Dómstólaleit

Mál þetta, sem dómtekið var 11. mars sl. er höfðað með ákæru útgefinni af héraðssaksóknara 4. febrúar sl., á hendur Antoni Traustasyni, kennitala 000000- 0000, Svarthömrum 38 í Reykjavík, fyrir meiri háttar brot gegn skattalögum sem stjórnarmanni, framkvæmdastjóra og prókúruhafa einkahlutafélaganna Arctic Roadtrip, kt. 000000-0000 (nú þrotabú), og Cheap Jeep, kt. 000000-0000 (nú þrotabú), með því að hafa:

1. Eigi staðið skil á virðisaukaskattsskýrslum einkahlutafélagsins Arctic Roadtrip vegna uppgjörstímabilanna júlí – ágúst og nóvember – desember rekstrarárið 2011 og janúar – febrúar, mars – apríl og maí – júní rekstarárið 2012 á lögmæltum   tíma   og   hafa   eigi   staðið   ríkissjóði   skil   á   virðisaukaskatti   sem innheimtur var í rekstri einkahlutafélagsins vegna uppgjörstímabilanna júlí – ágúst og nóvember – desember rekstrarárið 2011 og janúar – febrúar, mars – apríl og maí – júní rekstrarárið 2012 í samræmi við fyrirmæli IX. kafla laga nr. 50/1988, um virðisaukaskatt, samtals að fjárhæð kr. 3.359.516, sem sundurliðast sem hér greinir:

   Uppgjörstímabil:                                   Vangoldinn VSK: Árið 2011 Júlí – ágúst                                             kr.     369.587 Nóvember – desember                           kr.     209.503 kr.     579.090 Árið 2012 Janúar – febrúar                                     kr.     596.908 Mars – apríl                                            kr.  1.515.040 Maí – júní                                               kr.     668.478 kr.  2.780.426 Samtals:                                                 kr. 3.359.516

2. Eigi   staðið   skil   á   virðisaukaskattsskýrslum   einkahlutafélagsins   Cheap   Jeep vegna uppgjörstímabilanna maí – júní og júlí – ágúst rekstrarárið 2013 á lögmæltum   tíma   og   hafa   eigi   staðið   ríkissjóði   skil   á   virðisaukaskatti   sem innheimtur var í rekstri einkahlutafélagsins vegna uppgjörstímabilanna mars – apríl, maí – júní, júlí – ágúst, september – október og nóvember – desember rekstarárið 2013 og janúar – febrúar, mars – apríl og maí – júní rekstrarárið 2014, í samræmi við fyrirmæli IX. kafla laga nr. 50/1988, um virðisaukaskatt, samtals að fjárhæð kr. 14.447.429, sem sundurliðast sem hér greinir:

   Uppgjörstímabil:                                   Vangoldinn VSK: Árið 2013 Mars – apríl                                            kr.       970.627 Maí – júní                                               kr.    1.701.711 Júlí – ágúst                                             kr.    1.975.023 September – október                              kr.    1.604.152 Nóvember – desember                           kr.    1.028.457 kr.    7.279.970 Árið 2014 Janúar – febrúar                                                 kr.       870.566 Mars – apríl                                            kr.    3.395.441 Maí – júní                                               kr.    2.901.452 kr.    7.167.459 Samtals: kr. 14.447.429

3. Eigi staðið skil ríkissjóði skil á staðgreiðslu opinberra gjalda sem haldið var eftir   af   launum   starfsmanna   einkahlutafélagsins   Arctic   Roadtrip   vegna greiðslutímabilanna ágúst rekstrarárið 2011 til og með júlí rekstrarárið 2012, í samræmi við fyrirmæli III. kafla laga nr. 45/1987, um staðgreiðslu opinberra gjalda, samtals að fjárhæð kr. 7.354.275, sem sundurliðast sem hér greinir:

   Greiðslutímabil:                                   Vangoldin staðgreiðsla: Árið 2011 Ágúst                                                     kr.  1.338.598 September                                             kr.     465.599 Október                                                 kr.     388.494 Nóvember                                              kr.     255.836 Desember                                              kr.     295.064 kr.  2.743.591 Árið 2012 Janúar                                                    kr.     337.685 Febrúar                                                  kr.     405.655 Mars                                                      kr.     412.762 Apríl                                                      kr.     573.983 Júní                                                        kr.     988.999 Júlí                                                         kr.  1.891.600 kr.  4.610.684 Samtals: kr. 7.354.275

