Dómstólaleit

Stefnandi krafðist ógildingar á úrskurði úrskurðarnefndar fjarskipta- og póstmála þar sem kæru hans á framlengingu alþjónustukvaðar, sem átti sér stoð í ákvörðun frá árinu 2017, var vísað frá á þeim grundvelli að ekki hefði verið um kæranlega stjórnvaldsákvörðun að ræða. Dómurinn komst að sömu niðurstöðu og taldi ekki efni til þess að telja um stjórnvaldsákvörðun, eða kæranlega ákvörðun, að ræða. Var þá litið til þess að stefnandi hefði hvorki borið undir dómstóla né þar til bært stjórnvald ákvörðunina 2017 þegar efni hennar og raunveruleg þýðing lá fyrir, en þannig hefði réttaröryggi hans verið tryggt. Var stefndi því sýknaður.