Leita í öllum dómstólum...
Niðurstöður
2 dómar fundust
Lagagrein: 5. gr. laga nr. 139/2001 — Lög um stofnun sameignarfyrirtækis um Orkuveitu Reykjavíkur
OR krafðist þess að úrskurður innanríkisráðuneytisins, um að fella úr gildi ákvörðun OR um álagningu vatnsgjalds á fasteign R, yrði ógiltur. OR hafði lagt vatnsgjald á fasteignina fyrir árið 2011 þegar húsið varð fokhelt í byrjun þess árs en fasteignin var ekki tengd við vatnsveitu OR fyrr en í apríl sama ár. Byggði OR á því að samkvæmt 1. mgr. 6. gr. laga nr. 32/2004 hefði henni verið heimilt að krefja R um greiðslu vatnsgjalds þegar á þeim tíma er R hefði getað tengt eignina við vatnsveituna, án tillits til þess hvort hann hafi gert það. Að virtu orðalagi 1. mgr. 6. gr. laga nr. 32/2004, eins og það yrði skýrt í ljósi lögskýringargagna, var talið að um vatnsgjaldið færi eftir þeim reglum sem gilda um þjónustugjöld. Af því eðli gjaldsins leiddi að það yrði ekki lagt á nema gjaldandi fengi þá þjónustu sem svaraði til gjaldtökunnar. Hefði því verið óheimilt að heimta vatnsgjaldið áður en R naut þjónustunnar með því að eign hans yrði tengd við vatnsveituna. Var R því sýknaður af kröfu OR.
Stefnandi krafðist þess að úrskurður innanríkisráðuneytisins yrði felldur úr gildi en með honum var felld úr gildi ákvörðun stefnanda um álagningu vatnsgjalds á fasteign stefnda. Stefndi var sýknaður en ekki var fallist á rök stefnanda fyrir því að úrskurðurinn væri ólögmætur.