4. Eigi   staðið   skil   á   skilagrein   einkahlutafélagsins   Cheap   Jeep   vegna staðgreiðslu opinberra gjalda á lögmæltum tíma vegna greiðslutímabilsins maí rekstrarárið 2014 og eigi staðið ríkissjóði skil á staðgreiðslu opinberra gjalda sem haldið var eftir af launum starfsmanna einkahlutafélagsins vegna greiðslutímabilanna  maí  rekstrarárið  2013   til  og   með   júlí  rekstrarárið  2014,   í samræmi við fyrirmæli III. kafla laga nr. 45/1987, um staðgreiðslu opinberra gjalda, samtals að fjárhæð kr. 7.233.443, sem sundurliðast sem hér greinir:

   Greiðslutímabil:                       Vangoldin staðgreiðsla: Árið 2013 Maí                                                        kr.     566.970 Júní                                                        kr.  1.404.582 Júlí                                                         kr.  1.659.923 Ágúst                                                     kr.  1.048.230 September                                             kr.     161.905 Október                                                 kr.       51.046 Nóvember                                              kr.       81.459 Desember                                              kr.     202.984 kr.  5.177.099 Árið 2014 Janúar                                                    kr.     162.204 Febrúar                                                  kr.     157.213 Mars                                                      kr.       35.725 Apríl                                                      kr.       32.015 Maí                                                        kr.     253.386 Júní                                                        kr.     724.014 Júlí                                                         kr.     691.787 kr.  2.056.344 Samtals:                                                kr. 7.233.443 Framangreind brot ákærða teljast varða við 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995, sbr. einnig:

   a) 1. mgr. 40. gr. laga nr. 50/1988, um virðisaukaskatt, sbr. 3. gr. laga nr. 42/1995 og 3. gr. laga nr. 134/2005, að því er varðar 1. og 2. tölulið ákæru.

   b) 2. mgr. 30. gr. laga nr. 45/1987, um staðgreiðslu opinberra gjalda, sbr. 2. gr. laga nr. 42/1995 og 1. gr. laga nr. 134/2005, að því er varðar 3. og 4. tölulið ákæru. Þess er krafist að ákærði verði dæmdur til refsingar og greiðslu alls sakarkostnaðar.

   Verjandi ákærða krefst vægustu refsingar sem lög leyfa og þess að hún verði alfarið skilorðsbundin auk hæfilegrar þóknunar sér til handa. Farið var með mál þetta samkvæmt 164. gr. laga nr. 88/2008 um meðferð sakamála og var það tekið til dóms án frekari sönnunarfærslu þegar sækjanda og verjanda ákærða hafði verið gefinn kostur á að tjá sig um lagaatriði og ákvörðun viðurlaga. Ákærði hefur skýlaust játað brot sín. Sannað er með játningu ákærða og öðrum gögnum málsins að ákærði er sekur um þá háttsemi sem honum er gefin að sök og eru brot hans rétt heimfærð til refsiákvæða í ákæru. Ákærði er fæddur í janúar 1975. Samkvæmt sakavottorði hefur hann ekki áður gerst sekur um refsiverðan verknað. Við ákvörðun refsingar verður litið til hreinskilnislegrar játningar hans og innborgunar til lækkunar höfuðstóls vanskila virðisaukaskatts   uppgjörstímabilið   mars   til   apríl   2013.   Verður   refsing   ákærða ákveðin fangelsi í átta mánuði en fresta skal fullnustu refsingarinnar og falli hún niður að liðnum tveimur árum frá deginum í dag að telja, haldi ákærði almennt skilorð 57. gr. almennra hegningarlaga nr. 19/1940, sbr. 4. gr. laga nr. 22/1955. Ákærði   greiði   63.000.000   króna   sekt   til   ríkissjóðs   innan   fjögurra   vikna   frá uppkvaðningu dóms þessa en sæti ella fangelsi í 270 daga. Ákærði greiði málsvarnarþóknun skipaðs verjanda síns, Lárusar Sigurðar Lárussonar hdl., 306.900 krónur, að meðtöldum virðisaukaskatti en ekki hlaust annar kostnaður af málinu. Af hálfu ákæruvaldsins flutti málið Matthea Oddsdóttir saksóknarfulltrúi. Barbara Björnsdóttir héraðsdómari kveður upp þennan dóm.

D Ó M S O R Ð:

Ákærði, Anton Traustason, sæti fangelsi í átta mánuði en fresta skal fullnustu refsingarinnar og falli hún niður að liðnum tveimur árum frá uppkvaðningu dóms þessa haldi ákærði almennt skilorð 57. gr. laga nr. 19/1940, sbr. 4. gr. laga nr. 22/1955. Ákærði greiði 63.000.000 króna sekt til ríkissjóðs innan fjögurra vikna frá uppkvaðningu dóms þessa en sæti ella fangelsi í 270 daga. Ákærði greiði málsvarnarþóknun skipaðs verjanda síns, Lárusar Sigurðar Lárussonar hdl., 306.900 krónur.

Barbara Björnsdóttir