Dómstólaleit

Mál þetta, sem dómtekið var 23. mars síðastliðinn, var höfðað með ákæru Héraðssaksóknara, útgefinni 3. mars síðastliðinn, á hendur Jóni Val Einarssyni, kt. 000000-0000, Arahólum 2, 111 Reykjavík, „fyrir meiri háttar brot gegn skattalögum, framin í sjálfstæðri atvinnustarfsemi, með því að hafa eigi staðið ríkissjóði skil á virðisaukaskattsskýrslum á lögmæltum tíma vegna uppgjörstímabilanna nóvember - desember rekstrarárið 2011 til og með maí - júní rekstrarárið 2016 og hafa eigi staðið ríkissjóði skil á virðisaukaskatti atvinnustarfseminnar vegna uppgjörstímabilanna nóvember - desember rekstrarárið 2011 til og með september - október rekstrarárið 2016, í samræmi við fyrirmæli IX. kafla laga um virðisaukaskatt nr. 50/1988, samtals að fjárhæð kr. 6.257.402 sem sundurliðast sem hér greinir:

Árið 2011 nóvember - desember kr. 900.677 Árið 2012 janúar - febrúar kr. 181.414 mars - apríl kr. 171.193 maí - júní kr. 151.330 júlí - ágúst kr. 211.103 september - október kr. 183.300 nóvember - desember kr. 171.750 kr. 1.070.090 Árið 2013 janúar - febrúar kr. 185.527 mars - apríl kr. 214.920 maí - júní kr. 140.716 júlí - ágúst kr. 156.137 september - október kr. 160.776

kr. 1.076.710 Árið 2014 janúar - febrúar kr. 196.364 mars - apríl kr. 206.186 maí - júní kr. 114.955 júlí - ágúst kr. 202.418 september - október kr. 231.545 kr. 1.138.277 Árið 2015 janúar - febrúar kr. 180.544 mars - apríl kr. 135.744 maí - júní kr. 255.736 júlí - ágúst kr. 149.086 september - október kr. 208.399 kr. 1.250.571 Árið 2016 janúar - febrúar kr. 192.486 mars - apríl kr. 94.493 maí - júní kr. 242.347 júlí - ágúst kr. 194.296 Framangreint   brot   ákærða   teljast   varða   við   1.   mgr.   262.   gr.   almennra hegningarlaga nr. 19/1940, sbr. 1. gr. laga nr. 39/1995, sbr. einnig 1. mgr. 40. gr. laga nr. 50/1988, um virðisaukaskatt, sbr. 3. gr. laga nr. 42/1995 og 3. gr. laga nr. 134/2005.

Þess er krafist að ákærði verði dæmdur til refsingar og til greiðslu alls sakarkostnaðar.“ Ákærði hefur fyrir dómi skýlaust játað að hafa framið brot það sem honum er gefið að sök í ákærunni og er játning hans studd sakargögnum.  Það eru því efni til að leggja dóm á málið samkvæmt 1. mgr. 164. gr. laga um meðferð sakamála nr. 88/2008.  Samkvæmt þessu verður ákærði sakfelldur fyrir brotið sem er réttilega fært til refsiákvæða í ákærunni. Verður refsing hans því ákveðin fangelsi í 3 mánuði sem bundin skal skilorði, eins og í dómsorði segir. Þá verður ákærði dæmdur til að greiða 12.000.000 krónur í sekt að viðlagðri vararefsingu, eins og í dómsorði segir. Loks skal ákærði greiða málsvarnarþóknun skipaðs verjanda síns, að meðtöldum virðisaukaskatti, eins og í dómsorði segir.

Arngrímur Ísberg héraðsdómari, kveður upp dóm þennan.

D ó m s o r ð :

Ákærði, Jón Valur Einarsson, sæti fangelsi í 3 mánuði, en fresta skal fullnustu refsingarinnar og falli hún niður að liðnum 2 árum frá deginum í dag að telja, haldi ákærði almennt skilorð 57. gr. almennra hegningarlaga nr. 19/1940. Ákærði greiði 12.000.000 króna sekt til ríkissjóðs innan fjögurra vikna frá birtingu dóms þessa en sæti ella fangelsi í 210 daga. Ákærði greiði málsvarnarþóknun skipaðs verjanda síns, Elvu Óskar Wiium hdl., 252.960 krónur.

Arngrímur Ísberg