starfa samkvæmt ákvæðum reglugerðar þessarar eru bundnir þagnarskyldu um atriði sem varða framleiðslu- og verslunarleynd. Sama gildir um atriði sem þeir fá vitneskju um og leynt skulu fara samkvæmt lögum eða eðli máls. Þagnarskyldan helst þótt látið sé af starfi.
24.2 Upplýsingar og tilkynningar eftirlitsaðila til fjölmiðla skulu vera efnislega rökstuddar og þess gætt að einstakar atvinnugreinar, stofnanir eða fyrirtæki bíði ekki tjón og álitshnekki að óþörfu.
25. gr. Valdsvið og þvingunarúrræði.
25.1 Til að knýja á um ráðstafanir samkvæmt reglugerð þessari skal fylgja þeim þvingunarúrræðum sem mælt er fyrir um í IX. kafla reglugerðar um mengunarvarnaeftirlit þegar við á. Annars gilda ákvæði VI. kafla laga um hollustuhætti og mengunarvarnir nr. 7/1998 um valdsvið og þvingunarúrræði.
26. gr. Viðurlög.
26.1 Brot gegn ákvæðum reglugerðar þessarar varða sektum hvort sem þau eru framin af ásetningi eða stórfelldu gáleysi. Sé um stórfelld eða ítrekuð ásetningsbrot að ræða skulu þau að auki varða fangelsi allt að fjórum árum.
26.2 Sektir má ákvarða lögaðila þó að sök verði ekki sönnuð á fyrirsvarsmenn eða starfsmenn hans eða aðra þá einstaklinga sem í þágu hans starfa, enda hafi brotið orðið eða getað orðið til hagsbóta fyrir lögaðilann.
X. KAFLI Lagastoð, gildistaka o.fl.
27. gr.
27.1 Reglugerð þessi er sett samkvæmt ákvæðum 5. gr. laga nr. 7/1998, um hollustuhætti og mengunarvarnir, og samkvæmt 9. gr. laga nr. 32/1986, um varnir gegn mengun sjávar. Jafnframt er reglugerðin sett að höfðu samráði við Samband íslenskra sveitarfélaga hvað varðar skyldur sveitarfélaga, sbr. ákvæði 3. mgr. 9. gr. laga nr. 7/1998.
27.2 Reglugerðin er sett með hliðsjón af tölul. 4, 12 og 2a og 13b XX. viðauka EES-samningsins, (tilskipun ráðsins 76/464/EBE og tilskipun ráðsins 86/280/EBE, sbr. 88/347/EBE og 90/415/EBE, tilskipun 91/692/EBE og ákvörðun 92/446/EBE, sbr. 95/337/EB).
27.3 Reglugerðin öðlast gildi við birtingu.
Ákvæði til bráðabirgða.
Flokkun vatns í samræmi við 8. gr., sbr. 9. og 10. gr. reglugerðarinnar, skal vera lokið innan 4 ára frá gildistöku reglugerðarinnar. Þar til skal miða við gildandi flokkun.
Fylgiskjal.
Fylgiskjal.
Umhverfismörk fyrir ástand vatns.
Beita má sömu litum við litamerkingu við kortlagningu á styrk einstakra efna eftir umhverfismörkum (I - V) og notaðir eru fyrir flokkun vatns (A - E, sbr. gr. 9.1).
Umhverfismörk skulu falla innan tiltekinna bila í a.m.k. 90% tilfella nema að annað sé tiltekið.
A. Umhverfismörk fyrir örverumengun í yfirborðsvatni vegna útivistar.
Saurmengun:
Umhverfismörk I: Mjög lítil eða engin saurmengun.
Umhverfismörk II: Lítil saurmengun.
Umhverfismörk III: Nokkur saurmengun.
Umhverfismörk IV: Mikil saurmengun.
Umhverfismörk V: Ófullnægjandi ástand vatns/þynningarsvæði.
| Umhverfismörk Tegund/fjöldi per 100 ml | I | II | III | IV | V |
| Saurkólígerlar eða saurkokkar | <14* | 14-100 | 100-200 | 200-1000 | >1000 |
*Saurgerlar mega í 10% tilvika fara upp í 43/100 ml
B. Umhverfismörk fyrir málma í yfirborðsvatni til verndar lífríki.
Málmar í vatni:
Umhverfismörk I: Mjög lítil eða engin hætta á áhrifum.
