Dómstólaleit

Talið var að heimilt hefði verið að hafna umsókn stefnanda um starf á vegum hins opinbera án þess að í því fælist ólögmæt mismunun á grundvelli aldurs en stefnandi var orðinn sjötíu ára að aldri þegar hann sótti um starfið. Hafði honum þá þegar verið tilkynnt um starfslok vegna aldurs hjá tveimur vinnuveitendum á vegum hins opinbera. Var höfnun starfsumsóknarinnar ekki talin brjóta í bága við grundvallar mannréttindi stefnanda, né gegn lögum nr. 86/2018 um jafna meðferð á vinnumarkaði enda væru skilyrði 12. gr. laganna uppfyllt. Þá var ekki talið að málsmeðferðarreglur hefðu verið brotnar með því að stefndi hafnaði að taka starfsumsókn stefnanda til efnismeðferðar.