Dómstólaleit

Kröfu stefnanda um skaðabætur úr hendi stefnda íslenska ríkisins, vegna líkamsárásar er hann varð fyrir sem refsifangi í fangelsinu að Litla-Hrauni, var hafnað. Ekki var fallist á þá málsástæðu stefnanda að stefndi beri hreina hlutlæga ábyrgð á tjóni hans né heldur að beita skuli sakarlíkindareglunni og með því leggja sönnunarbyrðina á stefnda um að tjón stefnanda sé hvorki að rekja til sakar hans né manna sem hann ber ábyrgð á. Ekki var séð að orsakatengsl hafi verið til staðar varðandi tjón stefnda og háttsemi fangavarða en tjón hans má rekja til ásetningsverks sem erfitt eða útilokað er að afstýra sé ásetningur nægilega einbeittur.