Umhverfismörk II: Lítil hætta á áhrifum.
Umhverfismörk III: Áhrifa að vænta á viðkvæmt lífríki.
Umhverfismörk IV: Áhrifa að vænta.
Umhverfismörk V: Ávallt ófullnægjandi ástand vatns fyrir lífríki/þynningarsvæði.
| Umhverfismörk Málmar/ styrkur: µg/l | I | II | III | IV | V |
| Kopar | 0,5 | 0,5-3 | 3-9 | 9-45 | >45 |
| Zink | 5 | 5-20 | 20-60 | 60-300 | >300 |
| Kadmíum | 0,01 | 0,01-0,1 | 0,1-0,3 | 0,3-1,5 | >1,5 |
| Blý | 0,2 | 0,2-1 | 1-3 | 3-15 | >15 |
| Króm | 0,3 | 0,3-5 | 5-15 | 15-75 | >75 |
| Nikkel | 0,7 | 0,7-15 | 15-45 | 45-225 | >225 |
| Arsenik | 0,4 | 0,4-5 | 5-15 | 15-75 | >75 |
Umhverfismörk fyrir málma í sjávarseti hér við land.
Byggt á niðurstöðum um 55 til 70 mælinga á seti.
Umhverfismörk I: Mjög lág gildi (25% mældra gilda innan þessara marka).
Umhverfismörk II: Lág gildi (75% mældra gilda innan þessara marka og lægri).
Umhverfismörk III: Efri mörk náttúrulegra gilda (meira en 95% umhverfisgilda innan þessara marka og lægri). Mörkin svara til 5 sinnum miðgildis umhverfisgilda.
Umhverfismörk IV: Há gildi (25 sinnum miðgildi umhverfisgilda).
Umhverfismörk V: Mjög há gildi (50 sinnum miðgildi umhverfisgilda).
| Umhverfismörk Málmar/styrkur í mg/kg þurrefnis | I | II | III | IV | V |
| Cu | 40 | 40-70 | 70-250 | 260-1300 | >1300 |
| Zn | 60 | 60-110 | 110-340 | 340-1700 | >1700 |
| Cd | 0,11 | 0,11-0,3 | 0,3-1 | 1-4,5 | >4,5 |
| Pb | 6 | 6-15 | 15-50 | 50-230 | >230 |
| Hg | 0,02 | 0,02-0,1 | 0,1-2 | 2-8 | >8 |
| Cr | 100 | 100-150 | 150-500 | 500-2500 | >2500 |
| Ni | 22 | 22-40 | 40-125 | 125-650 | >650 |
| As | 8 | 8-18 | 18-55 | 55-270 | >270 |
C. Umhverfismörk fyrir næringarefni og lífræn efni í vatni til verndar lífríki.
| Næringarefni/lífræn efni í stöðuvötnum: | ||
| Umhverfismörk I | Næringarfátækt (oligotrophy). | |
| Umhverfismörk II | Lágt næringarefnagildi (oligo-/mesotrophy). | |
| Umhverfismörk III | Næringarefnaríkt (meso-/eutrophy). | |
| Umhverfismörk IV | Næringarefnaauðugt. | |
| Umhverfismörk V | Ofauðugt (hypertrophy). |
| Umhverfismörk Efni/magn | I | II | III | IV | V |
| Heildarfosfór (mg P/l) | |||||
| Grunn vötn: | <0,02 | 0,02-0,04 | 0,04-0,09 | 0,09-0,15 | >0,15 |
| Djúp vötn: | <0,01 | 0,01-0,03 | 0,03-0,05 | 0,05-0,1 | >0,1 |
| Heildar- | |||||
| köfnunarefni | <0,3 | 0,3-0,75 | 0,75-1,5 | 1,5-2,5 | >2,5 |
| (mg N/l) Blaðgræna a (µg/l) | |||||
| Grunn vötn: | <8 | 8-15 | 15-30 | 30-45 | >45 |
| Djúp vötn | <2 | 2-5 | 5-10 | 10-25 | >25 |
COD, BOD, TOC og ammóníak, sjá fyrir ár.
