Dómstólaleit

Lagasafn.  Íslensk lög 1. október 2009.  Útgáfa 137.  Prenta í tveimur dálkum.

---

Lög um iðnaðarmálagjald

Lög nr. 134/1993

---

Ferill málsins á Alþingi.    Frumvarp til laga.

Tóku gildi 7. janúar 1994; komu til framkvæmda skv. fyrirmælum í 4. gr.

Breytt með l. 81/1996 (tóku gildi 19. júní 1996), l. 129/2004 (tóku gildi 31. des. 2005) og l. 21/2009 (tóku gildi 27. mars 2009).

---

■ 1. gr.4 Leggja skal 0,08% gjald, iðnaðarmálagjald, á allan iðnað í landinu eins og hann er skilgreindur í 2. gr. Skal gjaldstofn þess vera velta skv. 11. gr. laga um virðisaukaskatt að meðtalinni veltu sem undanþegin er virðisaukaskatti skv. 12. gr. þeirra laga.
□ … ¹⁾
□ 2 Um álagningu og innheimtu iðnaðarmálagjalds fer samkvæmt ákvæðum VIII.–XIV. kafla laga um tekjuskatt … ²⁾ eftir því sem við á.
□ Í ríkissjóð skal renna 0,5% af innheimtu iðnaðarmálagjalds skv. 1. mgr. vegna kostnaðar ríkissjóðs við innheimtu þess.
□ Iðnaðarmálagjald má draga frá tekjum þess rekstrarárs þegar stofn til þess myndaðist.
    ¹⁾L. 81/1996, 1. gr. ²⁾L. 129/2004, 102. gr.
■ 2. gr.2 [Til iðnaðar telst öll starfsemi sem fellur undir atvinnugreinanúmer sem upp eru talin í viðauka við lög þessi. ¹⁾
□ 1 Undanþegin gjaldinu eru fyrirtæki sem að öllu leyti eru í eign opinberra aðila, svo og fyrirtæki sem stofnuð eru samkvæmt sérstökum lögum til að vera eign opinberra aðila að verulegu leyti nema annars sé getið í þeim lögum.] ^{2)
    1)}Sjá Stjtíð. A 1996, bls. 263–264. ²⁾L. 81/1996, 2. gr.
■ 3. gr.3 Tekjur af iðnaðarmálagjaldi renna til Samtaka iðnaðarins. Tekjunum skal varið til þess að vinna að eflingu iðnaðar og iðnþróunar í landinu. Þau skulu senda iðnaðarráðuneytinu árlega skýrslu um ráðstöfun andvirðis teknanna.
■ 4. gr. Lög þessi öðlast þegar gildi. …

[Viðauki.
□ Til iðnaðar skv. 1. mgr. 2. gr. skulu teljast eftirtaldar atvinnugreinar samkvæmt Íslenskri atvinnugreinaflokkun, ÍSAT2008:

05	Kolanám.
06	Vinnsla á hráolíu og jarðgasi.
07	Málmnám og málmvinnsla.
08	Nám og vinnsla annarra hráefna úr jörðu.
09	Þjónustustarfsemi við námuvinnslu.
Úr 10	Matvælaframleiðsla.
10.20.4	Framleiðsla lagmetis úr fiskafurðum, krabbadýrum og lindýrum.
10.3	Vinnsla ávaxta og grænmetis.
10.42	Framleiðsla á smjörlíki og svipaðri feiti til manneldis.
10.6	Framleiðsla á kornvöru, mjölva og mjölvavöru.
10.7	Framleiðsla á bakarís- og mjölkenndum vörum.
10.8	Framleiðsla á öðrum matvælum.
10.9	Fóðurframleiðsla.
11	Framleiðsla á drykkjarvörum.
12	Framleiðsla á tóbaksvörum.
13	Framleiðsla á textílvörum.
14	Fatagerð.
15	Framleiðsla á leðri og leðurvörum.
16	Framleiðsla á viði, viðarvörum og korki, önnur en húsgagnagerð; framleiðsla á vörum úr hálmi og fléttuefnum.
17	Framleiðsla á pappír og pappírsvöru.
18	Prentun og fjölföldun upptekins efnis. Þó ekki 18.20.0, fjölföldun upptekins efnis.
19	Framleiðsla á koksi og hreinsuðum olíuvörum.
20	Framleiðsla á efnum og efnavörum.
21	Framleiðsla á lyfjum og efnum til lyfjagerðar.
22	Framleiðsla á gúmmí- og plastvörum.
23	Framleiðsla á vörum úr málmlausum steinefnum.
24	Framleiðsla málma.
25	Framleiðsla á málmvörum, að undanskildum vélum og búnaði.
26	Framleiðsla á tölvu-, rafeinda- og optískum vörum.
27	Framleiðsla á rafbúnaði og heimilistækjum.
28	Framleiðsla á öðrum ótöldum vélum og tækjum.
29	Framleiðsla á vélknúnum ökutækjum og tengivögnum.
30	Framleiðsla annarra farartækja.
31	Framleiðsla á húsgögnum og innréttingum.
32	Framleiðsla, ót.a.
33	Viðgerðir og uppsetning vélbúnaðar og tækja.
Úr 38	Sorphirða, meðhöndlun og förgun sorps; endurnýting efnis.
38.3	Endurnýting efnis.
41	Bygging húsnæðis; þróun byggingarverkefna. Þó ekki 41.10.0, þróun byggingarverkefna.
42	Mannvirkjagerð.
43	Sérhæfð byggingarstarfsemi.
Úr 45	Sala, viðgerðir og viðhald á vélknúnum ökutækjum og tengivögnum.
45.2	Bílaviðgerðir og viðhald.
Úr 58	Útgáfustarfsemi.
58.2	Hugbúnaðarútgáfa.
62	Þjónustustarfsemi á sviði upplýsingatækni.
Úr 63	Starfsemi á sviði upplýsingaþjónustu.
63.1	Gagnavinnsla, hýsing og tengd starfsemi, vefgáttir.
Úr 74	Önnur sérfræðileg, vísindaleg og tæknileg starfsemi.
74.2	Ljósmyndaþjónusta.
95	Viðgerðir á tölvum og hlutum til einka- og heimilisnota.
Úr 96	Önnur þjónustustarfsemi.
96.02	Hárgreiðslu- og snyrtistofur.]1)

    ¹⁾L. 21/2009, 1. gr.