Næringarefni/lífræn efni í ám:
| Umhverfismörk I | Næringarfátækt (oligotrophy). | |
| Umhverfismörk II | Lágt næringarefnagildi (oligo-/mesotrophy). | |
| Umhverfismörk III | Næringarefnaríkt (meso-/eutrophy). | |
| Umhverfismörk IV | Næringarefnaauðugt (eutrophy). | |
| Umhverfismörk V | Ofauðugt (hypertrophy). |
| Umhverfismörk Efni/magn | I | II | III | IV | V |
| BOD | <1,5 | 1,5-3 | 3-6 | 6-10 | >10 |
| COD | <3 | 3-10 | 10-20 | 20-30 | >30 |
| TOC mg O2/l | <1,5 | 1,5-3 | 3-6 | 6-10 | >10 |
| Ammóníak NH3 mg/l | <0,01 | <0,025 | <0,10 | <0,25 | >0,25 |
| Uppl. fosfat PO4-P mg/l | <0,01 | <0,02 | <0,05 | <0,10 | >0,10 |
| Heildarfosfór mg P/l | <0,02 | <0,04 | <0,09 | <0,15 | >0,15 |
| Heildarköfnunarefni mg N/l | <0,3 | 0,3-0,75 | 0,75-1,5 | >1,5 | >2,5 |
Viðauki
VIÐAUKI Varnir gegn vatnsmengun.
Listar yfir flokka efna og efnasambanda.
LISTI I
Á lista I eru efni sem tilheyra eftirfarandi efnaflokkum og hafa einkum verið valin á grundvelli eiturvirkni þeirra, þrávirkni og uppsöfnunar í lífverum, að undanskildum þeim efnum sem eru líffræðilega óskaðleg eða breytast fljótt í efni sem eru líffræðilega óskaðleg:
| 1. | Lífræn halógensambönd og efni sem geta myndað slík sambönd í vatni. |
| 2. | Lífræn fosfórsambönd. |
| 3. | Lífræn tinsambönd. |
| 4. | Efni í vatni sem sannað hefur verið að geti valdið krabbameini eða fyrir milligöngu þess1). |
| 5. | Kvikasilfur og sambönd þess. |
| 6. | Kadmíum og sambönd þess. |
| 7. | Þrávirkar jarðolíur og kolvetni af jarðolíuuppruna. |
| 8. | Þrávirk gerviefni sem geta flotið, marað í kafi eða sokkið og kunna að raska hvers kyns notkun vatns. |
1) Í þeim tilvikum sem tiltekin efni á lista II eru krabbameinsvaldandi teljast þau til 4. flokks lista I.
LISTI II
Á lista II eru:
a. efni sem tilheyra efnaflokkum sem eru á lista I, þar sem losunarmörk, sbr. 12. gr., hafa ekki verið ákvörðuð,
b. tiltekin efni og hópar efna sem tilheyra þeim efnaflokkum sem eru taldir upp í listanum hér að neðan, og hafa hættuleg áhrif á umhverfi vatnsins, sem kunna þó að vera svæðisbundin og háð einkennum og staðsetningu þess vatns sem þau eru losuð í.
Efnaflokkar sem um getur í II b:
| 1. | Eftirfarandi málmleysingjar og málmar og sambönd þeirra. |
| 1. sink | 6. selen | 11. tin | 16. vanadíum | |
| 2. kopar | 7. arsen | 12. baríum | 17. kóbalt | |
| 3. nikkel | 8. antímon | 13. beryllíum | 18. þallíum | |
| 4. króm | 9. mólýbden | 14. bór | 19. tellúr | |
| 5. blý | 10. títan | 15. úran | 20. silfur |
| 2. | Ósérhæfð drepandi efni og afleiður þeirra sem eru ekki á lista I. |
| 3. | Efni sem hafa skaðleg áhrif á bragð og/eða lykt af vörum sem eru upprunnar í vatninu og nýttar eru til manneldis, og sambönd sem hætt er við að stuðli að myndun slíkra efna í vatni. |
| 4. | Eitruð, þrávirk og lífræn kísilsambönd eða efni sem geta stuðlað að myndun slíkra sambanda í vatni, að undanskildum þeim sem eru líffræðilega óskaðleg eða breytast fljótt í skaðlaus efni í vatni. |
| 5. | Ólífræn fosfórsambönd eða frumefnið fosfór. |
| 6. | Óþrávirkar jarðolíur og kolvetni úr jarðolíu. |
| 7. | Blásýrusambönd, flúorsambönd. |
| 8. | Efni sem hafa skaðleg áhrif á súrefnisjafnvægi, einkum þó: ammóníak og nítrítsambönd. |
Listi III
Umhverfisgæðakröfur fyrir forgangsefni og tiltekin önnur mengunarefni.
A-hluti: Umhverfisgæðakröfur (UGK)
ÁM: Ársmeðaltal.
LHS: Leyfilegur hámarksstyrkur
Eining: [μg/l] fyrir dálk 4 til 7
[μg/kg blautvigt] fyrir dálk 8
| (1) | (2) | (3) | (4) | (5) | (6) | (7) | (8) | (9) |
| Nr. | Heiti efnis | CAS-númer (1) | ÁM-UGK (2) Yfirborðsvatn á landi (3) | ÁM-UGK (2) Annað yfirborðsvatn | LHS-UGK (4) Yfirborðsvatn á landi (3) | LHS-UGK (4) Annað yfirborðsvatn | UGK Lífríki (12) | Yfirlitsvöktunar krafist (15) |
| (1) | Alaklór | 15972-60-8 | 0,3 | 0,3 | 0,7 | 0,7 | - | |
| (2) | Antrasen | 120-12-7 | 0,1 | 0,1 | 0,1 | 0,1 | - | |
| (3) | Atrasín | 1912-24-9 | 0,6 | 0,6 | 2,0 | 2,0 | - | |
| (4) | Bensen | 71-43-2 | 10 | 8 | 50 | 50 | - | |
| (5) | Brómaðir dífenýletrar (5) | 32534-81-9 | 0,14 | 0,014 | 0,0085 | + | ||
| (6) | Kadmíum og efnasambönd þess (fer eftir vatnshörkuflokkum) (6) | 7440-43-9 | ≤ 0,08 (Flokkur 1) 0,08 (Flokkur 2) 0,09 (Flokkur 3) 0,15 (Flokkur 4) 0,25 (Flokkur 5) | 0,2 | ≤ 0,45 (Flokkur 1) 0,45 (Flokkur 2) 0,6 (Flokkur 3) 0,9 (Flokkur 4) 1,5 (Flokkur 5) | ≤ 0,45 (Flokkur 1) 0,45 (Flokkur 2) 0,6 (Flokkur 3) 0,9 (Flokkur 4) 1,5 (Flokkur 5) | - | |
| (6a) | Kolefnistetraklóríð (7) | 56-23-5 | 12 | 12 | á ekki við | á ekki við | - | |
| (7) | C10-13-klóralkön (8) | 85535-84-8 | 0,4 | 0,4 | 1,4 | 1,4 | - | |
| (8) | Klórfenvinfos | 470-90-6 | 0,1 | 0,1 | 0,3 | 0,3 | + | |
| (9) | Klórpýrifos (klórpýrifosetýl) | 2921-88-2 | 0,03 | 0,03 | 0,1 | 0,1 | + |
| (1) | (2) | (3) | (4) | (5) | (6) | (7) | (8) | (9) |
| Nr. | Heiti efnis | CAS-númer (1) | ÁM-UGK (2) Yfirborðsvatn á landi (3) | ÁM-UGK (2) Annað yfirborðsvatn | LHS-UGK (4) Yfirborðsvatn á landi (3) | LHS-UGK (4) Annað yfirborðsvatn | UGK Lífríki (12) | Yfirlitsvöktunar krafist (15) |
| (9a) | Sýklódíenvarnarefni: Aldrín (7) Díeldrín (7) Endrín (7) Ísódrín (7) | 309-00-2 60-57-1 72-20-8 465-73-6 | Σ = 0,01 | Σ = 0,005 | á ekki við | á ekki við | - | |
| (9b) | Heildar-DDT (7), (9) | á ekki við | 0,025 | 0,025 | á ekki við | á ekki við | - | |
| para-para-DDT (7) | 50-29-3 | 0,01 | 0,01 | á ekki við | á ekki við | - | ||
| (10) | 1,2-díklóretan | 107-06-2 | 10 | 10 | á ekki við | á ekki við | - | |
| (11) | Díklórmetan | 75-09-2 | 20 | 20 | á ekki við | á ekki við | - | |
| (12) | Dí(2-etýlhexýl)þalat (DEHP) | 117-81-7 | 1,3 | 1,3 | á ekki við | á ekki við | - | |
| (13) | Díúrón | 330-54-1 | 0,2 | 0,2 | 1,8 | 1,8 | - | |
| (14) | Endósúlfan | 115-29-7 | 0,005 | 0,0005 | 0,01 | 0,004 | - | |
| (15) | Flúoranten | 206-44-0 | 0,0063 | 0,0063 | 0,12 | 0,12 | 30 | - |
| (16) | Hexaklórbensen | 118-74-1 | 0,05 | 0,05 | 10 | - | ||
| (17) | Hexaklórbútadíen | 87-68-3 | 0,6 | 0,6 | 55 | - | ||
| (18) | Hexaklórsýklóhexan | 608-73-1 | 0,02 | 0,002 | 0,04 | 0,02 | - | |
| (19) | Ísóprótúrón | 34123-59-6 | 0,3 | 0,3 | 1,0 | 1,0 | - | |
| (20) | Blý og efnasambönd þess | 7439-92-1 | 1,2 (13) | 1,3 | 14 | 14 | + | |
| (21) | Kvikasilfur og efnasambönd þess | 7439-97-6 | 0,07 | 0,07 | 20 | - | ||
| (22) | Naftalín | 91-20-3 | 2 | 2 | 130 | 130 | - |
| (1) | (2) | (3) | (4) | (5) | (6) | (7) | (8) | (9) |
| Nr. | Heiti efnis | CAS-númer (1) | ÁM-UGK (2) Yfirborðsvatn á landi (3) | ÁM-UGK (2) Annað yfirborðsvatn | LHS-UGK (4) Yfirborðsvatn á landi (3) | LHS-UGK (4) Annað yfirborðsvatn | UGK Lífríki (12) | Yfirlitsvöktunar krafist (15) |
| (23) | Nikkel og efnasambönd þess | 7440-02-0 | 4 (13) | 8,6 | 34 | 34 | - | |
| (24) | Nónýlfenól (4-nónýlfenól) | 84852-15-3 | 0,3 | 0,3 | 2,0 | 2,0 | - | |
| (25) | Oktýlfenól ((4-(1,1′,3,3′tetrametýlbútýl)fenól)) | 140-66-9 | 0,1 | 0,01 | á ekki við | á ekki við | - | |
| (26) | Pentaklórbensen | 608-93-5 | 0,007 | 0,0007 | á ekki við | á ekki við | - | |
| (27) | Pentaklórfenól | 87-86-5 | 0,4 | 0,4 | 1 | 1 | - | |
| (28) | Fjölarómatísk vetniskolefni (PAH) (11) | á ekki við | á ekki við | á ekki við | á ekki við | á ekki við | - | |
| Bensó(a)pýren | 50-32-8 | 1,7 × 10–4 | 1,7 × 10-4 | 0,27 | 0,027 | 5 | + | |
| Bensó(b)flúoranten | 205-99-2 | Sjá 11. nmgr. | Sjá 11. nmgr. | 0,017 | 0,017 | Sjá 11. nmgr. | + | |
| Bensó(k)flúoranten | 207-08-9 | Sjá 11. nmgr. | Sjá 11. nmgr. | 0,017 | 0,017 | Sjá 11. nmgr. | - | |
| Bensó(g,h,i)perýlen | 191-24-2 | Sjá 11. nmgr. | Sjá 11. nmgr. | 8,2 × 10-3 | 8,2 × 10-4 | Sjá 11. nmgr. | - | |
| Indenó(1,2,3cd)pýren | 193-39-5 | Sjá 11. nmgr. | Sjá 11. nmgr. | á ekki við | á ekki við | Sjá 11. nmgr. | - | |
| (29) | Símasín | 122-34-9 | 1 | 1 | 4 | 4 | - | |
| (29a) | Tetraklóretýlen (7) | 127-18-4 | 10 | 10 | á ekki við | á ekki við | + | |
| (29b) | Tríklóretýlen (7) | 79-01-6 | 10 | 10 | á ekki við | á ekki við | - | |
| (30) | Tríbútýltinsambönd (tríbútýltin-plúsjón) | 36643-28-4 | 0,0002 | 0,0002 | 0,0015 | 0,0015 | + | |
| (1) | (2) | (3) | (4) | (5) | (6) | (7) | (8) | (9) |
| Nr. | Heiti efnis | CAS-númer (1) | ÁM-UGK (2) Yfirborðsvatn á landi (3) | ÁM-UGK (2) Annað yfirborðsvatn | LHS-UGK (4) Yfirborðsvatn á landi (3) | LHS-UGK (4) Annað yfirborðsvatn | UGK Lífríki (12) | Yfirlitsvöktunar krafist (15) |
| (31) | Tríklórbensen | 12002-48-1 | 0,4 | 0,4 | á ekki við | á ekki við | - | |
| (32) | Tríklórmetan | 67-66-3 | 2,5 | 2,5 | á ekki við | á ekki við | - | |
| (33) | Tríflúralín | 1582-09-8 | 0,03 | 0,03 | á ekki við | á ekki við | - | |
| (34) | Díkófól | 115-32-2 | 1,3 × 10-3 | 3,2 × 10-5 | Á ekki við (10) | Á ekki við (10) | 33 | - (16) |
| (35) | Perflúoroktansúlfónsýra og afleiður hennar (PFOS) | 1763-23-1 | 6,5 × 10-4 | 1,3 × 10-4 | 36 | 7,2 | 9,1 | - (16) |
| (36) | Kínoxýfen | 124495-18-7 | 0,15 | 0,015 | 2,7 | 0,54 | - (16) | |
| (37) | Díoxín og díoxínlík efnasambönd | Sjá 10. neðanmálsgrein í X. viðauka við tilskipun 2000/60/EB | á ekki við | á ekki við | Summa PCDD+PCDF +PCB-DL 0,0065 μg.kg–1 TEQ (eitur- jafngildi) (14) | - (16) | ||
| (38) | Aklónífen | 74070-46-5 | 0,12 | 0,012 | 0,12 | 0,012 | - (16) | |
| (39) | Bífenox | 42576-02-3 | 0,012 | 0,0012 | 0,04 | 0,004 | - (16) | |
| (40) | Sýbútrín | 28159-98-0 | 0,0025 | 0,0025 | 0,016 | 0,016 | - (16) | |
| (41) | Sýpermetrín | 52315-07-8 | 8 × 10-5 | 8 × 10-6 | 6 × 10-4 | 6 × 10-5 | - (16) | |
| (42) | Díklórvos | 62-73-7 | 6 × 10-4 | 6 × 10-5 | 7 × 10-4 | 7 × 10-5 | - (16) | |
| (43) | Hexabrómsýklódódekan (HBCDD) | Sjá 11. neðanmálsgrein í X. viðauka við tilskipun 2000/60/EB | 0,0016 | 0,0008 | 0,5 | 0,05 | 167 | - (16) |
| (44) | Heptaklór og heptaklórepoxíð | 76-44- 8/1024-57-3 | 2 × 10-7 | 1 × 10-8 | 3 × 10-4 | 3 × 10-5 | 6,7 × 10-3 | - (16) |
| (45) | Terbútrín | 886-50-0 | 0,065 | 0,0065 | 0,34 | 0,034 | - (16) |
(1) CAS: Upplýsingaþjónusta um efni (e. Chemical Abstracts Service).
(2) Þessi breyta er umhverfisgæðakrafan, sem er sett fram sem ársmeðalgildi (ÁM-UGK). Ef annað er ekki tekið fram gildir hún um heildarstyrk allra hverfna.
(3) Yfirborðsvatn á landi tekur til áa og vatna og tengdra, manngerðra eða mikið breyttra vatnshlota.
(4) Þessi breyta er umhverfisgæðakrafan, sett fram sem leyfilegur hámarksstyrkur (LHS-UGK). Ef merkt er við LHS-UGK með „á ekki við“ teljast gildin fyrir ÁM-UGK verndandi gegn skammvinnum mengunartoppum frá stöðugri sleppingu þar eð þau eru umtalsvert lægri en gildin sem reiknuð eru á grundvelli bráðra eiturhrifa.
(5) Að því er varðar hóp forgangsefna sem falla undir brómaða dífenýletra (nr. 5) vísar umhverfisgæðakrafan til summu styrks efnamynda nr. 28, 47, 99, 100, 153 og 154.
(6) Að því er varðar kadmíum og efnasambönd þess (nr. 6) eru gildi umhverfisgæðakrafna breytileg eftir hörku vatnsins sem skipt er í fimm flokka: (Flokkur 1: < 40 mg CaCO3/l, flokkur 2: 40 til < 50 mg CaCO3/l, flokkur 3: 50 til < 100 mg CaCO3/l, flokkur 4: 100 til < 200 mg CaCO3/l og flokkur 5: ≥ 200 mg CaCO3/l).
(7) Þetta efni er ekki forgangsefni heldur eitt hinna mengunarefnanna þar sem umhverfisgæðakröfurnar eru nákvæmlega eins og þær sem mælt er fyrir um í löggjöfinni sem var í gildi fyrir 13. janúar 2009.
(8) Ekki er gefinn upp neinn vísir fyrir þennan flokk efna. Skilgreina skal vísi eða vísa með greiningaraðferðinni.
(9) Heildarmagn DDT felur í sér summu hverfnanna 1,1,1-tríklór-2,2-bis-(p-klórfenýl)etan (CAS-númer 50-29-3, ESB-númer 200-0243), 1,1,1-tríklór-2-(o-klórfenýl)-2-(p-klórfenýl)etan (CAS-númer 789-02-6, ESB-númer 212-332-5), 1,1-díklór-2,2-bis-(p-klórfenýl)etýlen (CAS-númer 72-55-9, ESB-númer 200-784-6) og 1,1-díklór-2,2-bis-(p-klórfenýl)etan (CAS-númer 72-54-8, ESB-númer 200-783-0).
(10) Ekki liggja fyrir fullnægjandi upplýsingar til að hægt sé að ákvarða LHS-UGK fyrir þessi efni.
(11) Að því er varðar flokk forgangsefna sem teljast til fjölarómatískra vetniskolefna (PAH) (nr. 28) vísar umhverfisgæðakrafan fyrir lífverur og samsvarandi ÁM-UGK í vatni til styrks bensó[a]pýrens, en þau byggjast á eiturhrifum þess. Líta má á bensó[a]pýren sem markefni fyrir önnur fjölarómatísk vetniskolefni og þ.a.l. þarf einungis að vakta bensó[a]pýren til samanburðar við umhverfisgæðakröfuna fyrir lífverur eða samsvarandi ÁM-UGK í vatni.
(12) Umhverfisgæðakröfur fyrir lífverur vísa til fisks nema annað sé tekið fram. Vakta má aðra flokkunareiningu lífvera eða annað fylki í staðinn, svo fremi sem umhverfisgæðakrafan sem beitt er veiti sambærilega vernd. Að því er varðar efni númer 15 (flúoranten) og 28 (fjölarómatísk vetniskolefni) vísar umhverfisgæðakrafan fyrir lífverur til krabbadýra og lindýra. Ekki er viðeigandi að vakta flúoranten og fjölarómatísk vetniskolefni í fiski í þeim tilgangi að meta efnafræðilegt ástand. Að því er varðar efni nr. 37 (díoxín og díoxínlík efnasambönd) vísar umhverfisgæðakrafan fyrir lífverur til fisks, krabbadýra og lindýra, í samræmi við lið 5.3 í viðaukanum við reglugerð framkvæmdastjórnarinnar (ESB) nr. 1259/2011 frá 2. desember 2011 um breytingu á reglugerð (EB) nr. 1881/2006 að því er varðar hámarksgildi fyrir díoxín, PCB-efni, sem líkjast díoxíni, og PCB-efni, sem ekki líkjast díoxíni, í matvælum.
(13) Þessar umhverfisgæðakröfur vísa til lífaðgengilegs styrks efnanna.
(14) PCDD-efni: fjölklóruð díbensó-p-díoxín, PCDF-efni: fjölklóruð díbensófúrön, PCB-DL-efni: díoxínlík fjölklóruð bífenýl; TEQ:
eiturjafngildi samkvæmt eiturjafngildisstuðlum Alþjóðaheilbrigðismálastofnunarinnar frá 2005.
(15) Samkvæmt kröfum í reglugerð um flokkun vatnshlota, eiginleika þeirra, álagsgreiningu og vöktun.
(16) Ekki búið að taka ákvörðun um vöktun.
B-hluti: Beiting umhverfisgæðakrafnanna sem eru settar fram í a-hluta.
1. Í 4. og 5. dálki töflunnar: Notkun umhverfisgæðakrafna sem ársmeðaltöl (ÁM-UGK) fyrir tiltekið yfirborðsvatnshlot þýðir að fyrir hvern dæmigerðan vöktunarstað innan vatnshlotsins er meðaltal styrksins, sem mældur er á mismunandi tíma árs, ekki hærra en sem nemur gildinu fyrir umhverfisgæðakröfuna.
Útreikningur meðaltalsins, greiningaraðferðin, sem notuð er, og sú aðferð, sem notuð er í tengslum við umhverfisgæðakröfuna, ef engin viðeigandi greiningaraðferð stenst lágmarkskröfur um nothæfisviðmiðun, verður að vera í samræmi við framkvæmdargerðir um samþykkt tækniforskrifta varðandi efnafræðilega vöktun og gæði niðurstaðna greininga í samræmi við reglugerð um flokkun vatnshlota, eiginleika þeirra, álagsgreiningu og vöktun.
2. Dálkar 6 og 7 í töflunni: Notkun umhverfisgæðakrafna sem leyfilegs hámarksstyrks (LHSUGK) fyrir tiltekið yfirborðsvatnshlot þýðir að mældur styrkur við hvern dæmigerðan vöktunarstað innan vatnshlotsins er ekki meiri en sem nemur gildinu fyrir umhverfisgæðakröfuna.
Þó er heimilt, í samræmi við lið 1.3.4 í III. viðauka við reglugerð um flokkun vatnshlota, eiginleika þeirra, álagsgreiningu og vöktun, að innleiða tölfræðiaðferðir, t.d. útreikning hundraðshlutamarks, til að tryggja viðunandi öryggis- og nákvæmnisstig við ákvörðun á því hvort farið sé að umhverfisgæðakröfum fyrir leyfilegan hámarksstyrk (LHS-UGK).
3. Umhverfisgæðakröfur fyrir vatn sem mælt er fyrir um í þessum viðauka eru settar fram sem heildarstyrkur í öllu vatnssýninu. Þrátt fyrir 1. málsl., að því er varðar kadmíum, blý, kvikasilfur og nikkel (hér á eftir nefnd „málmar“), vísa umhverfisgæðakröfurnar fyrir vatn til uppleysts styrks, þ.e. uppleysts fasa vatnssýnis sem er fengið með síun gegnum 0,45 μm síu eða jafngildri formeðhöndlun eða, sé það sérstaklega tekið fram, til lífaðgengilegs styrks.
Við mat á niðurstöðum vöktunar m.t.t. viðeigandi umhverfisgæðakrafna má taka tillit til eftirfarandi atriða:
a) náttúrulegs bakgrunnsstyrks málma og efnasambanda þeirra, ef slíkur styrkur kemur í veg fyrir að umhverfisgæðakröfur séu uppfylltar,
b) hörku, pH-gildis, uppleysts, lífræns kolefnis eða annarra vatnsgæðaþátta sem hafa áhrif á lífaðgengileika málma en lífaðgengilegur styrkur er ákvarðaður með viðeigandi lífaðgengilíkönum.
Viðauki II
VIÐAUKI II
Listi IV
Umhverfismörk í lífríki og setlögum:
| Efnaheiti (CAS nr.) | Umhverfisgæðamörk * (µg/kg) ** | Yfirlitsvöktunar krafist *** |
| Hexaklórbensen (118-74-1) | 10 | - |
| Hexaklórbútadíen (87-68-3) | 55 | - |
| Kvikasilfur (7439-97-6) og kvikasilfurssambönd | 20 | + |
| Tríbútýltin sambönd (katjón) (36643-28-4) | - | + |
* Hæsti leyfilegi styrkur.
** Miðað við blautvigt og valið sýni úr mest viðeigandi lífveru meðal fiska, lindýra, krabbadýra og e.t.v. annarra.
*** Samkvæmt kröfum í reglugerð um flokkun vatnshlota, eiginleika þeirra, álagsgreiningu og vöktun.